Giidaheechta 8:7 - Bibliyeeda Ghaydit

⁷ Hean googuul malaykajeanda madeeda, ak ghwahidu roopta lagheanga ea beasta, nea gaguuyi foojeanda, ak goobissa badayda ng'eanyiida; hean ghwaak ng'eanyiida beasta ea eapuut hiji mwanang', ak ghwaak beasta geediga ea ghoabuut suung'ay, nea eara nyeega nyawiiri sean ghwaak beasta.

NEAJEEDA EESH BEA BUUNEESSEAN

⁷ Hean goguul malaykajeanda madeeda, ak ghwahidu roopta lagheanga ea beasta, nea gaguuyi foojeanda, ak goobissa badayda ng'eanyiida; hean ghwaak ng'eanyiida beasta ea eappuut hiji mwanang', ak ghwaak beasta geediga ea ghoabuut suung'ay, nea eara nyeega nyawiiri sean ghwaak beasta.

Giidaheechta 8:7 Mawu Ofanana

NYIIGHEEGA 105:32

Damanda jea ghoadawa roopta ghoadaw roopta lagheanga, ea dadamandeeda abwaay jeeda ng'eanyiida nyaawa.

RITEAYDA 9:33

Hean gwariteawa Musa gheeh Farao ak gawa Mujiini ak ghamiinda geatingaaschi googeal heeda NG'UTAMIIDA, ak ghwasiinda gighweendandeeda ea rooptida bea lagheangean, ak ea mutghwaroabwan aba badayda ng'eanyiida.

ISAYA 28:2

Ng'ula, Ng'utamiida gwandeawa siyagi mideawa uurda ak ea majeek, ak gawuurji siilakghta roopta lagheanga, ea shaarareeda nyarja haleanjeeda, ak gawuurji siilakghta beega saang'a gulda, ak nih ea gichea gwajaksiinda ng'eanyi gil aba geatinda.

ISAYA 29:6

ak gaygabareaseey NG'UTAMIIDA lugweega aba giighweendandeeda ea sawooda ng'eanyiida ea nyeashta haw, ea shaarara ea jeameeda ng'waan, ea beasta ng'waan.

ISAYA 30:30

NG'UTAMIIDA gayghwanung' ghwayiiy buuneeda ghuutaanyi ghaambiidaat, ak gayghoahiimu gichea ghwalasta buuneeda aba nyarastaanyi, ak gaygwanda beasta ng'waan, ea siilakghta ea shaarara, ea roopta lagheanga.

ISAYA 32:19

Gayghwaroabwan roopta lagheanga, iisilach geediga diimda ak gayghoabeada mujiini.

ESEKIELI 38:22

Ak gaydalas niny aba dawni, ea foojeanda, nea ghaanung' ghwaroabwan roopta guldeayda ea roopta lagheanga hees muuchi, ea beasta ea giikayda gwanda badaydaanyi ea lugoadaanyi ea fuga eemoojiga saang'a mideayi sea niny.

YOELI 2:30

“Ak gaydaahiimu ng'asheega deamdeameadi aba humng'eeda ea ng'eanyiida, foojeanda, ea beasta, ea arooscheeka miinaada.

Yakkobo 1:11

Aba gideaba aseeta iissa goorearu nea gweadu beasta, ak ghoaghajaam seenga; ak ghoabit deakghweadaanyi, ak goosha alooheeda. Gwasunu eara meanang'oocheanda gayghaghajaamiit aba naweadingaaschi.

YOSHUWA 10:11

Ak damandida mang'aw aba madeeda fuga Israeliin, nea ghwararang'aadawa Bet-horoni, hean gwajaksa NG'UTAMIIDA lagheanga hees leabu humng'eeda badahuuka nyaawa ea ghwahita Aseka, ak gameewa; ak fuga bwar lagheanga roopta aasaang'a ea ghwanaawa fuga bwar fuga Israeli aba ng'uta.

1 Betro 1:24

Aba gideaba “Saseesean gawuurji nyeega, Nea gharbeadaanyi sean gawuurji deakghweeda seenga. Iissa seenga ghaghajaamiit ak ghoabit deakghweadaanyi,

Giidaheechta 12:4

Nea shoomng'eandaanyi goongiir miinga humng'eeda heeda haw, ak gwahisa badayda ng'eanyiida. Hean ghamiinaada ichiboodida aba madeedeaba gatmoodida riikghta gwaji jeeptean, ak abeeda ghwanukghuta jeaptaanyi damanda jiila;

Giidaheechta 16:2

Gawa malaykajeanda madeeda ak ghoahiida gweeriidaanyi aba badayda ng'eanyiida, hean ghoaptu deaneaduutka munyas bea ririnnyeanda mideawa giirooraneedeaba diyeaydideani ak ghaghadoawan gidida siratiida ninyiin.

Giidaheechta 16:21

hean gang'adeesa buuneeda roopta haw bea lagheanga durumani muuchi, ak goobitpisa buuneeda nea gwaleabu humng'eeda, ea eeyi bwak ea ghamwaashta buuneeda ASEETA aba sawanadeeda nyas aba lagheanga, ak ghoabeal fih sawanadeedida.

Giidaheechta 6:8

Hean ghaadaayi, ak geang'ulayi, faraaseeda mur, nea siida mida badayda ea Miyeeda gil, nea goodeayi Gheeda maloonghajeega; ak geataw uurda aba badayda ng'eanyiida hiji mwanang', ak gwanuus aba ng'uta ea geejeeda ea dawni ea diyeanga ng'weani bea ng'eanyiida.

Giidaheechta 7:1

Iing'ata suh ghaadaayi malaykaji ang'wan nea ghamiinaada aba murdajeega asang'wan bea ng'eanyiida, nea ghwadeal jeameeda leabu murdajeega asang'wan bea ng'eanyiida, aba gideaba ea mwaghuuna jeameeda aba badayda ng'eanyiida, ghana aba jeeda basooda ghana ghaghuut geeta wassean.

Giidaheechta 9:15

Hean geesiksa malaykajeegiga asang'waniin, ghayi siikghuumu ea ghwahita damandideaniin, ea eaweedida ea sheeda, ea gweayda, ak gwanuus buuneeda heeda haw.

Giidaheechta 9:18

Aba nih gwanuus buuneeda heeda haw aba dawni, ea aba beasta ea aroosta ea giikayda rinna ghuusiga nyaawa.

Giidaheechta 9:4

ak geeyeesha adoosawanyi nyeega mida ng'eanyiida ghana gili wassean nyawiish, ghana giliwas geeta geaghus fugiga mandeawana giirooraneeda ASEETA aba gheamamuunatka nyaawaan;