Giidaheechta 3:18 - Bibliyeeda Ghaydit

¹⁸ Ak gaydayeeshiineey, shaaha aba heedeanyu dahaabu siihuuna beasta, ak abeeda gaywoosa meanang'oocheanda, nea giikweali hang'weaka eashish, ak ea meadaaha baspaseega dawiishnataang'u, ak gaynyasa meajooda jea eashana gheanyangaagu ak abeeda giing'weardi.

NEAJEEDA EESH BEA BUUNEESSEAN

¹⁸ Ak gaydayeeshshiineey, shaaha aba heedeanyu lagheanga meeng'meeng'i siihuuna beasta, ak abeeda gaywosa meanang'oochcheanda, nea giikwealli hang'weakka eashish, ak ea meadaaha baspaseega dawiishnattaang'u, ak gaynyasa meajooda jea eashana gheanyangaagu ak abeeda gingweardi.

Giidaheechta 3:18 Mawu Ofanana

NYIIGHEEGA 107:11

aba gideaba ghaheawa ng'asheega ASEETA, ak gafool girgweageeda dea Haw bea Humng'eeda.

NYIIGHEEGA 16:7

Gaydaaghaambiit NG'UTAMIIDA adoabiiwan, nea iihidu eaweeda ghoadoabiiwan gurooroodeanyu.

NYIIGHEEGA 32:8

Gaydaanaalnyi nea ghaahiimneey naweeda jea laabwa gaydeargweakseey nea gang'uleey gheang'deanyu.

NYIIGHEEGA 73:24

Gajadoabiiwaan aba girgweageadaang'u, ak iidu gaydeaptaawaan giigheambiita.

GHWASIILDEANGA 1:25

Ak ghoayamnyi ng'asheegeasu nea moogasi dareekuseegwa.

GHWASIILDEANGA 1:30

Ak ea meamwasa ng'asheegeasu nea geefool miinda gheanyanga nyaawa.

GHWASIILDEANGA 19:20

Aleeysiiniit girgweaksiinda ak giing'waanyi giinealshooda, ak gaynyasa weaghuumeeda aba damanda siipuut.

GHWASIILDEANGA 23:23

Shaaha huumeanda ak ea adishaaydi, shaaha weaghuumeeda, giinealda ea nalooda.

REEKUSIINDA 8:2

Aniini geayeenyi, Ang'waanya diigheanda sugoocheanda; nea nih gweagu habeawooda iyeaksi ASEETA.

ISAYA 47:3

Ak gayghwadaah buuneeda dawiishnataang'u, nea gajeadaah baspaseegaagu. Aniini gaydawalda mureandoodeanyu, ak ea maydabwayda eara siyagi.

ISAYA 55:1

“Asi giliwas sih bearji muwooshta, apkaana heeda mida beega; nea dea mandeawana lapiya, apkaana, ashaaha ak ghoayaaji! asaha apkaana ashaaha difaayi ea eanooga nea majootayda lapiya ghana gida sheayeeda haw.

YEREMIYA 13:26

Gaydaamwaalda eaghwadaang'u ea ghwahita uhuudaang'u ak ghaanung' bwaspwas.

DANIELI 12:2

Nea fuga saang'a lil aba jeeda sigeeda gayghang'eatng'eat ak ghwanyas eaweega manda muudeanooda, nea mwaatkwa ghwanyas baspaseega ea foolda maygamuudean.

MIKA 1:11

Ang'ata aweayeena agoogeeda was fuga Shafiri, aba baspaseega nea goowooschi dawiiri; fuga abiita Saanani adagwardu jarooda; shooka fuga Beteseli gaygageandeawa heedeang'wa heeda jea gamng'awsa.

NAHUMU 3:5

Ng'ula, aniini Neanyareekseey, gwarugu NG'UTAMIIDA bea lugweega, ak gayghoamwaalda hanang'weendigeagwa ak ghwayiin gheamamuunatkeagwa; ak gaydanung' gang'ula eemoojiga dawiishnataang'u ak ghwadaah sugoodiga baspaseegaagu.

