Giidaheechta 7:16 - Bibliyeeda Ghaydit

¹⁶ Ak ea maygudu ghwadaah jalooda, ghana ghwaak muwoash gicha; ak ea mayghwaak daknooda saawa, ghana giliwas daknooda ng'waan.

NEAJEEDA EESH BEA BUUNEESSEAN

¹⁶ Ak ea maygudu ghwadaa jalooda, ghana ghwaak muwoash gichcha; ak ea mayghwaak daknooda saawa, ghana gilwas daknooda ng'waan.

Giidaheechta 7:16 Mawu Ofanana

NYIIGHEEGA 121:5

NG'UTAMIIDA haghweadoocheandaang'u; NG'UTAMIIDA niny jirooneadaang'u bea geatinda dugwa.

NYIIGHEEGA 121:6

Mayghwaaknyi daknooda askweari, ghana sheeda damandeaba eawa.

NYIIGHEEGA 143:6

Ghaamiindi geatingeasu deagealu headaang'u; gurooroodeanyu ghwaak muwoash aba badaydaang'u gawuurji ng'eanyiida ghajaam.

NYIIGHEEGA 42:2

Gurooroodeanyu gwayeesa muwoash ASEETA, was ASEETA majeek Gaydoan eeju ak geadaahan aba madeeda ASEETA?

NYIIGHEEGA 63:1

Ea ASEETA, ang'iing'i guwoosi ASEETEANYU, aniini geagaseey, gurooroodeanyu gabearji muwooshta aba gasoadaang'u; ghwaaktanaan muwoash ng'eanyiida ghajaam manda beega.

SARMEEDA SULEMANI 1:6

Adoosawiisean aba gideaba ghaawaschi duw muuchi, aba gideaba nighwardanaan daknooda. Ninyareeksean orjooga iyya Ak geanung' doaw furiischoocheanda madameega sabiibu, nea madamnyeandeanyu ea meafuri.

ISAYA 25:4

Aba gideaba ang'iing'i guwoosi heeda mang'awiisa fuga barbari, heeda mang'awiisa fuga mandeawana gil damanda sawanadeadaanyi, heechea eemng'awsa iihidu shaarara, jirooneeda damanda mideewa daknooda; damanda ayuuk jeameeda fuga munyas searooji nea gawuurji shaarareeda las ghamarda,

ISAYA 32:2

Gaygaba siisi uurji heechea eefuysa geat aba jeameeda, ak gawuurji heechea eefunya geat aba roopta jeameeda, ak gawuurji eeniga mida beega mida ng'eanyiida ghajaam, ak gawuurji jirooneeda lagheaneeda haw mida jeeda dareapcheeda.

ISAYA 41:17

Damanda gaseewa beega fuga barbari ea gea mandeawana gil, ak ea mwanyasa, ak ea nijeama ng'ushapkeaka nyaawa aba muwooshta aniini geawooschi NG'UTAMIIDA gaydasha ghuusiga nyaawa, aniini geawooschi ASEETA Israeli maydanung'wa heeda saawa.

ISAYA 49:10

Ak ea mayghwaak jalooda, nea mayghwaak muwooshta, ak saawa ea mayghwaak jeameeda geayda ghana daknooda, aba gideaba dea ghayi bwayda saawa gaygwanda madeanyaawa, ak gayghwaat googeal gheang'deenda.

ISAYA 65:13

Asi gwayi NG'UTAMIIDA was ASEETA, “Ng'ula fugeasu bea gadiyeeda gaygweagiischi, nea agooga gayghwayeadeagwa jih, ng'ula fugeasu bea gadiyeeda gaygwaleeshi nea agooga gayghwageagwa muwoash, ng'ula fugeasu bea gadiyeeda gaygahoosan, nea agooga gajeapwaaspwaaseagwa.

YONA 4:8

Iidu nea goorearu aseeta, goojeagu ASEETA jeameeda ng'waan leabu gayeew, hean ghwalas daknooda uhuuda Yona ea ghoahiil; ea gwayi bwak ea gagasa miyeeda, ak gwayi, “Ghang'wana ghaameayi ea meabiidani ng'eanyiida.”

Mattayo 13:21

Amadu ea mandeawana hawunga aba jeadaanyi iissa ghoang'waay ng'asheandida gilinuwaas, ama hidu sawanadeeda ghana gapnu ghabasta aba badaydeaba ng'asheanji gabay ghoabeada.

Mattayo 13:6

iidu nea gwadagu daknooda ghoaseal beasta daknooda; ak ghwasis aba gideaba manda hawunga.

Mattayo 5:6

“Ghang'wana fuga bearji jalooda ea muwooshta gasooda doobiiwnata, aba gideaba gajeelang'u.

Marko 4:17

Ghanyea mandeawana hawunga iissa ghanyi gageanu gheadi nuwaas iihidu sawanaduutka ea munyinda gabay ghwalagaan.

Marko 4:6

Boosu iidu ghwalas daknooda nea gudugwanda ghuusiga sigeeda, ak gabay ghaghajaamiit aba gideaba manda sigeemba huumwa ang'waay hawunga.

Lukka 1:53

Ninyiit fuga bearji jalooda aba haleanjeeda miyaas, nea meanang'oodiga gaweay nea ghwadalaada.

Lukka 6:21

“Ghoang'wani agoogeeda yeadeagwa jih ghamneawa, aba gideaba gajoolang'uuda. “Ghoang'wani agoogeeda ooyeawdi ghamneawa, aba gideaba gajoayaaga reari.

Yohaana 4:14

amaduuku siichea ghwali beega jea daadaw aniini mayghwaak muwoash earahay; aba gideaba beegiga jea daadawiin gayghoah aba jeadaanyi gheang'deenda nea goobeakbeaksa eaweega manda muudeanooda.”

Yakkobo 1:11

Aba gideaba aseeta iissa goorearu nea gweadu beasta, ak ghoaghajaam seenga; ak ghoabit deakghweadaanyi, ak goosha alooheeda. Gwasunu eara meanang'oocheanda gayghaghajaamiit aba naweadingaaschi.

Giidaheechta 21:4

ak gaygoobuus giliwas dabeaka aba gheanyanga nyaawa, ak ea maygudu gwanda miyeeda, ghana giiseaneega ghana shooka ghana sawanadeeda, maygudugwanda aba gideaba, ng'asheega madeeda goola ghang'ata.”