Giidaheechta 5:13 - Bibliyeeda Ghaydit

¹³ Ak gilinyoo gwanda humng'eeda ea badayda ng'eanyiida ea uuta ng'eanyiida ea jeeda basooda, ea haleanjeeda sean mida jeadaanyi, gwayi, “Ghawooda ea mureeda ea giigheambiita ea giimuusta gwandeawa ninyeeda apteada aba uhuuda hoorgeeda gheambalmeeda ea Dayeenda Gisilleanda ea ghoah damanda manda muudeanooda!”

NEAJEEDA EESH BEA BUUNEESSEAN

¹³ Ak gilinyoo gwanda humng'eeda ea badayda ng'eanyiida ea uutta ng'eanyiida ea jeeda basooda, ea haleanjeessean mida jeadaannyi, gwayi, “Ghawooda ea mureeda ea gigheambiitta ea giimuusta gwandeawa ninyeeda apteada aba uhuuda hoorgeeda gheambalmeeda ea Dayeenda Gisilleanda ea ghoaw damanda manda muudeanooda!”

Giidaheechta 5:13 Mawu Ofanana

1 DAMANYOOJIGA 29:11

Ea NG'UTAMIIDA, hawunda daang'u, ea giimuusta, ea giigheambiita, ea jooriischooda, ea gheambalmeeda; aba gideaba haleanjeessean mida humng'eeda ea ng'eanyiida gaagu gil; gheambalmeeda daang'u, Ea NG'UTAMIIDA, ak ea siikghaambiinyi, ang'iing'i guwoosi haweewa haleanjeeda sean.

ISAYA 24:14

Ak boosteanga gaygoojuur nea gwasarman aba hooseaneega; ak gaweay nea gwarukwiida giigheambiita NG'UTAMIIDA ghang'eada heeda biyeara.

ISAYA 42:10

Asarmasiina NG'UTAMIIDA duumdeesh, ea giigheambiitaanyi ghang'eada muudeanooda ng'eanyiida! Basooda ea haleanjeeda sean mida jeeda, ng'eanyiida ghuuta basooda ea fuga mida jeeda.

Mattayo 6:13

Adiigealeasa jeeda simsimda, ak giighuuhaneasa gidida muyiin.

Lukka 2:14

“Giigheambiita gaba ASEETA mida humng'eeda, ak aba ng'eanyiida ghoah hoyyoo aba heeda fuga ahoosan!”

Yohaana 1:29

Muchu ghwadaah Yesu nea ghwaan headaanyi ak gwayeesha, “Ng'ula Dayeenda Gisilleanda bea ASEETA jea gageanda riing'eeda jeeda ng'eanyiida!

Ruumi 11:36

Aba gideaba headaanyi ea naweedeaba niny ea niny gwaleabu haleanjeeda sean. Giigheambiita gammiisa niny ea ghoah damanda manda muudeanooda. Amin.

Ruumi 16:27

heeda ASEETA mideawa weaghuumeeda gagasa nyasa giigheambiita damanda manda muudeanooda aba naweeda Yesu Gristo! Amin.

Ruumi 9:5

aba geanyaawa gwanda gheamba ghweaniga, bea eemeenyaawa, aba saseeda, aba heanyaawa Gristohi. ASEETA haweewa haleanjeeda sean gagasa eebadiischeesa ea ghoah damanda manda muudeanooda. Amin.

Efeeso 3:21

daba niny giigheambiita aba jeeda ganiisa aba jeeda Gristo Yesu ea ghoah jeacheenga sean ea ghoah damanda manda muudeanooda. Amin.

Filippi 2:10

aba gideaba aba gheawunga Yesu giliwas gudung'uda gaygwatkuy, gea fuga mida humng'eeda ghana gea mida ng'eanyiida, ea gea mida uuta ng'eanyiida,

Golosaayi 1:23

Asi iyoopiidi jeeda masaweega, ak ghoamiinaadi nea noahang'waanyiichi, nea meayameegwa aba heeda giijasta miy oayiinyi, ghayi sirukwiisa haleanjeeda sean mida hiing'eadayda humng'eeda, nea aniini Bawlo geawooschi siidaanyi bea gadiyeeda.

1 Dimotteo 4:16

Ghamwada saseadaang'u ea giinealshoadaang'u. Abiidana jeedeaba ng'asheesu aba gideaba iisini ng'asheanji gajaghuuha geaw ea fugiga aleeyseey iidiin.

1 Betro 4:11

siida wassean balool, gawuurji dea ruku ng'asheega ASEETA; nea dea wassean sin gadiyeeda, dawuurji dea sin gadiyeeda aba uurda adaw ASEETA; ak abeeda aba haleanjeeda sean geakghaambiit ASEETA aba naweeda Yesu Gristo. Giigheambiita gammiisa niny ea gheambalmeeda ea ghoah damanda manda muudeanooda. Amin.

1 Betro 5:11

Headaanyi gagasa gwanda gheambalmeeda damanda manda muudeanooda. Amin.

Yuuda 1:25

heeda ASEETA bwaageaw, lealnoocheandeanya aba naweeda Yesu Gristoyda was Ng'utamiideanya, daba giigheambiita niny, ea hawunda, ea sugoocheanduumeeda, ea gheambalmeeda, dea ghayi ng'eada garayi, ea ghoah ghamneawa, ea ghoah damanda manda muudeanooda. Amin.

Giidaheechta 1:6

ak gagoaneasa sugoocheanduumeeda, ak geahuuyi ashoohoodiga aba heeda ASEATAANYI ea Ghweanda, giigheambiita daanyi ea sugoocheanduumeeda ea ghoah damanda manda muudeanooda. Amin.

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Giidaheechta 5:1

Hean geadeaksi geatinda dugwa bea siidida apteada aba uhuuda hoorgeeda gheambalmeedean gitaabooda sing'waar jeeda ea badayda, nea siiroor aba giirooran ispwa;

Giidaheechta 5:12

nea geeyi aba ghuuta haw, “Gamiisa Dayeenda Gisilleanda ghayi silach gheata, ghwanyas uurda ea meanang'oocheanduumeeda ea weaghuumeeda ea hawunda ea mureeda ea giigheambiita ea ghawooda!”

Giidaheechta 5:3

Ak ea manda siida aba humng'eeda ghana ng'eanyiida ghana uuta ng'eanyiida ammu gootin gitaabu ghana goong'weersa jeeda,

Giidaheechta 5:6

Hean ghaadaayi aba dageascheeda hoorgeedida bea gheambalmeedean ea diyeangiga majeekcheewi asang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheata, nea gaba gujaw ispwa ea gheanyan ispwa, nea Gurooruunat ispwa bea ASEETA gil siicheakta gaweay ng'eanyiisean;

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,

Giidaheechta 6:16

hean gaguursa giijeega ea lagheanga nea gwayeesha, “Oopeedeayseasa ak ghoafunyeasa aba madeedeaba gheanyangeaba siidida apteada aba uhuuda hoorgeeda gheambalmeedean, ea aba nyarasta Dayeenda gisilleanda;