Giidaheechta 4:6 - Bibliyeeda Ghaydit

⁶ nea madeeda hoorgeeda gheambalmeeda gawuurji gili mida basooda daliil oar giyo, nea ghameang'meang'. Nea gwaneaweesa hoorgeeda gheambalmeeda, aba meadajeega sean bea hoorgeeda gheambalmeeda, gwanda diyean ang'wan majeekcheewi, hean ghwanyiit gheanyanga mwadi ea bwadaw:

NEAJEEDA EESH BEA BUUNEESSEAN

⁶ nea madeeda hoorgeeda gheambalmeeda gawuurji gili mida basooda daliil oar giyooh, nea ghameameang'. Nea gwaneaweesa hoorgeeda gheambalmeeda, aba meadajeega sean bea hoorgeeda gheambalmeeda, gwanda diyean ang'wan majeekcheewi, hean ghwanyiit gheanyanga mwadi ea bwadaw:

Giidaheechta 4:6 Mawu Ofanana

1 SUGOODIGA 7:23

Ng'ata gwasin basooda sighwarda; nea buruk geatin damanamughuush gidang'eada meatkweenagi ea gagul meatkweeda niirja, ea geatin muut aba geawunda ea mareamarooda bea geatin diktam ea damanamughuush sigala neaweesiindaanyi.

AYUBU 28:17

Ak ea mwoamu eegala geat sea dahaabu ea giyo, nea mwoamu eeyamuuji sea haleanjeeda gharinga miyaasiin bea dahaabu.

RITEAYDA 38:8

Iidu gwasin giihearmooda lagheanga oomng'i ea hoorgeadaanyi bea lagheanga oomng'i, ea gea daliili nyasa heeda gadeemga gadiydooschi aba gidaghuuta maheemajeanda siroondooscheesa.

ESEKIELI 10:12

Nea sasanuuka nyaawa ea roobuutka nyaawa ea geatinga nyaawa ea meang'eega nyaawa ea geeshanga nyaawa bea mutuku, abeeda ghwanyiit gheanyanga meadajeega sean eara geeshangiga mideawa giika asang'waniin.

ESEKIELI 10:14

Nea gaba nih mideawa gheamamuunat ang'wan, gheamamda madeeda gaba geeruubajeanda, ak gheamamdeaba iyeenya gaba siida, nea gheamamdeaba samwagu gaba ng'adiida, ak gheamamdeaba ang'wan gaba rabearda.

Giidaheechta 14:3

nea gwasarman duumdeesh aba madeeda hoorgeeda gheambalmeeda ea madeedeaba diyeangiga asang'wan majeekcheewiin ea madeeda gweargwa. Ak ea manda siida ammu ghoanaal geaw duumdida, geaghus fugiga as sagalama ea haradam ea ang'wan ghayi siikghu aba badayda ng'eanyiidean.

Giidaheechta 15:2

Ghaadaayi giduurji basooda giyo guuyi beasta, ak fugiga joar diyeayda ea gissiratiidean ea mooneeda gheawungaaschi, nea ghamiinaada aba murdeeda basoodida bea giyoohiin, nea gwandeawa gidoondoorajeega ASEETA aba geatinga nyaawa.

Giidaheechta 15:7

Hean gageanu akaleala aba jeedeaba diyeangiga asang'wan majeekcheewiin ak ghoadaw malaykajeegiga asispwaan gweeraji ispwa sisna dahaabu nea ghwanyiit nyarasta ASEETA majeek ea ghoah damanda manda muudeanooda;

Giidaheechta 19:4

Nea gweargiga atiktam ea ang'waniin sea diyeangiga asang'wan majeekcheewiin goobeedeayi ak ghoaghadoawan ASEETA apteada aba badayda hoorgeeda gheambalmeeda nea gwayi, “Amin. Haleluya!”

