Giidaheechta 22:17 - Bibliyeeda Ghaydit

¹⁷ Ak gwayi Guroorooda ea Sibeeda, “Beeni.” Nea siida iing'shi dayi “Beeni.” Ak doani siida bearji muwooshta, nea dea gasa ea dageanda beega eaweega nea manda sheayeeda.

NEAJEEDA EESH BEA BUUNEESSEAN

¹⁷ Ak gwayi Gurorooda ea Sibeeda, “Beenni.” Nea siida ing'shi dayi “Beenni.” Ak doani siida bearji muwooshta, nea dea gasa ea dageanda beega eaweega nea manda sheayeeda.

Giidaheechta 22:17 Mawu Ofanana

NYIIGHEEGA 34:8

Asamni ak ghoadaayi gideaba NG'UTAMIIDA aamiy! Ghang'wana siidida ghus ninyiin!

ISAYA 12:3

Gajaweayeena gajaramni beega aba hooseaneega aba jeeda healatka lealeanooda.

ISAYA 2:3

Ak gaygaweay fuga saang'a ak gwayi: “Apkaani, eediyeada uhuuda giijeeda NG'UTAMIIDA heeda gheeda ASEETA Yakobo; ak gayghoanaaleasa naweadingaaschi ak gajeayaada naweadingaaschi.” Aba gideaba Sayuni gaygwarina deaweeda, ea ng'asheanda NG'UTAMIIDA leabu Yerusalemu.

ISAYA 2:5

Ea fuga gheeh Yakobo, apkaani, eeweaya jeeda weeshinda NG'UTAMIIDA.

YEREMIYA 50:5

Ak gaygoobeariida naweeda gal Sayuni, nea googeal iheenga nyaawa heeda mida, nea gwayi, ‘Apkaani eekuuyeewana geat NG'UTAMIIDA aba neajeeda manda muudeanooda maygwaroosa fih.’

ESEKIELI 47:1

Hean goodeelnean siidida ea ghoahiinaan gidaghuuta gheeda sibata ASEETA, nea aba hooweani abeeda gwarina beega jeeda gidingeanda gidaghuuta gheeda sibata ASEETA, bea meatkweeda ghayeawa, (aba gideaba madeeda gheeda sibata ASEETA ea ghayeawa); ak beega gagulna heeda hiing'aada bea meatkweeda geatinda dugwa bea gheeda sibata ASEETA. Bea wiilooda ng'eanyiida biyeara bea heeda wagiida.

MIKA 4:2

ak gayghapka eemoojiga saang'a, ak gwayi, “Apkaani eascheang'da eeweaya uhuuda giijeeda NG'UTAMIIDA, ea gheeda ASEETA Yakobo; ak gayghoanaaleasa naweadingaaschi ak gajeeweelweelana jeeda naweadingaaschi.” Aba gideaba aba Sayuni gaygwarina deaweeda, ea ng'asheanda NG'UTAMIIDA leabu Yerusalemu.

Yohaana 1:37

Ghwayiiy Giinealangiga asiyeenyean niny nea gwarugu ng'asheesu ak ghwaat geeshta Yesu.

Yohaana 4:10

Ghwasha Yesu nea gwayeesha niny, “Inyeeda ghwanyawa ginali haleanjeeda goona ASEETA ak ea ng'eaha gil siida eeshiineey, ‘Goonean beega jea dali,’ ghwanyawa gaymusa niny ak gaygagoonyi beega mideawa eaweega.”

Yohaana 4:11

Gwayeesha Gatmoodida niny, “Ea orjeeda siida mureeda ang'iing'i mindeawani geammooda jea ramnana beega, ak ghabwada nih healadeeda easheagi jih; abeeda gaygeannana yeenu beesu mideawa eaweegean?

Yohaana 4:14

amaduuku siichea ghwali beega jea daadaw aniini mayghwaak muwoash earahay; aba gideaba beegiga jea daadawiin gayghoah aba jeadaanyi gheang'deenda nea goobeakbeaksa eaweega manda muudeanooda.”

Yohaana 4:29

“Apkaani adaaha siida rukunean ng'asheegeasu sean ghayi easinyi! Siisi gajea mii Gristohi?”

Yohaana 7:37

Eaweeda huuydean asheala ghweelmeeda eaweecheanda haw gil, ghamiinaada Yesu ak gwarugu aba ghuuta haw nea gwayi, “Siida bearji muwooshta, doani heedeanyu ghwaleayda.

Ruumi 3:24

iissa geataw doobiiwnata mwadaagha aba dagheerjeanduumeadaanyi, aba naweedida bea lealeanooda mida heeda Gristo Yesuun;

1 Goriinto 2:12

Aseasa meanyasi guroorooda ng'eanyiida, geanyaschi guroorooda leabu heeda ASEETA, ak abeeda geenali gidagooneasa ASEETA aba inyeanda jeeda.

Giidaheechta 14:13

Hean ghaayiinyi ghuuta nyaasha humng'eeda nea gwayi, “Ng'oara ng'asheesu: Ghang'wana siida meah ghamneawa meewsa heeda Ng'utamiida.” “Ghang'wana huumwa,” gwayi Guroorooda, “ak gafuuf iing'ata gadiyeeda nyaawa, aba gideaba sinaweega nyaawa ghwaat geeshta!”

Giidaheechta 2:7

Gilinyoo googar iita, dayiinya ng'asheanji rukusa Guroorooda ganiisajeegean. Nea dea jooriischi gaydanung' ghwaak haghweega geeta eaweega, mida jeeda madamnyeanda mwanang' bea ASEETEAN.’

Giidaheechta 21:2

Ak ghaadaayi mujiineeda ghaydit, was Yerusalemooda eesh, nea ghwararang'aana humng'eeda heeda ASEETA, nea hidaat gawuurji sibeeda siitaamdaam aba siyeeda;

Giidaheechta 21:6

Ak gwayeeshiinean, “Nisa! Gideaba Aniini geawooschi Alfa ea Omega, giing'eeta ea huuydeanda. Siida bearji muwoash gaydaadaw mwadaagha beega leabu gheang'deenda mideawa eaweega.

Giidaheechta 21:9

Hean ghwahidu malaykajeanjagi bea jeedeaba giika as ispwaan nea gwandeawa gweeraji ispwa nyiit sawanaduut ispwa huuydean ak goobaloolan, nea gwayi, “Beeni hiji, ak gaydaahiimneey sibeeda, was gatmooda Dayeenda Gisilleanda.”

Giidaheechta 22:1

Hean ghoahiimnaan eenda beega mideawa eaweega, nea eesh ea ghameang'meang', nea ghwadalaalaana hoorgeeda ASEETA ea dea Dayeenda Gisilleanda,

Giidaheechta 22:16

“Aniini Yesu, neajeagu malaykajeandeanyu headaang'u nea gweadu muwuunooni heeda ganiisajeega. Aniini geawooschi hawunyeanda ea jeata Dawdi, was miing'weandida aboong'u bea muchuunoodean.”

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoah jeagiischoocheanda nyaawa, ak gaygoodoobiiwseegwa gheang'deenda mida beega mideawa eaweega; ak ASEETA gaygoobuus dabeaka sean mida gheanyanga nyaawa.”