Giidaheechta 6:9 - Bibliyeeda Ghaydit

⁹ Iidu nea gootin giirooraneedeaba muut, hean ghaadaayi aba jeeda heeda wagiida gurooruunatka fuga ghayi silajaada gheatkweaka aba badayda Ng'asheanda ASEETA, ak gamuuwu ng'asheesu;

NEAJEEDA EESH BEA BUUNEESSEAN

⁹ Iiduw nea goottin giirooraneedeaba muut, hean ghaadaayi aba jeeda heeda wagiida guroruunatka fukghayi silajada gheatkweakka appadayda Ng'asheanda Aseetta, ak gamuuwwu ng'asheesu;

Giidaheechta 6:9 Mawu Ofanana

GIING'EETA 4:10

Ak gwayeesha NG'UTAMIIDA, “Neada ea nisini naaha? Foojeanda orjeeda geamadu gooyeawusean aba ng'eanyi.

RITEAYDA 29:12

gaygeani foojeanji ng'ay bea heeyda ak giyiini uhuuda gujaka heeda wagiida aba mooneadaang'u, ak giihiisi foojeanda sea heeda wagiida.

NG'ASHEEGA LAWI 4:7

Ak gaygageanu ashoohoocheanda foojeanda mwaatkwa ak ghwayiin ghwanadeeda heeda wagiida ng'andit was madeeda NG'UTAMIIDA mida jeeda maheemajeanda siroondooscheesa, nea foojeanda suurja bea jurukuta gaygoohiisa badayda heeda wagiida ghoah haleanjeeda ghadooweeda sighwarda mida gidaghuuta maheemajeanda siroondooscheesa.

Yohaana 16:2

Gaygooheeleeweegwa buuneeda ghoorajeega siinealshacheewa; aba huumwa, aba gideaba ghwaan damanda ama siida nuuseegwa jea ghaghay gili bwat ASEETA.

2 Goriinto 5:8

Asi eedaruusiita, ak abeeda ghang'wana geesheagiidi saseeda ak geepiidi ghoah sea Ng'utamiida.

Filippi 1:23

Geaminighisan aba dageascheemba ng'asha iyeenya. Geagasayi dawa dandeayi sea Gristo, aba gideaba gidang'wana gil.

Filippi 2:17

Eara eayiinan uhuuda haleanjeeda sisapa geadi bea ghadooweeda aba badayda masaweegeagwa, aniini geahoosanyi nea geang'weelayi sea agoogeeni seaniin.

2 Dimoteo 1:8

Adibwaspwasi aba muuwuunooda badayda Ng'utamiideanya, eara aniineani eandi ghealooniga aba badaydaanyiin, asi milikteaysiina ng'asheega munyas sea aniini aba badayda Giijasta Miy aba uurda ASEETA,

2 Dimoteo 4:6

Aba gideaba aniini ghamneawa gajeetaydanaan doaw gujaweeda ak ea nihita damanda jea dameawa.

Ebraniya 12:23

ea heeda fuga bwat geat was gea siisheeda eeji sing'oorsa gheawunga nyaawa humng'eeda, nea dea laja girgweaguutka ea ASEETA buuneesean, ea heeda gurooruunatka fuga doobiiweadi geemiyaas,

Giidaheechta 1:2

amadu gamuuwu Yohana iita ng'asheanda ASEETA ea muuwuunooda iita Yesu Gristo, ea iita haleanjeeda sean ghayi dea.

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

Giidaheechta 14:18

Ak gwarina malaykajeanda nuut heeda wagiida, nea dea burdeawa uurda beasta gil, ak gaguursa dea mideawa bardida ng'aniibiin aba ghuuta haw nea gwayeesha, “Geani bardida itaang'u ng'aniibiin ak gibini dayeega sabiibooda ng'eanyiida, aba gideaba haghweagaaschi niheas.”

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'utamiida was ASEETA mideawa uurda, girgweaguutkaagu huumwa gil nea ghwadoabiiw!”

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.

Giidaheechta 8:3

Hean ghwahidu malaykajeanda nuut ak ghamiinaada heeda wagiida, nea gwandeawa dabicheanda sisna dahaabu siimiikiisiinda, ak geataw hideeda ng'andit saang'a ak googuuyi sea mooshta ASEETA bea fuga sean ghaydidi aba badayda heeda wagiida sisina dahaabu mida madeeda hoorgeeda gheambalmeeda;

Giidaheechta 9:13

Hean ghaghuut malaykajeandeaba lah durumbeateadaanyi, ak ghaayiinyi ghuuta nyaasha jeedeaba gujakiga asang'wan bea heeda wagiida sisina dahaabu mida madeeda ASEETEAN,