Giidaheechta 21:11

nea gwandeawa giigheambiita ASEETA, ak weeshindaanyi gawuurji lagheaneeda haw sheayeat, gawuurji lagheaneeda mur, ak ea miyaasiin nea ghameang'meang',

Giidaheechta 21:18

Ak ghamardida geadeasa lagheang'su murjeew, ak mujiineedida geesina dahaabooda miyaasiin nea ghawaar giyo.

Giidaheechta 21:21

Ak gidaghuudajeegiga atamaniyeenyean gwanda sageeka damaniyeenya, gilinyoo ea gidaghuuta gil gwanda sageeyeanjagi, nea naweeda mujiini ea dahaabooda miyaasiin siing'weardaawa uurji giyoohi.

Giidaheechta 22:1

Hean ghoahiimnaan eenda beega mideawa eaweega, nea eesh ea ghameang'meang', nea ghwadalaalaana hoorgeeda ASEETA ea dea Dayeenda Gisilleanda,

Giidaheechta 4:4

Ak gwaneaweesa hoorgeedida bea gheambalmeedean hoorgaji diktam ea ang'wan bea gheambalmeeda, ak ghaadaayi gwearu diktam ea ang'wan, aba uhuudeaba hoorgajeegiga bea gheambalmeedean nea goobiitpiit, nea siikwealsa hang'weaka eashish, nea iheenga nyaawa gwanda shiipka dahaabu.

Giidaheechta 5:11

Deagheata ghaang'weardi, ak ghayiinyi aba murdeeda hoorgeeda gheambalmeeda ea dea diyeangiga majeekcheewiin ea dea gweargwa ghuusiga malaykajeega saang'a mwoamu eeyiida,

Giidaheechta 5:14

Ak gwayi diyeangiga asang'wan majeekcheewiin, “Amin!” ak goobeedeayi gweargwa ak ghaghadoawan.

Giidaheechta 5:6

Hean ghaadaayi aba dageascheeda hoorgeedida bea gheambalmeedean ea diyeangiga majeekcheewi asang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheata, nea gaba gujaw ispwa ea gheanyan ispwa, nea Gurooruunat ispwa bea ASEETA gil siicheakta gaweay ng'eanyiisean;

Giidaheechta 5:8

Hean nea gageanu gitaabu ghoabeada diyeangiga asang'wan majeekcheewiin sea gweargiga atiktam ea ang'waniin aba madeeda Dayeenda Gisilleanda, ak gaba nih ang'waay gidoondooriida, ea gweeriida sisna dahaabu nea ghwanyiit hideeda ng'andit, was mooshta ASEETA bea fuga ghaydidi;

Giidaheechta 6:1

Ng'ata ghaadaayi aba hoowa Dayeenda Gisilleanda nea gootin giirooraneanagi aba jeedeaba giika as ispwaan, ak ghaayiinyi aba jeedeaba diyeangiga asang'wan majeekcheewiin nea gwayi, aba nyeashta haw uurji gighweendandeeda, “Beeni!”

Giidaheechta 6:6

ghaayiinyi giduurji nyeashta aba bugusteaba diyeangiga majeekcheewi asang'waniin, nea gwayi, “Gweeriida ngaano nea googween iyeenya sishaaha dinaarajeanjagi, ea gweeriida riighu bea nganooyda siguura shayiiri sishaaha dinaari; ak ea adidatasi, nagheeda ea difaayi!”

Giidaheechta 7:11

Abeeda malaykajeega sean ghamiinaada aba murdajeega sean bea hoorgeedida bea gheambalmeedean ea dea gweargwa, ea deaba diyeangiga majeekcheewi assang'waniin, ak goobeedeayi ak ghabwada jeesinga ng'eanyi aba madeedeaba hoorgeedida bea gheambalmeedean ak ghaghadoawan ASEETA

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoah jeagiischoocheanda nyaawa, ak gaygoodoobiiwseegwa gheang'deenda mida beega mideawa eaweega; ak ASEETA gaygoobuus dabeaka sean mida gheanyanga nyaawa.”