Giidaheechta 4:1 - Bibliyeeda Ghaydit

¹ Iing'ata ng'asheesu ghaang'weardi, ama deagheata gwanda humng'eeda gidaghuuta jaadaat. Hean ghuuta gwachi aayiinyi bea madeedean goobaloolan nea ghwanyaashta giiguuleanda, nea gwayi, “Beeni hiji, ak gaydaahiimneey gichea ghwahidu iing'ata ng'asheesu.”

NEAJEEDA EESH BEA BUUNEESSEAN

¹ Iing'atta ng'asheesu ghang'weardi, ama deagheatta gwanda humng'eeda gidaghuutta jaadaat. Hean ghuutta gwachchi ayiinyi bea madeedean goobaloolan nea ghwanyaashta giguuleanda, nea gwayi, “Beenni hiji, ak gaydahiimneey gichchea ghwahidu iing'atta ng'asheesu.”

Giidaheechta 4:1 Mawu Ofanana

RITEAYDA 1:1

Suh gheawunga orjooga Israeli gil ghayi weay Misri nea goodeayi Yakobo, nea gaba siisi adeayi fugeaba gheanyi.

RITEAYDA 19:24

Ak gwayeesha NG'UTAMIIDA niny, “Una rarang'aada ak gischeeng'u nea giideani Haruni nea ashoohoodiga ea buuneeda ea adagwascheeng'u ghapka heeda NG'UTAMIIDA, aba gideaba adiidu geanyareeksi saawa.”

RITEAYDA 24:12

Ghwalamda NG'UTAMIIDA ak gwayeesha Musa, “Diyeana beeni heedeanyu aba uhuuda giijeeda, ak giibiidi hiji, ak gaydagoonyi lagheaneeda sing'oorsa deaweeda ea diigheanda, aang'oarji jea ghoanaaleagwa.”

GHWASIILDEANGA 25:7

Aba gideaba ghang'wana geeyeeshiineey, “Beeni hiji bea mwadiini” Mwasamwa gideaba geayiinyi mwadi aba madeeda siida haw. Giika idaahi aba gheanyangaaguun

ESEKIELI 1:1

Gweaydeaba diktam ea damanamughuush bea sheedeaba ang'wan gil eaweedeaba muut bea sheeda, damanda eandeewi bugusta fuga siipaleak, nea geandi ghuuta eenda Gebari, hean ghwajaada humng'eeda ak ghaadaayi gidahiimnaan ASEETA.

Mattayo 3:16

Ng'ata giibaatiisanda Yesu, nea gwascheeng'na jeeda beega; hean ng'ula ghwajaada bugusta humng'eeda ak ghwadaah Guroorooda ASEETA nea gwashuubeanda ghariibajeanda, ak goobissa uhuudaanyi;

Marko 1:10

Siyeeng'na jeedeenda deagheata ghwadaah nea ghwajaada bugusta humng'eeda ak gwashuubeesa Guroorooda Ghaydit nea gawuurji ghariibajeanda.

Lukka 3:21

Hit giibaatiisanda buuneeda sean, ea dea Yesu nea ghamwaash ASEETA ghwajaada bugusta humng'eeda,

Yohaana 16:13

Amahidu Guroorooda huumeanda gayghoadoabiiweagwa ea ghoahiitaneegwa jeeda huumeanda sean, aba gideaba maygabaloola gheambalmeadaanyi, niny gaygwarukuneegwa ng'asheega iiy ak gay gwarukuneegwa ng'asheega jea ghwahidu.

Gadiyeeda Giijasoodiga 10:11

ak ghwadaah nea ghwajaada humng'eeda, ak geerareang'u giduurji hang'da haw, nea geeng'waanyaan meatkwajeega sean asang'wan ea ghwahidu ng'eanyi.

Gadiyeeda Giijasoodiga 7:56

Ak gwayi, “Ang'ula, ghaadaayi humng'eeda nea ghwajaada, nea Orjeeda Siida ghamiinaada aba meatkweeda geatinda dugwa bea ASEETA.”

Giidaheechta 1:10

Muchu geandi jeeda Guroorooda eaweeda Ng'utamiida, hean ghayiinyi nyeashta haw aba badaydeanya, nyaashta giiguuleanda nea gwayi,

Giidaheechta 1:12

Hean ghaayamnyi geaw dadaah nyeashtida abaloolaniin, hean ghaadaayi gheaboonyan ispwa meeng'meeng'i mida deageaw,

Giidaheechta 1:19

Asi ng'oara haleanjeeni idaahiin, ea gea ghamneawa mida, ea gea iidu jea gabassa iing'ata suh.

Giidaheechta 11:12

Geeyiiy nyeashta haw leabu humng'eeda nea gwayeesha saawa, “Apkaani hiji!” Gwadiyeada humng'eeda nea ghabeawa jeeda shamooghooda, nea gang'ula weajoodiga nyaawa.

Giidaheechta 11:19

Ng'ata geetin Gheeda sibata ASEETA mida humng'eeda, ak geadaah sandakwajeanda diigheanda aba jeedeaba gheanyi sibata ASEETA; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchi bea lagheanga.

Giidaheechta 16:17

Goohiisa malaykajeandida bea ispwaan gweeriidaanyi humng'eeda, ak gwarina nyeashta haw jeeda gheeda sibata ASEETA, heeda hoorgeeda gheambalmeeda, nea gwayi, “Nigeawiit gwasa!”

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraaseedeesh! Nea gwanda badaydaanyi siida siguura Doobiiwnata ea Huumwa, ak niny aba doobiiwnata goorgweaksa nea gwasin ng'ucheeda.

Giidaheechta 22:6

Hean gwayeeshiinean, “Ng'asheesu ghwadoabiiw ak ea huumwa gil. Nea Ng'utamiida, was ASEETA bea gurooruunatka sibanga, abeeda gaygoojeagu malaykajeandaanyi goohiimsa soomjoagaaschi ng'asheega jea gabean ghwahidu.