MALAKI 3:3

Gaygoobideadayda siida adeang'shachi nea goohuuni lapiya, ak gayghoamiidu orjooga Lawi ak ghoamiitaayda saawa dahaabu ea lapiya, ea ghoadaw NG'UTAMIIDA haleanjeeda doabiiw bea ghadooweeda.

Mattayo 13:44

“Gicha sugoocheanduumeeda humng'eeda gawuurji gheaseeda funyaat aba jeeda madamnyeanda, ama dea siida ghafuy; aba ng'weeloadaanyi gawa ak ghwashaayda haleanjeadaanyi sean mideawa ak ghwasha madamnyeandida.

Mattayo 25:9

Gwayeesha giika mideawa weaghuumeedean, ‘Manda mayghoahiideasa aseasa ea agooga! Ghang'wana ghoang'waanyi naweeda ak gooweesi fuga sheahiida nagheeda ak ghoashaayi.’

Lukka 12:21

Asi nih giduurji siida adiiwiisa geaw gheaseeda, Nea meabarursiina gea ASEETA.”

2 Goriinto 5:3

nea abeeda iisishuubeesa gajeedaaheasa nea meewoosi dawiiri.

2 Goriinto 8:9

Aba gideaba noanali dagheerjeanduumeeda Ng'utamiideanya was Yesu Gristo, earapeadi baruuriin, hean ghabwarbwariit aba badahuukeagwa, ak abeeda aba barbarandaanyi ghoahuuyi baruurji.

1 Dimotteo 6:18

Dasina ng'asheega miyaasiin ak ghoaw meanang'oodiga aba sinooda gea miyaas, ak ghoadayda haleanjeeda nyaawa nea gabareanyi sea buuneesuurja aba jeeda miy,

Yakkobo 2:5

Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?

1 Betro 1:7

ak abeeda aba simsimda masaweegeagwa miyaasiin ng'al dahaabu jea gwarooda, earapeadi iissa geesim aba beasta, ak abeeda geadaah gideaba gwandeawa duumsiinda ea gharbeeda ea mureeda aba giidaheachta Yesu Gristo.

Giidaheechta 16:15

“Asi, gaydoanda mareanghweanda! Ghang'wana siida majeek, nea ghaghamwat hang'weakaaschi ak ea mawa nea dawiish ak geadaah baspaseegaaschi!”

Giidaheechta 19:8

ak ea siikwealsa hang'weaka miyaasiin bumbuni, meeng'meeng'i nea miyaas”– aba gideaba hang'weaka miyaasiin sinaweega doabiiw bea fuga ghaydidi gil.

Giidaheechta 2:9

“‘Ghaanali sawanadeadaang'u ea barbarandaang'u, (ak guwoosi meanang'oocheanda), ak ghaanali eara giing'weakeaba fiisu eena geewooschi fuga Yahudi nea mawoosean, nea saawa ea ghooriida siinealshacheewa bea Shataani.

Giidaheechta 3:17

Aba gideaba giyeeni aniini geawooschi meanang'oocheanda ak ea neabaruurji, ak ea meagassi gil; ak ang'iing'i ea minali gideaba mindeawani uurda, nea guwoosi bwarbwar, ak giwoosi ng'oaw, nea guwoosi dawiish.

Giidaheechta 4:4

Ak gwaneaweesa hoorgeedida bea gheambalmeedean hoorgaji diktam ea ang'wan bea gheambalmeeda, ak ghaadaayi gwearu diktam ea ang'wan, aba uhuudeaba hoorgajeegiga bea gheambalmeedean nea goobiitpiit, nea siikwealsa hang'weaka eashish, nea iheenga nyaawa gwanda shiipka dahaabu.

Giidaheechta 7:13

Hean gwayeeshean gweargweanagi, “Fiisu akeega, akwa hang'weaka eashish gulng'eanyiin, nea fiisu gwaleabu yeenu?”