Giidaheechta 22:16 - Bibliyeeda Ghaydit

¹⁶ “Aniini Yesu, neajeagu malaykajeandeanyu headaang'u nea gweadu muwuunooni heeda ganiisajeega. Aniini geawooschi hawunyeanda ea jeata Dawdi, was miing'weandida aboong'u bea muchuunoodean.”

NEAJEEDA EESH BEA BUUNEESSEAN

¹⁶ “Aniini Yeesu, neajeagu malaykajeandeanyu headaang'u nea gweadu muwwunooni heeda ganisajeega. Aniini geawaschi hawunnyeanda ea jeatta Dawdi, was ming'weandida aboong'u bea muchchuunoodean.”

Giidaheechta 22:16 Mawu Ofanana

ISAYA 11:1

Asi gaygwarina damealeanda gumdooda Yese, ak gaygwarina damealeanda hawungaaschi.

ISAYA 14:12

“Ang'iing'i geeng'adeateaydaneeyiin aba humng'eeda, Ea miing'weanda Muchuunooda, orjeeda Sakteayda Geanung' abeadaaydaan, ang'iing'eeda ijoari eemoojiga!

SAKARIYA 6:12

ak giyeeshi niny, gideaba ‘gwayi NG'UTAMIIDA bea lugweega, “Ng'ula, siida ridu gheawungaaschi was Damealeanda ak gwaheedu aba heeda mida, ak ea dea jea gwadeeksa NG'UTAMIIDA gheeda sibata ASEETA gil.

IITOODA 24:17

Geang'ulayi niny, ak ea mii ghamneawa; geang'ulayi niny, ak ea mii neeki, gaygwarina miing'weanda jeeda Yakobo, nea bileangida gheambalmeeda gaygwarina Israeli; ak gaygwahirjeaweada gujaka Moabu, ak gwahirjeaweada orjooga sean bea Seti.

Mattayo 1:1

Gitaabooda rooproobanga Yesu Gristo, orjeeda Dawdi, orjeeda Abrahamu.

Mattayo 2:2

“Gwanda yeenu baleanda siji was sugoocheanda Yahudi? Aba gideaba geadeaksi miing'weandaanyi heeda ghayeawa, ak geapkaanyi eaghadoawana.”

Mattayo 22:42

“Iing'ulayi Gristo ea ng'eaha? Heapi ghoanung' ghoah baleandeabeang'a?” Ak gwayeesha saawa, “Orjeeda Dawdihi.”

Mattayo 22:45

Abeeda Dawdi iiguura Ng'utamiida, abeeda ghoamu ghoawdaan orjeedaanyi?”

Lukka 1:78

Aba baydeayda ASEETEANYA, niirearseasa weeshinda leabu humng'eeda,

Lukka 20:44

Abeeda Dawdi iiguura niny Ng'utamiida ghoawdaan orjeedaanyi?”

Ruumi 15:12

nea gicha gwayi Isaya, “Gayghwahidu hawunyeanda Yese, ak gay ghwahidu goombal Eemoojiga, ak ea siida jea ghaghus Eemoojiga gil.”

Ruumi 9:5

aba geanyaawa gwanda gheamba ghweaniga, bea eemeenyaawa, aba saseeda, aba heanyaawa Gristohi. ASEETA haweewa haleanjeeda sean gagasa eebadiischeesa ea ghoah damanda manda muudeanooda. Amin.

2 Betro 1:19

Ak geendeawi muuchi ng'asheanda siramoorani ak ghoah huumwa. Ak gisini muuchi nea gisikteawi ng'asheesu nea gawuurji gheaboonyaneeda yeat aba heeda misana, ea ghaghar gayeew ea goorearu miing'weanda muchuunooda aba jeesinga gurooruunatkeagwa.

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

Giidaheechta 1:11

“Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

Giidaheechta 1:4

Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

Giidaheechta 2:11

Siida agar iita, dayiinya ng'asheanji rukusa Guroorooda ganiisajeegean. Nea dea jooriischi ea mayghwanyas sawanadeeda miyeedeaba iyeenya.’

Giidaheechta 2:17

Gilinyoo googar iita, dayiinya ng'asheanji rukusa Guroorooda ganiisajeegean. Nea siida jooriischi gaydaadaw hamita siguura maana ghayi sifuy ak gaydaadaw lagheaneedeesh, ak badaydeaba lagheaneani geeng'oorsa gheawunga eashish, mwanala sih geaghus siidida ang'waayiin.’

Giidaheechta 2:7

Gilinyoo googar iita, dayiinya ng'asheanji rukusa Guroorooda ganiisajeegean. Nea dea jooriischi gaydanung' ghwaak haghweega geeta eaweega, mida jeeda madamnyeanda mwanang' bea ASEETEAN.’

Giidaheechta 22:1

Hean ghoahiimnaan eenda beega mideawa eaweega, nea eesh ea ghameang'meang', nea ghwadalaalaana hoorgeeda ASEETA ea dea Dayeenda Gisilleanda,

Giidaheechta 22:11

Siida sina ng'asheega munyas daraanya sinooda ng'asheega munyas, dea mideawa ririnnyeanda daraanya ririnnyeanda, dea doabiiwaat daraanya doobiiwnata, dea ghaydit ea daraanya ghaydidanda.”

Giidaheechta 22:20

Nea siida muuwu ng'asheesu gwayi, “Asi aba huumwa ghaawunyi nea ghaalamwajaanyi.” Amin. Beeni, Ng'utamiida was Yesu!

Giidaheechta 22:6

Hean gwayeeshiinean, “Ng'asheesu ghwadoabiiw ak ea huumwa gil. Nea Ng'utamiida, was ASEETA bea gurooruunatka sibanga, abeeda gaygoojeagu malaykajeandaanyi goohiimsa soomjoagaaschi ng'asheega jea gabean ghwahidu.

Giidaheechta 3:13

Gilinyoo googar iita, ea dayiinya ng'asheesu rukusa Guroorooda ganiisajeegean.’

Giidaheechta 3:22

Gilinyoo googar iita, dayiinya ng'asheanji rukusa Guroorooda ganiisajeegean.’”

Giidaheechta 3:6

Gilinyoo googar iita, dayiinya ng'asheanji rukusa Guroorooda ganiisajeegean.’

Giidaheechta 5:5

Ak gwayeeshean siyagi aba jeedeaba gweargiga, “Adiiyeawdi; daaha, ng'adiida eemeeda Yuda, was Hawunyeanda Dawdi, niny nijooriischi, ak gaygootin gitaabu, ea giiroorangaaschi as ispwa.”