Giidaheechta 22:5 - Bibliyeeda Ghaydit

⁵ Ak ea maygudugwanda eaweeda; nea magasa weeshinda gheaboong'nyeanda ghana aseeta aba gideaba Ng'utamiida was ASEETA gayghoah weeshinda nyaawa, saawa gaygoombaliischi ea ghoah damanda manda muudeanooda.

NEAJEEDA EESH BEA BUUNEESSEAN

⁵ Ak ea maygutgwanda eaweeda; nea magasa weeshinda gheaboong'nyeanda ghana aseetta aba gideaba Ng'uttamiida was Aseetta gayghoaw weeshinda nyaawa, saawa gaygoombaliischi ea ghoaw damanda manda muudeanooda.

Giidaheechta 22:5 Mawu Ofanana

NYIIGHEEGA 36:9

Aba gideaba headaang'u gwanda gheanyanga eeniga eaweega; aba jeeda weeshindaang'u gajeadaaha weeshinda.

NYIIGHEEGA 84:11

Aba gideaba NG'UTAMIIDA was ASEETA niny aseeteanya gil ea igeamboodeanya; niny gaygagu alooheeda ea mureeda. Manda gidamiy jea ghaweada NG'UTAMIIDA fuga beawa doobiiwnata.

ISAYA 24:23

Ak sheeda gajeapwaaspwaas, nea aseeta gayghabwaspwas gwadagu; aba gideaba NG'UTAMIIDA lugweega gaygoombal Giijeeda Sayuni ea Yerusalemu, ak gaygoohiimsa gweargwaaschi giigheambiitaanyi.

ISAYA 30:26

Ak weeshinda sheeda gaygawuurji dea daknooda, nea daknooda ghoahaada niba ispwa, gawuurji daknoomba eawooji ispwa. Ak ng'asheesu gaygapnu eaweeda jea ghoahaabwa NG'UTAMIIDA deaneaduutka fugaaschi nea ghwarat.

DANIELI 7:18

Nea fuga ghaydidi bea ASEETA Haw bea Humng'eeda gayghwanyas sugoocheanduumeeda, ak goombal ng'eanyiida damanda manda muudeanooda, maygamuudean.’

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

SAKARIYA 14:7

Eaweedida maygwanda misaneeda, gaygwadagu galeagasean, eara aba eawa. (Nih ghwanal NG'UTAMIIDA nea gabwa geaw.) Maygwanda askwearda ak ea maygwanda eaweeda, aba gideaba damandeaba shing'ada gaygwanda weeshinda.

Mattayo 19:28

Gwayeesha Yesu saawa, “Aba huumwa, geayeeshiineegwa, agoogeeda ooyeadu geeshteanyu aba ng'eanyiideesh, jea ghwahidu eaweeda jea goopteadawa Orjeeda Siida hoorgeadaanyi ghaambiidaat, abeeda eara agooga gajoopiidana hoorgajeegiga atamaniyeenyean ak goorgweaksi eemoojigiga atamaniyeenya bea Israeliin.

Mattayo 25:34

Ng'ata gaygwayeesha sugoocheanda fugiga mida meatkweadaanyi bea geatinda dugwean, ‘Abeeni agoogeeda ghayi nigooneegwa Bwaabwa ghawooda ahearana sugoocheanduumeeda ghayi sibay eerarseegwa ghang'eada dea ghayi sibwada ng'eanyiida;

Mattayo 25:46

Abeeda fiisu gaygaweay jeeda ghoorjooda manda muudeanooda, nea fugiga doobiiweadiin gaygaweay jeeda eaweega manda muudeanooda.”

Ruumi 5:17

Aba gideaba ghayi iyadiiy siyagi, hean goombaliischi miyeeda aba badaydeaba siidida asagiin, gay ghwaraanya muuchi fugiga jea ghwanyas dagheerjeanduumeeda naawda ea gidida siitaw mwadaaghaan aba doobiiwnata, ak abeeda gay goombaliischi aba jeeda eaweegeaba siidida asagi was Yesu Gristohiin.

2 Dimoteo 2:12

Nea iisimilikghiti, gajeembaliischeena sea niny, Nea iisiheawi niny, niny earada gay ghaheawaneasa.

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 18:23

ak eara weeshinda gheaboong'nyeanda ea maygudu gabiikta ghoabwaay aba jeadaang'u earahay; ak eara ghuuta siida geeshi ea dea gatmooda sighi maygudu eebiikta eeyiing'sa jeadaang'u earahay; aba gideaba fiisu ikaagu ageakshiin ghayi saawa fuga hees bea ng'eanyiida gil, ak eemoojiga sean ea sireengani aba beeneetkweanduumeadaang'u.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.

Giidaheechta 20:6

Ghang'wana nea ghaydit siida mida jeeda duunooda madeeda! Aba badahuukeaba fiisu miyeedeaba iyeenya manda uurda ak gayghoah ashoohoodiga ASEETA ea gea Gristo, ak gaygoombaliischi sea niny gweanyeew sagalam.

Giidaheechta 21:11

nea gwandeawa giigheambiita ASEETA, ak weeshindaanyi gawuurji lagheaneeda haw sheayeat, gawuurji lagheaneeda mur, ak ea miyaasiin nea ghameang'meang',

Giidaheechta 3:21

Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeati ak geapteadi sea Bwaabwa aba uhuuda hoorgeadaanyi bea gheambalmeeda.