Giidaheechta 4:10 - Bibliyeeda Ghaydit

¹⁰ inyeessa gwearsu atiktam ea ang'waniin iissa goobeedeaysa madeeda siidida apteada aba uhuudeaba hoorgeedida bea gheambalmeedean ak ghaghadoawan ninyeeda majeek ea ghoah damanda manda muudeanooda; nea gwajaksa shiipka nyaawa madeeda hoorgeedida bea gheambalmeedean, nea gwasarman,

NEAJEEDA EESH BEA BUUNEESSEAN

¹⁰ inyeessa gwearsu was diktam ea ang'waniin goobeedeaysa madeeda siitta apteada aba uhuudeaba hoorgeetta bea gheambalmeedean ak ghaghadoawan ninnyeeda majeek eaghoaw damanda manda muudeanooda; nea gwajaksa shiipka nyaawa madeeda hoorgeetta bea gheambalmeedean, nea gwasarman,

Giidaheechta 4:10 Mawu Ofanana

1 DAMANYOOJIGA 29:20

Ng'ata ghwalamda Dawdi ak gwayeesha buuneesean bwat geat, “Asi oakghaambiida NG'UTAMIIDA, was ASEETEANG'WA.” Hean ghoaghaambiit buuneesean NG'UTAMIIDA, ASEETA ghweaniga nyaawa, ak gabuy iheenga nyaawa, ak gwahiing'sa geat NG'UTAMIIDA, ak gwasin eara sugoocheanda.

2 DAMANYOOJIGA 7:3

Hean nea ghwadaah fuga Israeli gidararang'aadayda beasta ak gwaduk giigheambiita NG'UTAMIIDA jeeda gheeda sibata ASEETA, hean gwatkuy ea gagul gheamamuunatka nyaawa ng'eanyi, ak ghaghadoawan nea gabadiischeesa NG'UTAMIIDA, nea gwayeeniisa, “Aba gideaba ea doabiiwaat, nea doobiiwnataanyi ea manda muudeanooda.”

AYUBU 1:20

Hean ghang'eat Ayubu ak ghabwaashaada hang'weakaaschi ak ghwareakgh uhuudaanyi, ak goobeedeaysa ng'eanyi ak ghamwaash ASEETA.

NYIIGHEEGA 115:1

Mii aseasa, Ea NG'UTAMIIDA, mii aseasa, gagasa aghaambiida gheawungaagu, aba giteena bariinyeagaagu ea doobiiwnataang'u!

NYIIGHEEGA 47:8

ASEETA goombal eemoojiga; ASEETA niipteada aba uhuuda hoorgeadaanyi ghaydit.

NYIIGHEEGA 72:11

Asi datkunya sugoodiga sean aba madeadaanyi, ak ea dagadiyeesiina eemoojiga sean niny.

NYIIGHEEGA 95:6

Apkaani, eamwaasha nea geetkunyi, anung' eetkunya aba madeeda NG'UTAMIIDA, was dea sinneasa!

ISAYA 6:1

Gweaydida meawa sugoocheanda was Usiyahiin, ghaadaayi NG'UTAMIIDA nea goopteada aba hoorgeadaanyi bea sugoocheanduumeeda, mida heetiyeada muuchi nea siitiing'da muuchi, ak weeleeda hang'daanyi ghwanyiit jeeda gheeda sibata ASEETA

DANIELI 12:7

Iidu siidida akwa hang'weaka miyaas, nea ghamiinaada aba badayda beega ghealoodean, gagatkat geatindaanyi bea dugwa ea geatindaanyi ghaadaam nea googeal humng'eeda; ak ghayiinyi nea gweaksa habeawooda dea mida damanda manda muudeanooda, gideaba gaygwanda damanda, ea damanyooji iyeenya, ea gidamwahita damanda; nea iidu nea sihirja uurda fuga ghaydidi ak gamuudean, abeeda ng'asheesu seaniin gajeahiit.

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

Mattayo 2:11

weay gah ghwadaah baleanda ea Mariyayda was ghaamwat ak goobeedeayi ak ghaghadoawan. Ng'ata, gootin shageeniga nyaawa ak ghoadaw haleanjeeda miyas, was dahaabu ea hideeni ng'andit ea buureata.

