Giidaheechta 7:1 - Bibliyeeda Ghaydit

¹ Iing'ata suh ghaadaayi malaykaji ang'wan nea ghamiinaada aba murdajeega asang'wan bea ng'eanyiida, nea ghwadeal jeameeda leabu murdajeega asang'wan bea ng'eanyiida, aba gideaba ea mwaghuuna jeameeda aba badayda ng'eanyiida, ghana aba jeeda basooda ghana ghaghuut geeta wassean.

NEAJEEDA EESH BEA BUUNEESSEAN

¹ Iing'atta suu ghaadaayi malaykaji ang'wan nea ghamiinaada aba murdajeega assang'wan bea ng'eanyiida, nea ghwadeal jeammeeda leabu murdajeega assang'wan bea ng'eanyiida, aba gideaba ea mwaghuunna jeammeeda appadayda ng'eanyiida, ghana aba jeeda basooda ghana ghaghuut geetta wassean.

Giidaheechta 7:1 Mawu Ofanana

ISAYA 11:12

Ak gayghamiiinda beendeerajeanda goohiimsa eemoojiga gideaba gayghoawaam fuga Israeli ghayi siitaarda, nea ghabwada geat fuga Yuda ghayi darda mida meadajeega asang'wan sean bea ng'eanyiida.

ISAYA 27:3

Aniini, NG'UTAMIIDA gil, ak geawooschi furiischoocheandaanyi; nea ghaayiinyi beega damanyoojiga sean. Aba gideaba adaghwadatas sih, ak geafurji eawa ea askweari;

ISAYA 27:8

Ghwalas fugaaschi ak goobaleak, damanda shaarareeda ng'waan leabu gayeew, ak ghwanung' goosiipta aba lasooda ng'waan.

YEREMIYA 49:36

ak gaydeadu badayda Elamu jeameeda aba meadaji ang'wan biissa gwaleabu meadaji ang'wan bea humng'eeda; ak gaydanung' gwadarsa jeameedida seaniin, ak ea manda eemeeda mayghwahita heeda fuga Elamu ghayi sihoan.

ESEKIELI 37:9

Ng'ata gwayeeshiinean, “Ea orjeeda siida, ramoora, ramoorsiina jeameeda, ak giyeeshi jeameeda gwayi NG'UTAMIIDA was ASEETA, beeni nea gileabu meadajeega asang'wan bea ng'eanyiida. Ea giisiimeanda guusiina suh ghayi sibwariin ak ghwanyas eaweega.”

ESEKIELI 7:2

“Ea orjeeda siida, eeshiina fuga ng'eanyiida Israeli gideaba gwayi NG'UTAMIIDA was ASEETA. Ghamneawa huuydeanda gil nihita huuydeanda ng'eanyiisean, ghang'eada meadajeega sean asang'wan.

DANIELI 11:4

Iimuchu nea niimbaliischi gayghwanyar sugoocheanduumeadaanyi ak gwadarsa murdaji ang'wan bea humng'eeda, nea maygaba jeataanyi ak ea maygawuurji gheambalmeeda ghayi itaanyi; aba gideaba sugoocheanduumeadaanyi gajeegeanda ak gaweesa fih suuk.

DANIELI 7:2

Gwayi Danieli, “Ghaadaayi eawa aba jeeda giirgweatka, ak ging'ulayi, jeameeda gooyuuk meadajeega sean bea ng'eanyiida ak gooyuuk basooda.

DANIELI 8:8

Ak goodiing'u geaw ghwarayda ea ghwaraanya; iidu aba uurda, geehirja gujaweadaanyi haw, iidu aba hoorgeadaanyi gwardu gujaka deamdeameadi ang'wan gal meadaji ang'wan bea ng'eanyiida.

YONA 1:4

Ng'ata gweadu NG'UTAMIIDA jeameeda haw aba jeeda basooda, ak gwajagu basooda laweajajeega hees, ea gwayi bwak ea ghwariikghta ghwanyar maleambooda.

SAKARIYA 6:1

Hean aang'weardi gicha ghaadaayi mutukwaji ang'wan bea ng'ucheeda, nea gwarina dang'adiga giijeega asiyeenya; ak giijeesu ea giijeega mideawa lagheanga oomng'i gil siguura shaaba.

SAKARIYA 6:5

Ak ghwasha malaykajeandida ghuuteanyu ak gwayi, “Suh gwarina meadajeega asang'wan bea humng'eeda, nea gwaleabu madeeda NG'UTAMIIDA bea ng'eanyiisean.

Mattayo 24:31

ak gaygoojeakta malaykajeagaaschi ghaghuut muuchi durumbeati ak gaygaweay gooweamu fugaaschi loat aba murdajeega asang'wan bea ng'eanyiida, ghang'eada murdeeda humng'eeda meatkweeni ea gagul meatkweedida.

Marko 13:27

Ak Gaygoojeakta giijasoodigaaschi bea humng'eeda goodearsa meadajeega asang'wan bea ng'eanyiida gaweay gooweamu fuga loossa geaw, ghang'eada muudeanooda ng'eanyiida ea ghoah muudeanooda humng'eeda.

Giidaheechta 20:8

ak gayghwahidu ak gwareengani eemoojiga mida murdajeega asang'wan bea ng'eanyiida, ak ea, Gogu gil ea Magogu, ak ghoawaam saawa aba ng'ucheeda; nea mooneeda nyaawa gwadeena iseaskweanda basooda.

Giidaheechta 6:6

ghaayiinyi giduurji nyeashta aba bugusteaba diyeangiga majeekcheewi asang'waniin, nea gwayi, “Gweeriida ngaano nea googween iyeenya sishaaha dinaarajeanjagi, ea gweeriida riighu bea nganooyda siguura shayiiri sishaaha dinaari; ak ea adidatasi, nagheeda ea difaayi!”

Giidaheechta 7:3

nea gwayeesha, “Adoosawanyi ng'eanyiida ghana basooda ghana geediga, ea eaghus ea siyiinyi giirooraneeda gheamamuunatka soomjooga ASEETEANYA.”

Giidaheechta 8:7

Hean googuul malaykajeanda madeeda, ak ghwahidu roopta lagheanga ea beasta, nea gaguuyi foojeanda, ak goobissa badayda ng'eanyiida; hean ghwaak ng'eanyiida beasta ea eapuut hiji mwanang', ak ghwaak beasta geediga ea ghoabuut suung'ay, nea eara nyeega nyawiiri sean ghwaak beasta.

Giidaheechta 9:14

nea gwayeesha malaykajeandeaba lah mideawa durumbeatiin, “Siksiina malaykajeegiga asang'wan sirassa jeedeenda haw siguura Furatiin.”

Giidaheechta 9:4

ak geeyeesha adoosawanyi nyeega mida ng'eanyiida ghana gili wassean nyawiish, ghana giliwas geeta geaghus fugiga mandeawana giirooraneeda ASEETA aba gheamamuunatka nyaawaan;