Giidaheechta 5:6 - Bibliyeeda Ghaydit

⁶ Hean ghaadaayi aba dageascheeda hoorgeedida bea gheambalmeedean ea diyeangiga majeekcheewi asang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheata, nea gaba gujaw ispwa ea gheanyan ispwa, nea Gurooruunat ispwa bea ASEETA gil siicheakta gaweay ng'eanyiisean;

NEAJEEDA EESH BEA BUUNEESSEAN

⁶ Hean ghaadaayi aba dageascheeda hoorgeetta bea gheambalmeedean ea diyeangiga majeekcheewi assang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheatta, nea gaba gujaw ispwa ea gheanyan ispwa, nea Guroruunat ispwa bea Aseetta gil sichcheakta gaweay ng'eanyiissean;

Giidaheechta 5:6 Mawu Ofanana

2 DAMANYOOJIGA 16:9

Aba gideaba gheanyanga NG'UTAMIIDA inyeesa gang'ula bwadaw ea mwadi aba jeeda ng'eanyiida sean, ghoahiimu uurdaanyi aba badahuuka fuga doobiiweadi aba headaanyi. Ang'iing'i nisini leendeeda aba ng'asheanji; aba gideaba gidang'eada ghamneawa gaynyasa ng'ucheeda.”

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

DANIELI 8:3

Geagatkachi gheanyangeasu ak ghaadaayi, lagweenda nea ghamiinaada aba mareeta ghealooda. Ak gaba gujaw iyeenya; nea gujaka duwaawi ea geawi, ak gujaweanagi gameaji ea geaw mawuurji niirja, ak gujaweeda meaji ea geaw gahuuydean aba rinooda.

MIKA 4:13

Ng'eada ak gilaji booga, Ea huda Sayuni, aba gideaba gaydanung' ghoah gujaweadaang'u gharinyeanda nea baneaktaang'u ghoah lagheanga oomng'i; ak gaybwara fuga saang'a ea ghoah hayaganga, ak meanang'oocheanduumeeda nyaawa gajadawa NG'UTAMIIDA, nea haleanjeeda nyaawa sean gaba NG'UTAMIIDA bea ng'eanyiisean.

HABAKUKI 3:4

Weeshindaanyi gawuurji gidabwaay, nea weeshinda gwarina geatindaanyi; ak ghoah heeda sifuysa uurdaanyi.

SAKARIYA 3:9

Aba gideaba ng'ula lagheaneani aayiinyi madeeda Yoshuwahiin, jeemba lagheaneanagi gwanda gheanyan ispwa, ng'ula gaydang'waar ng'ooruutkaaschi, gwarugu NG'UTAMIIDA bea lugweega, ak gaydageanda ng'asheega munyas bea ng'eanyiini eaweecheanjagi.

SAKARIYA 4:10

Aba gideaba neada gafool ng'eaha eaweecheanji bea ng'asheega manang'iin? Aba gideaba gajeehoosan, iisidaah Serubabeli nea ghwadeas gheeda sibata ASEETA. “Nea suh asispwaan ea gheanyanga NG'UTAMIIDA gil, gang'ula meadajeega sean bea ng'eanyiida.”

IITOODA 7:39

ea eeshpajakcheanjagi, ea lagweenjeanjagi, ea dayeanaanjagi bea gisilleanda bea gwanyagi, ghoah haleanjeeda ghadooweeda jea eaghwarda;

IITOODA 7:57

ea eeshpajakcheanjagi, ea lagweenjeanjagi, ea dayeeneanjagi bea gisilleanda was lagweenda bea gwanyagi, ghoah haleanjeeda ghadooweeda jea eaghwarda;

Lukka 1:69

nimiinda gujaweeda lealnooda aba jeeda gheeda soomjeandaanyi was Dawdi,

Yohaana 1:29

Muchu ghwadaah Yesu nea ghwaan headaanyi ak gwayeesha, “Ng'ula Dayeenda Gisilleanda bea ASEETA jea gageanda riing'eeda jeeda ng'eanyiida!

