Giidaheechta 4:9 - Bibliyeeda Ghaydit

⁹ Ak ghoadaw diyeanga majeekcheewiin giigheambiita ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

NEAJEEDA EESH BEA BUUNEESSEAN

⁹ Ak ghoadaw diyeanga majeekcheewiin giigheambiitta ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

Giidaheechta 4:9 Mawu Ofanana

NYIIGHEEGA 47:8

ASEETA goombal eemoojiga; ASEETA niipteada aba uhuuda hoorgeadaanyi ghaydit.

NYIIGHEEGA 48:14

Gideaba nih ASEETA, ASEETEANYA gil damanda manda muudeanooda. Gayghoah haghweadoocheandeanya damanyoojiga sean jea ghwahidu.

RITEAYDA 15:18

NG'UTAMIIDA gaygoombaliischi damanda manda muudeanooda.”

ISAYA 6:1

Gweaydida meawa sugoocheanda was Usiyahiin, ghaadaayi NG'UTAMIIDA nea goopteada aba hoorgeadaanyi bea sugoocheanduumeeda, mida heetiyeada muuchi nea siitiing'da muuchi, ak weeleeda hang'daanyi ghwanyiit jeeda gheeda sibata ASEETA

DANIELI 12:7

Iidu siidida akwa hang'weaka miyaas, nea ghamiinaada aba badayda beega ghealoodean, gagatkat geatindaanyi bea dugwa ea geatindaanyi ghaadaam nea googeal humng'eeda; ak ghayiinyi nea gweaksa habeawooda dea mida damanda manda muudeanooda, gideaba gaygwanda damanda, ea damanyooji iyeenya, ea gidamwahita damanda; nea iidu nea sihirja uurda fuga ghaydidi ak gamuudean, abeeda ng'asheesu seaniin gajeahiit.

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

GIIPKEATA DIIGHEANDA 32:40

Aba gideaba geagatkachi geatindeanyu deageal humng'eeda, ak ghaayaaji habeawooda, nea geayeenyi, Gideabiideadi damanda manda muudeanooda,

Ebraniya 7:25

Nea giduurji sean ghoamu aba damanyoojiga sean gwalealu fugiga neekiissa ASEETA aba ninyiin, nea niny gwanda galeagasean nea gooduupchi saawa.

Ebraniya 7:8

Aba hiji gageanda haleanjeeda aba gilatamanamughuush aba heeda fuga jea gameewa; nea aba hiji gwanda dea simuuwu gideaba eamajeek.

Giidaheechta 1:18

ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

Giidaheechta 10:6

ghwaak habeawooda aba ninyeeda majeek ea ghoah damanda manda muudeanooda, ninyeeda bwat humng'eeda ea haleanjeeda mida jeeda, ea ng'eanyiida ea haleanjeeda mida jeeda, ea basooda ea haleanjeeda mida jeeda, ak ea maygudugwanda shing'deayda,

Giidaheechta 15:7

Hean gageanu akaleala aba jeedeaba diyeangiga asang'wan majeekcheewiin ak ghoadaw malaykajeegiga asispwaan gweeraji ispwa sisna dahaabu nea ghwanyiit nyarasta ASEETA majeek ea ghoah damanda manda muudeanooda;

Giidaheechta 21:5

Ng'ata gwayi siidida apteada aba badayda hoorgeeda gheambalmeedean, “Ng'ula, gaydanung' gaweeriidi haleanjeeda sean.” Ak gwayi gicha, “Ng'oara ng'asheesu, aba gideaba ng'asheesu doobiiwnata gil ak ea huumwa.”

Giidaheechta 4:2

Deagheata geandi jeeda Guroorooda, hean ghamiinaada hoorgeeda gheambalmeeda aba humng'eeda, nea goopteada siida aba uhuudeaba hoorgeedida bea gheambalmeedean!

Giidaheechta 4:8

Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

Giidaheechta 5:1

Hean geadeaksi geatinda dugwa bea siidida apteada aba uhuuda hoorgeeda gheambalmeedean gitaabooda sing'waar jeeda ea badayda, nea siiroor aba giirooran ispwa;

Giidaheechta 6:16

hean gaguursa giijeega ea lagheanga nea gwayeesha, “Oopeedeayseasa ak ghoafunyeasa aba madeedeaba gheanyangeaba siidida apteada aba uhuuda hoorgeeda gheambalmeedean, ea aba nyarasta Dayeenda gisilleanda;

Giidaheechta 7:15

Ak gwanda madeeda hoorgeeda gheambalmeeda ASEETA, nea gagadiiyeesa askweari ea eawa aba jeedeaba gheanyi sibata ASEETA; ak ninyeeda apteada aba uhuuda hoorgeeda gheambalmeeda gaygookwa saawa aba gideaba gwanda hiji.