GIING'EETA 1:9 - Bibliyeeda Ghaydit

⁹ Ak gwayi ASEETA, “Beega mida hing'eadayda humng'eeda dabasiina geat hijagi, ak abeeda gwardu ng'eanyiida ghajaam.” Ak gwasa.

GIING'EETA 1:9 Mawu Ofanana

GIING'EETA 1:8

Ak gaguura ASEETA daadaliil humng'eeda. Ak ghoah shing'ada ak ghoah sakteayda, eaweedeaba iyeenya.

NEHEMIYA 9:6

Ghwalamda Esra ak gwayi. “Ang'iing'i guwoosi NG'UTAMIIDA, nea gibwaageaw; nea gibwadi humng'eeda, ea humng'eeda mida humng'eeda, ea lugoadaanyi sean, ea ng'eanyiida ea haleanjeeda sean mida jeeda, ea baskweega ea haleanjeeda sean mida jeesinga nyaawa; nea haleanjeeni seaniin giidiiwi ang'iing'i; nea ghabwannyi lugooda humng'eeda.

AYUBU 26:10

Ak ghang'oar giirooraneeda aba badayda beega ak gwasin moonghooda aba dageascheeda weeshinda ea misaneeda.

AYUBU 26:7

Ak ghoadoabiiw wiilooda ng'eanyiida ghayeawa aba heeda manda gil, ak ghaghasta ng'eanyiida aba heeda manda gil.

NYIIGHEEGA 104:3

Ak ghwayiin daranajeega ghoorajeagaaschi geawi jeeda beega, nea ghwanung' ghoah shamooghuutka mutukwajeandaanyi, nea ghamwanmwan aba badayda meang'eega jeameeda,

NYIIGHEEGA 33:7

Ghabwada geat beega basooda gawuurji gili mida jupajeanda; ak ghwayiin beega saang'a bea bugusta basooda jeeda gijigooda.

NYIIGHEEGA 95:5

Basooda daanyi, ak ea dea sin; ak geatingaaschi gwasin ng'eanyiida ghajaam.

REEKUSIINDA 1:7

Eeniga sean gaguliisa basooda, amadu basooda ea manyiita; heeda gal eeniga, heeda biikta beega gicha.

YEREMIYA 5:22

Gwayi NG'UTAMIIDA, Agooga moawali gheanyangeasu? agooga moabwaadani aba madeedeanyu? Ghaayiinyi iseaskweanda ghoah moonghooda basooda, Hilgweanda jea ghwaraay basooda ghwanaawa; Eara ghwalas laweajajeega, mayghoamu ghwanaawa, eara goojuur laweajajeega mayghoamu ghwanaawa.

YONA 1:9

Ng'ata gwayeesha fugiga, “Aniini geabeayi Ebraniya; ak geawalayi gheang'da NG'UTAMIIDA, was ASEETA humng'eeda, ghayi sin basooda ea ng'eanyiida ghajaam.”

2 Betro 3:5

Nea iissa gafool mwadaagha ng'asheanji bea huumwaan bea gideaba aba ng'asheanda ASEETA, ghayi geesin humng'eeda, ak gwardu ng'eanyiida aba jeeda beega aba naweeda beega,

Giidaheechta 10:6

ghwaak habeawooda aba ninyeeda majeek ea ghoah damanda manda muudeanooda, ninyeeda bwat humng'eeda ea haleanjeeda mida jeeda, ea ng'eanyiida ea haleanjeeda mida jeeda, ea basooda ea haleanjeeda mida jeeda, ak ea maygudugwanda shing'deayda,