Lukka 24:52

Ama ng'ata gabiigu Yerusalemu nea gahoosan muuchi,

1 Goriinto 15:10

Iidu aba dagheerjeanduumeeda ASEETA ea naahuuyi gideawuurjeewi bea ghamneawa, nea dagheerjeanduumeadaanyi aba heedeanyu ea maba mwadaagha. Aba meatkweeda niirja ghaaraanyi muuchi aba sinooda gadiyeeda ea dalaabwa hoowa siida wassean aba saawa, nea mii aniini gil, nih gwasin dagheerjeanduumeeda ASEETA mida heedeanyu.

GIIPKEATA DIIGHEANDA 32:40

Aba gideaba geagatkachi geatindeanyu deageal humng'eeda, ak ghaayaaji habeawooda, nea geayeenyi, Gideabiideadi damanda manda muudeanooda,

Giidaheechta 10:6

ghwaak habeawooda aba ninyeeda majeek ea ghoah damanda manda muudeanooda, ninyeeda bwat humng'eeda ea haleanjeeda mida jeeda, ea ng'eanyiida ea haleanjeeda mida jeeda, ea basooda ea haleanjeeda mida jeeda, ak ea maygudugwanda shing'deayda,

Giidaheechta 11:16

Ak gweargiga atiktam ea ang'wan abiitpiida hoorgajeega nyaawa bea gheambalmeedean aba madeeda ASEETEAN goobeedeayi ak ghabwada jeesinga ng'eanyi nea ghamwaash ASEETA,

Giidaheechta 15:4

Ng'eaha gil dea moawalnyi ak ghoaghaambiit gheawungaagu, Ea Ng'utamiida? Aba gideaba ang'iing'i guwoosi ghaydit nea gibwaageaw. Aba gideaba gayghapka eemoojiga sean ak ghaghadoawanyi, aba gideaba girgweageadaang'u siitaajiit.”

Giidaheechta 15:7

Hean gageanu akaleala aba jeedeaba diyeangiga asang'wan majeekcheewiin ak ghoadaw malaykajeegiga asispwaan gweeraji ispwa sisna dahaabu nea ghwanyiit nyarasta ASEETA majeek ea ghoah damanda manda muudeanooda;

Giidaheechta 19:4

Nea gweargiga atiktam ea ang'waniin sea diyeangiga asang'wan majeekcheewiin goobeedeayi ak ghoaghadoawan ASEETA apteada aba badayda hoorgeeda gheambalmeeda nea gwayi, “Amin. Haleluya!”

Giidaheechta 4:2

Deagheata geandi jeeda Guroorooda, hean ghamiinaada hoorgeeda gheambalmeeda aba humng'eeda, nea goopteada siida aba uhuudeaba hoorgeedida bea gheambalmeedean!

Giidaheechta 4:4

Ak gwaneaweesa hoorgeedida bea gheambalmeedean hoorgaji diktam ea ang'wan bea gheambalmeeda, ak ghaadaayi gwearu diktam ea ang'wan, aba uhuudeaba hoorgajeegiga bea gheambalmeedean nea goobiitpiit, nea siikwealsa hang'weaka eashish, nea iheenga nyaawa gwanda shiipka dahaabu.

Giidaheechta 4:9

Ak ghoadaw diyeanga majeekcheewiin giigheambiita ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

Giidaheechta 5:14

Ak gwayi diyeangiga asang'wan majeekcheewiin, “Amin!” ak goobeedeayi gweargwa ak ghaghadoawan.

Giidaheechta 5:8

Hean nea gageanu gitaabu ghoabeada diyeangiga asang'wan majeekcheewiin sea gweargiga atiktam ea ang'waniin aba madeeda Dayeenda Gisilleanda, ak gaba nih ang'waay gidoondooriida, ea gweeriida sisna dahaabu nea ghwanyiit hideeda ng'andit, was mooshta ASEETA bea fuga ghaydidi;

Giidaheechta 7:11

Abeeda malaykajeega sean ghamiinaada aba murdajeega sean bea hoorgeedida bea gheambalmeedean ea dea gweargwa, ea deaba diyeangiga majeekcheewi assang'waniin, ak goobeedeayi ak ghabwada jeesinga ng'eanyi aba madeedeaba hoorgeedida bea gheambalmeedean ak ghaghadoawan ASEETA