Giidaheechta 8:5 - Bibliyeeda Ghaydit

⁵ Iidu gageanu malaykajeanda dabicheandida ak ghoanyiit beasta leabu heeda wagiida, ak gwajaksa badayda ng'eanyiida; hean ghwanya nyeashta ea giighweandandeeda humng'eeda, ea nyeashta nea ghoabwaay dadamandeeda, ea sawooda ng'eanyiida.

NEAJEEDA EESH BEA BUUNEESSEAN

⁵ Iiduw gageanu malaykajeanda dabichcheandida ak ghoannyiit beasta leabu heeda wagiida, ak gwajaksa badayda ng'eanyiida; hean ghwanya nyeashta ea gighweandandeeda humng'eeda, ea nyeashta nea ghoabwaay dadamandeeda, ea sawooda ng'eanyiida.

Giidaheechta 8:5 Mawu Ofanana

1 SUGOODIGA 19:11

Ng'ata gwayeesha, “Rita ak guwi uhuuda giijeeda aba madeeda NG'UTAMIIDA,” Ak ging'ulayi ghang'ata NG'UTAMIIDA, ak ghwahidu jeameeda hoauur ak gwadukuta giijeega, ak gwanyarjeaweada lagheanga aba madeeda NG'UTAMIIDA, ak ea manda NG'UTAMIIDA jeeda jeameeda; iing'ata jeameeda ghwahidu giighweendandeeda humng'eeda; ak NG'UTAMIIDA ea manda jeeda giighweendandeeda.

NYIIGHEEGA 18:13

Ak ghwanya ghuuta NG'UTAMIIDA aba humng'eeda, ak ghwanya daghata ASEETA mida humng'eeda, sea roopta lagheanga ea rarayga beasta.

RITEAYDA 19:16

Hean sakteayda bea eaweeteaba samwagu ghwahidu giighweandandeeda ea dadamandeeda, ea dung'usta haw aba uhuuda giijeeda, ea nyeashta haw bea durumbeati ea ghabeal buuneesean mida jeeda maheemajeanda.

ISAYA 29:6

ak gaygabareaseey NG'UTAMIIDA lugweega aba giighweendandeeda ea sawooda ng'eanyiida ea nyeashta haw, ea shaarara ea jeameeda ng'waan, ea beasta ng'waan.

ISAYA 30:30

NG'UTAMIIDA gayghwanung' ghwayiiy buuneeda ghuutaanyi ghaambiidaat, ak gayghoahiimu gichea ghwalasta buuneeda aba nyarastaanyi, ak gaygwanda beasta ng'waan, ea siilakghta ea shaarara, ea roopta lagheanga.

ISAYA 66:6

“Oaleaydiit deambirista jeeda mujiini, ghuuta nyeara jeeda gheeda sibata ASEETA ghuuta NG'UTAMIIDA gil, ghwaaga weajoodigaaschi ghoorjooda.

YEREMIYA 51:11

“Ashida geatka! Ageani igeambooniga! NG'UTAMIIDA nisat gurooruunatka sugoodiga Meedi, aba gideaba niny gidabada aba badayda Babeli nyarjeawda gil, aba gideaba nih mureandooda NG'UTAMIIDA, was mureandooda ghooriidaanyi sibata niny.

NG'ASHEEGA LAWI 16:12

Ak gaygageanu gidasimikiisiinda nea ghwanyiit rarayga beasta leabu heeda wagiida aba madeeda NG'UTAMIIDA, ea geediga ng'andidi sing'aal muuchi nyiit baneaguuk iyeenya; ak gweadu heeda ghaydit muuchi was jeeda beashooda

SAKARIYA 14:5

Ak agooga gajasalda nea ghoayaachi naweeda moangoachiyda giijeegeasu. Aba gideaba moangoachiydida bea giijeegean gayghwadarda ea ghwahita Aseli. Ak gajasaldeayda gidaghayi oosaldeaydi aba damanda sawooda ng'eanyiida, bea damanda Usiya was sugoocheanda Yuda. Ak gayghwahidu NG'UTAMIIDA was ASEETEANYU, gayghwahidu nea goodeana fuga ghaydidi sean.

Mattayo 24:7

Aba gideaba gaygang'uchi daroar ea daroar nuut, ak gang'uchi sugoocheanduumeeda ea sugoocheanduumeeda nuut, ak gaygwanda geejeeda ea sawooda ng'eanyiida aba hiji ea hiji:

Lukka 12:49

“Aniini ghaawunyi dajaksa beasta jeeda ng'eanyiida; ak gidabal ea ning'ata giiyeeta!

Gadiyeeda Giijasoodiga 16:26

deagheata gwasimgeaw ng'eanyiida, ak ghwanung' gwaduumduum sindeeta gheeda siratiisa buuneeda; miighoah gil gootina gidaghuudajeega ak gootineada eara munyaloalajeega sirata fugiga bea ghealoonigean.

Gadiyeeda Giijasoodiga 4:31

Iidu nea sishit mooshta ASEETA, gwaduumduum heeda gwachi bassa geat; ak gaba nih siinyiit Guroorooda Ghaydit ak gwarukwiida giijasta miy bea ASEETA aba meaynata.

Giidaheechta 11:13

Nea aba damandida abeeda gwanda sawooda haw bea ng'eanyiida, ak ghoabeada meatkweanagi mwanang' bea mujiini; ak gameewa fih sagalamnyooji ispwa aba sawoodida bea ng'eanyiidean, ak ghang'ut muuwda gea siipuut, ak ghoaghaambiit ASEETA humng'eeda.

Giidaheechta 11:19

Ng'ata geetin Gheeda sibata ASEETA mida humng'eeda, ak geadaah sandakwajeanda diigheanda aba jeedeaba gheanyi sibata ASEETA; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchi bea lagheanga.

Giidaheechta 4:5

Nea heeda hoorgeeda gheambalmeeda iissa gwarina dadamandeeda, nea ghuusiga ea nyeashta gighweendandeeda, nea madeeda hoorgeeda gheambalmeeda ghwayeat gheaboonyan ispwa bea beasta, nea gurooruunat ispwa bea ASEETA;

Giidaheechta 6:12

Iidu nea ghwajaat giirooraneedeaba lah, ghaadaayi, ak geang'ulayi sawooda haw bea ng'eanyiida; ak gwatuudu gheang'da ASEETA ea gawuurji hang'weaka sisna guniya, nea eara sheeda ghawaar foojeanda,

Giidaheechta 8:3

Hean ghwahidu malaykajeanda nuut ak ghamiinaada heeda wagiida, nea gwandeawa dabicheanda sisna dahaabu siimiikiisiinda, ak geataw hideeda ng'andit saang'a ak googuuyi sea mooshta ASEETA bea fuga sean ghaydidi aba badayda heeda wagiida sisina dahaabu mida madeeda hoorgeeda gheambalmeeda;