Giidaheechta 3:8 - Bibliyeeda Ghaydit

⁸ “‘Aniini ghaanali gadiyoojigaagu. Ng'ula, aniini naayiinyi madeadaang'u gidaghuuta jaadaat, moamu sih ghwarat; aniini ghaanali gideaba gindeawi Uri mwanang', ea gideaba giing'waanyi ng'asheandeanyu ak ea mii shaang'a gheawungeasu.

NEAJEEDA EESH BEA BUUNEESSEAN

⁸ “Aniini ghaanalli gadiyoojigaagu. Ng'ulla, aniini naayiinnyi madeadaang'u gidaghuutta jaadaat, moammu sih ghwarat; aniini ghaanalli gideaba gindeawi uuri mwanang', ea gideaba ging'ng'waannyi ng'asheandeanyu ak ea mii shaang'a gheawungeasu.

Giidaheechta 3:8 Mawu Ofanana

GHWASIILDEANGA 30:9

Adiidu gealang'uuchi ak ghaanung'waneey heeda, nea geayeenyi, “Ng'utamiida ng'eaha?” Ak ea adeawooschi bwarbwar muuchi ak geajagwadiischi, nea gearugu mwadaagha gheawunga ASEETEANYU.

DANIELI 11:34

Damanda sibwara fuga ASEETA, gayghwanyas weedi mwanang'. Ak gaygooguuyi geat fuga saang'a saawa aba milmilanda;

Lukka 12:9

nea siida heawanaan aba madeeda buuneeda gajeaheawa niny aba madeeda malaykajeega ASEETA.

Yohaana 15:20

Oapkaada ng'asheanda ghayi earukuneegwa, bea gideaba, ‘Soomjeanda miihaweewa siida haw.’ Iinukwa nisawanan aniini, eara agooga gaygwasawaneegwa; inyeeda gwachi ghoang'waay ng'asheandeanyu, gayghoang'waay eara ng'asheegeagwa.

Yohaana 17:6

“Naanung' ghwanalnyi fuga ghayi igoonyean aba jeeda ng'eanyiida; ghayi fugaagu gil amadu gigoonyean aniini ghoah fugeasu, ak ghamneawa saawa ea niing'waay ng'asheandaang'u.

Gadiyeeda Giijasoodiga 14:27

Iidu nea ghwahita, geebwadageat ganiisa ak geerukusa ng'asheega sean nisissa ASEETA saawa, ea gidanijaata ASEETA gidaghuuta masaweega aba heeda fuga Eemoojiga.

1 Goriinto 16:9

aba gideaba nijaada gidaghuuta muuchi aba gadiyeedeanyu aba hiji, earapeadi saang'a weajoodiga.

2 Goriinto 2:12

Hean nea ghaahiti Drowa darukwiida giijasta miy bea Gristo, ghwajaada gidaghuuta aba heedeanyu aba heeda Ng'utamiida;

Filippi 4:13

Ghaamuuschi dasin haleanjeeda sean aba siidida goonan uurdean.

Golosaayi 4:3

ak ghoamwaschi ASEETA aba badahuukaasa, ak gootineasa ASEETA gidaghuuta aba ng'asheanda, ak geerukuti gidida funyaat bea Gristo ghayi siyiisean ghealoonigean,

1 Dimotteo 5:8

Gili was sih mwaghamwada fugaaschi was fugeaba gheanyi niheawa masaweega, ak gamunyiit ea ghang'al siida mandeawana masaweega.

2 Dimoteo 4:7

Neang'uchi ng'ucheeda miy, neang'ucheewi, ak ea naahiichi ng'weega, ak masaweega ea neafurji,

Yuuda 1:4

Aba gideaba gheata ninyas fuga mwaatkwa gaseadayi aba makcheameeda ghang'eada garayi ak geegwalu aba girgweaksiinda, fuga maba ASEETA huteawi dagheerjeanduumeeda ASEETEANYA ak ghoabuuta jeeda hiseadayeanduumeeda nea ghwashaang' Siideanya haw asakaleala was Ng'utamiida, Yesu Gristo.

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Giidaheechta 2:2

“‘Aniini ghaanali gadiyoojigaagu, ea sawanadeadaang'u ea milikghteaydaang'u nea giihang'waanyi, ea gida miimuustani milikghta fuga munyas iissa ginyo ghanyi sima fugiga guura geat giijasoodiga nea mawoosean, ak gidaahi gideaba gaba ng'uya;

Giidaheechta 22:7

Ak ging'ulayi, gaydahidu nea ghaalamwajaanyi. Ghang'wana siida ang'waay ng'asheega siramoorani aba jeedeaba gitaaboani.”

Giidaheechta 3:1

“Heeda malaykajeanda ganiiseeda Sardi ng'oara: ‘Suh ng'asheega ninyeeda mideawa gurooruunat ispwa bea ASEETA ea miinga asispwaan gil. “‘Ghaanali gadiyoojigaagu; gideaba gindeawi gheawunga majeeknata, nea nimeawi.

Giidaheechta 3:10

Aba gideaba niing'waanyi ng'asheandeanyu bea milikghteayda nea giihang'waanyi, ak aniini gaydafurnyi, nea giriti aba damanda simsimda jea gwahissa ng'eanyiissean, ak gwasimsim fuga mida badayda ng'eanyiida.

Giidaheechta 3:15

“‘Aniini ghaanali gadiyoojigaagu: gideaba muwoosi garbabu nea muwoosi gharaat. Ghang'wana guwoosi garbabu ghana woosa gharaat!

Giidaheechta 3:7

“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.