Giidaheechta 3:7 - Bibliyeeda Ghaydit

⁷ “Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.

NEAJEEDA EESH BEA BUUNEESSEAN

⁷ “Heeda malaykajeanda ganiiseeda Filadeelfiya ng'waara: ‘Suh ng'asheega siida ghaydit gil assakkalealla, bea huumwa, mideawa gissiittinna gidaghuutta sugoochcheandumeeda Dawdi, siida amattin ea manda siida ammu ghwarat, siida amarat ea manda siida jea goottin.’

Giidaheechta 3:7 Mawu Ofanana

AYUBU 11:10

Niny iing'ata ak gwajaksa buuneeda ghealooniga, ak gaguursa ghapka heeda girgweageeda, abeeda gayghoamu ng'eaha ghoadeal niny.

AYUBU 12:14

Inyas gwanyarja ea manda siida jea ghwadeas gicha, nea inyas ghwarat siida ak ea manda siida jea gootin.

NYIIGHEEGA 145:17

NG'UTAMIIDA ea doabiiwaat aba naweadingaaschi sean, ak ea inya jih aba gadiyoojigaaschi sean.

NYIIGHEEGA 16:10

Aba gideaba mayghwanung'waada gawa gurooroodeanyu jeeda gheeda maloonghajeega, ak ea mwajadayda siidaang'u ghaydit ghwadaah munyinda.

NYIIGHEEGA 89:18

Aba gideaba igeamboodeanya NG'UTAMIIDA gil nea sugoocheandeanya gaba dea ghaydit bea Israeli.

ISAYA 22:22

Ak gaydayiin hamarjeadaanyi gisiitina ghuuta gheeh Dawdi. Niny gaygootin ak ea manda siida jea ghwarat, ak gayghwarat, ak ea manda siida jea gootin.

ISAYA 30:11

oosiipteawana jeeda naweeda huumwa, ak ghoayamnyi geat anung'usiina heeda naweeda, adagudoorukuneasa badayda Deaghaydit Asagi bea Israeli.”

ISAYA 41:14

Gwayi NG'UTAMIIDA, Ea fuga Yakobo ng'arng'ari nea gwadeena ghuughuucheeda, ea fuga Israeli, adoabeali, adoabeali, gaydaweadeagwa, aniini geawooschi lealnoocheandeang'wa was dea ghaydit bea Israeli.

ISAYA 41:16

gajaleala saawa ak gayghwaat jeameeda, ak ghwanung' shaarara gaguudeadayi. Ak gayhoosasiina NG'UTAMIIDA was dea asagi Ghaydit bea Israeli ak gajoakghaambiida.

ISAYA 41:20

Ak gayghwadaah buuneeda ng'asheanji ak gwajeeng'u, nea ghwanal sean gideaba ng'asheesu gwasin NG'UTAMIIDA, dea asagi Ghaydit bea Israeli deasin ng'asheanji gil.

ISAYA 47:4

Lealnoocheandeanya–was NG'UTAMIIDA bea lugweega nih gheawungaaschi gil– was Dea Ghaydit Asagi bea Israeli.

ISAYA 48:17

Gwayi NG'UTAMIIDA, was lealnoocheandaang'u Ghaydit asagi bea Israeli: “Aniini geawooschi NG'UTAMIIDA was ASEATAANG'U, was dea anealeey gideaba nyasa nyageadayda, was dea adoobiiweey aba naweeda miiseey eadita.

ISAYA 49:7

Gwayi NG'UTAMIIDA, was lealnoocheanda Israeli, ea siidaanyi ghaydit asagi, gwayeesha diita fool buuneedean ninyeeda fool eemeeni, was siida gadiyeeda fuga ambaliischi: “Sugoodiga gayghwadaah ak ghamiinaada; ak eara fuga hees gayghaghadoawan; aba gideaba NG'UTAMIIDA ea doabiiwaat, was dea Ghaydit bea Israeli ghayi loanyi.”

ISAYA 54:5

Aba gideaba dea sinyi siyeadaang'u gil, NG'UTAMIIDA lugweega gheawungaaschi gil; ea Deaghaydit bea Israeli lealnoocheandaang'u gil, ak niny, gajeeguura ASEETA ng'eanyiisean.

