Giidaheechta 6:8 - Bibliyeeda Ghaydit

⁸ Hean ghaadaayi, ak geang'ulayi, faraaseeda mur, nea siida mida badayda ea Miyeeda gil, nea goodeayi Gheeda maloonghajeega; ak geataw uurda aba badayda ng'eanyiida hiji mwanang', ak gwanuus aba ng'uta ea geejeeda ea dawni ea diyeanga ng'weani bea ng'eanyiida.

NEAJEEDA EESH BEA BUUNEESSEAN

⁸ Hean ghaadaayi, ak geang'ulayi, faraseeda mur, nea siida mida badayda ea Miyeeda gil, nea goodeayi Gheeda maloonghajeega; ak geattaw uurda appadayda ng'eanyiida hiji mwanang', ak gwanuus aba bwaanga ea geejeeda ea dauni ea diyeanga ng'weani bea ng'eanyiida.

Giidaheechta 6:8 Mawu Ofanana

GHWASIILDEANGA 5:5

Geeshangaaschi gwararang'eesa jeeda miyeeda, nea heedala ghoang'waay geat sea gheeda maloonghajeega.

ISAYA 25:8

Ak gaygageanda miyeeda damanda manda muudeanooda, NG'UTAMIIDA was ASEETA gaygoobuus dabeaka mida gheanyanga sean, nea gageanda baspaseega fugaaschi aba badayda ng'eanyiisean, aba gideaba nih gwarugu NG'UTAMIIDA.

YEREMIYA 14:12

Eara gooluulda geat, ea maydealeeysa iita shooka nyaawa, eara gagu haleanjeeda sisabwa geadi sigwariida, ea gea booga, ea maydaang'waay; hean gaydahuuyda saawa aba ng'uta, ea geejeeda, ea aba dawni.”

YEREMIYA 16:16

Asi gwayi NG'UTAMIIDA, “Ng'ula gaydeajeagu fuga saang'a daga ghweayeega ghapka ghoang'waay fiisu; aba ng'ata gaydeajeagu fuga bara shageata ak gaygahoona saawa aba uhuuda gilinyoo ea giija gil ea uhuuda gilinyoo ea heaya, ea jeemba gilinyoo gwaleamba lagheanga.

YEREMIYA 16:4

Ng'ula gaygahuuyda geeyooda muy. Nea ea manda fuga jea gooyeawda aba badahuuka nyaawa, ak hean eara fuga jea gabuy ea maygwanda; saawa gaygawuurji fiyeega dugwa mida mooheeda. Ak gaygahuuyda ng'uta ea geejeeda, nea muscheeka nyaawa gayghoah daghwarda dariidaka ea diyeanga jarooda.

YEREMIYA 24:10

Ak gaydaahaak ng'uta, ea geejeeda, ea dawni, bwak ea goosha sean aba jeeda ng'eanyiida ghayi aadawji saawa ea ghweaniga nyaawa.”

YEREMIYA 29:17

‘Asi gwayi NG'UTAMIIDA bea lugweega; Ng'ula, gaydajaksa ng'uta jeeda nyaawa, ea geejeeda, ea geeyooda muy, nea ging'ulayi gaydanung' gawuurji haghweega munyas bea shaboogheecheanda mwoamu eayaak.

YEREMIYA 43:11

Ak gayghoan ak ghwalas ng'eanyiida Misri, nea fuga ghayi sing'oorsa miyeeda gaygameewa, nea fuga sing'oorsa gideaba gayghoah giing'oonyanga ghoah giing'oonyanga, nea ng'uta ghabwar fuga sing'oorsa gideaba gayghabwar ng'uta.

ESEKIELI 29:5

Ak gaydanung'useey heeda nea sijakseey jeeda dareapcheeda, ang'iing'i ea ghweayeega sean bea eenigaagu, gajabeada aba madeeda mooheeda ak ea majeabwadaneey geat, nea majeayiinyi hijagi ak gearuuneey woosa hamita diyeanga ng'eanyiida ea dea dariidaka humng'eeda.

ESEKIELI 5:12

Fiisu ng'ay aba jeedeang'wa, gayghabwar dawni ea jalooda, nea gheamughuushcheeka suurja gajeabwar aba ng'ucheeda nea gheamughuushcheeka abit gaydaadabwaarda gaweay meadajeega sean bea ng'eanyiida ak gaydaat geeshta aba ng'uta.

HOSEYA 13:14

Ak gaydalealna saawa jeeda uurda gheeda miyeeda? Gaydalealna jeeda miyeeda? Ea gheeda maloonghajeega, gwanda yeenu bayiigaagu? Ea gheeda miyeeda, gwanda yeenu nyarjeawdaang'u? Baydeayda sifunya gheanyangeasu.

HABAKUKI 2:5

Ak gicha, difaayi iissa gwareengani fih; niny siida ghwarjeeda meabiiteena geahi. Lachng'eanyiidaanyi ea barakta gheeda miyeeda; gawuurji miyeeda malang'uuta. Iissa gooweamsa geaw eemoojiga sean, ak ghoawaam sean ghoah fugaaschi.”

SAKARIYA 6:3

deaba samwagu goongiir faraasajeega eashish, nea mutukwajeandeaba ang'wan, goongiir faraasajeega murjeew.

Mattayo 11:23

Eara ang'iing'i Gapernaumu, gajeetiing'neey ea gula humng'eeda? Gajeahiing'neeyi ea una jeeda maloonghajeega. Aba gideaba inyeeda ghayi ng'asheega deamdeameadi sisin aba ng'eang'deang'wa geesissa mujiineeda Sodoma, gwachi mujiineedida gajea gudugwanda ea gagul ghamneawa.

Mattayo 24:7

Aba gideaba gaygang'uchi daroar ea daroar nuut, ak gang'uchi sugoocheanduumeeda ea sugoocheanduumeeda nuut, ak gaygwanda geejeeda ea sawooda ng'eanyiida aba hiji ea hiji:

1 Goriinto 15:55

Ea miyeeda, jooriischoadaang'u gwanda yeenu? “Ea miyeeda, ng'weanindaang'u gwanda yeenu?”

Giidaheechta 1:18

ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

Giidaheechta 12:4

Nea shoomng'eandaanyi goongiir miinga humng'eeda heeda haw, ak gwahisa badayda ng'eanyiida. Hean ghamiinaada ichiboodida aba madeedeaba gatmoodida riikghta gwaji jeeptean, ak abeeda ghwanukghuta jeaptaanyi damanda jiila;

Giidaheechta 9:15

Hean geesiksa malaykajeegiga asang'waniin, ghayi siikghuumu ea ghwahita damandideaniin, ea eaweedida ea sheeda, ea gweayda, ak gwanuus buuneeda heeda haw.

Giidaheechta 9:18

Aba nih gwanuus buuneeda heeda haw aba dawni, ea aba beasta ea aroosta ea giikayda rinna ghuusiga nyaawa.