Yohaana 1:36

Hean gang'ula Yesu nea ghang'ata ak gwayeesha, “Ng'ula, Dayeenda gisilleanda bea ASEETA!”

Gadiyeeda Giijasoodiga 8:32

Nea Ng'ooruutka asoamwa geeng'oardunu: “Gawuurji gisilleanda siyaat ealach gheata gawuurji dayeenda gisilleanda silach buudeega nea ghwasiinda, ak eara niny ea miighwanya ghuuta.

Giidaheechta 1:4

Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Giidaheechta 14:1

Ng'ata ghaang'weardi, ak ghaadaayi gwanda uhuuda Giijeeda Sayuni Dayeenda Gisilleanda nea ghamiinaada, nea gwandeayi sea niny fih sagalamnyooji bughala ea haradam ea ang'wan nea gwandeawa gheawungaaschi ea gheawunga Ghwaan nea sing'oorsa gheamamuunatka nyaawa.

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 21:22

Ak ea mwaadaahi, gheeda sibata ASEETA aba mujiini, aba gideaba gheenyaawa sibata ASEETA Ng'utamiida was ASEETA Hoauur ea Dayeenda Gisilleanda.

Giidaheechta 21:23

Ak mujiineedida ea magassa gideaba gayghoabwaay aseeta ghana sheeda, aba gideaba giigheambiita ASEETA weeshindaanyi, ak gheaboong'nyeandaanyi ea Dayeenda Gisilleanda gil.

Giidaheechta 22:1

Hean ghoahiimnaan eenda beega mideawa eaweega, nea eesh ea ghameang'meang', nea ghwadalaalaana hoorgeeda ASEETA ea dea Dayeenda Gisilleanda,

Giidaheechta 22:3

Ak ea maygudugwanda gilinyoo ea mooshteayda gil, nea hoorgeeda gheambalmeeda bea ASEETA ea dea Dayeenda Gisilleanda gaygwanda jeadaanyi, nea soomjoagaaschi gayghoaghadoawan niny,

Giidaheechta 4:8

Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

Giidaheechta 5:11

Deagheata ghaang'weardi, ak ghayiinyi aba murdeeda hoorgeeda gheambalmeeda ea dea diyeangiga majeekcheewiin ea dea gweargwa ghuusiga malaykajeega saang'a mwoamu eeyiida,

Giidaheechta 5:12

nea geeyi aba ghuuta haw, “Gamiisa Dayeenda Gisilleanda ghayi silach gheata, ghwanyas uurda ea meanang'oocheanduumeeda ea weaghuumeeda ea hawunda ea mureeda ea giigheambiita ea ghawooda!”

Giidaheechta 5:13

Ak gilinyoo gwanda humng'eeda ea badayda ng'eanyiida ea uuta ng'eanyiida ea jeeda basooda, ea haleanjeeda sean mida jeadaanyi, gwayi, “Ghawooda ea mureeda ea giigheambiita ea giimuusta gwandeawa ninyeeda apteada aba uhuuda hoorgeeda gheambalmeeda ea Dayeenda Gisilleanda ea ghoah damanda manda muudeanooda!”

Giidaheechta 5:14

Ak gwayi diyeangiga asang'wan majeekcheewiin, “Amin!” ak goobeedeayi gweargwa ak ghaghadoawan.

Giidaheechta 6:16

hean gaguursa giijeega ea lagheanga nea gwayeesha, “Oopeedeayseasa ak ghoafunyeasa aba madeedeaba gheanyangeaba siidida apteada aba uhuuda hoorgeeda gheambalmeedean, ea aba nyarasta Dayeenda gisilleanda;

1 SAMWELI 2:10

Weajoodiga NG'UTAMIIDA gajeegul uhuuda ea ghoah basanga; ak gayghoaghweandan aba badahuuka nyaawa aba humng'eeda. NG'UTAMIIDA gaygoorgweaksa muudeanooda ng'eanyiida; ak gayghoadaw sugoocheandaanyi uurda, nea goomajeek uurda siidaanyi amwaar.”