ISAYA 55:5

Ng'ula gayguursiina eemoojiga minali, Ak gaygwasalu ghapka headaang'u eemoojiga mwanalnyi, aba badayda NG'UTAMIIDA was ASEATAANG'U, ea aba badayda Deaghaydit asagi bea Israeli aba gideaba niighaambiinyi.

ISAYA 6:3

Ak gaba nih guursa nuut nea gwayeesha, “Dea Ghaydit, dea ghaydit, dea ghaydit NG'UTAMIIDA lugweega gil; ng'eanyiisean ghwanyiit giigheambiitaanyi.”

Mattayo 16:19

Ak aniini gaydagoonyi gichea atinana sugoocheanduumeeda humng'eeda, ak gidiradi aba hiji bea muunda ng'eanyiidean abeeda gajea sirat aba hoowa bea humng'eedean, ak gida wassean iitini aba hiji bea muunda ng'eanyiidean abeeda gajeetin aba hoowa bea humng'eedean.”

Mattayo 24:35

Humng'eeda ea ng'eanyiida gayghang'ata, amaduuku ng'asheegeasu ea mayghang'ata earahay.

Marko 1:24

Goojuur nea gwayi, “Geendeayeesi naaha sea ang'iing'i Yesuheeda Nasareti? Guwuni lasa uhuudeanya? Ghaanali siida uwoosi guwoosi siida Ghaydit bea ASEETA!”

Lukka 1:32

Nea gajeahaw, ak gajeeguura Orjeeda ASEETA haw mida humng'eeda; nea gayghoadaw Ng'utamiida was ASEETA hoorgeeda sugoocheanduumeeda Dawdi was ghwaan,

Lukka 4:34

“Seh! Ak gayhindaneasaan ang'iing'i Yesuheeda Nasareti? Ghwasaan anda giineayaneasa? Ghaanali siida uwoosi guwoosi dea Ghaydit bea ASEETA.”

Yohaana 14:6

Gwayeesha Yesu niny, “Aniini geawooschi naweeda, ea huumeanda, ea eaweega; siida moamu gawa heeda Bwaabwa, geaghus gwasku heedeanyu.

Gadiyeeda Giijasoodiga 3:14

Amadu ghoashaang'nyi dea Ghaydit was dea Asagi Doabiiwaat, ak googasayi siida nuusa buuneeda eegooneegwa,

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

Giidaheechta 1:11

“Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

Giidaheechta 1:18

ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 15:3

Ak gwasarman duumda Musa, was soomjeanda ASEETA, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'utamiida was ASEETA Hoauur! Naweadingaagu doobiiwnata gil ea huumwa, Ea Sugoocheanda gweanyeeka sean!

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'utamiida was ASEETA mideawa uurda, girgweaguutkaagu huumwa gil nea ghwadoabiiw!”

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraaseedeesh! Nea gwanda badaydaanyi siida siguura Doobiiwnata ea Huumwa, ak niny aba doobiiwnata goorgweaksa nea gwasin ng'ucheeda.

Giidaheechta 19:2

aba gideaba girgweageadaanyi dea huumwa gil nea doabiiwaat; aba gideaba niirgweaksa hiseadaydida hawiin ghayi datas ng'eanyiida aba hiseadayeanduumeadaanyiin, ak ea niwalda aba badaydaanyi foojeanda soomjoagaaschi.”

Giidaheechta 2:1

“Heeda malaykajeanda ganiiseeda Efeso ng'oara, ‘Ng'asheega ninyeeda mideawa miinga asispwa aba geatindaanyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.

Giidaheechta 21:5

Ng'ata gwayi siidida apteada aba badayda hoorgeeda gheambalmeedean, “Ng'ula, gaydanung' gaweeriidi haleanjeeda sean.” Ak gwayi gicha, “Ng'oara ng'asheesu, aba gideaba ng'asheesu doobiiwnata gil ak ea huumwa.”

Giidaheechta 3:14

“Heeda malaykajeanda ganiiseeda Laodikiya ng'oara: ‘Ng'asheega siida was Amin, was siida doabiiwaat was muushoocheanda huumwa, was giing'eeta haleanjeeda sean sin ASEETA.

Giidaheechta 4:8

Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,

Giidaheechta 6:10

goojuur aba ghuuta haw nea geeyi, “Ea Ng'utamiida ambaliischi, ghaydit bea huumwa, gajeeyi bwak ea ghoah eeju nea mii argweaksiina ak giwaldi foojeandeanya aba badahuuka fuga mida badayda ng'eanyiida?”