Giidaheechta 22:15 - Bibliyeeda Ghaydit

¹⁵ Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.

NEAJEEDA EESH BEA BUUNEESSEAN

¹⁵ Hoowa bea jaroodean gwanda gudajeega ea beneediga ea fuga hiseada ea fuga nuusa buuneeda ea fuga ghadoawani gidamwawosa aseetta, ea gilinyoo ghabwariiy ng'uyyeega nea gwasin.

Giidaheechta 22:15 Mawu Ofanana

1 SUGOODIGA 22:8

Ng'ata gwayeesha sugoocheanda Israeli Yehoshafati, “Gwanda siyagi jea eepearsiina ng'asheanda NG'UTAMIIDA, Mikayaheeda was orjeeda Imla; nea aniini ghaasichi niny, aba gideaba moang'wa ghwaramoaran gea miyaasiin aba heedeanyu, geaghus gea munyas.” “Manda adiidu ghwanyaashtunu sugoocheanda.”

GHWASIILDEANGA 12:22

Siida ruku ng'asheega ng'uyeega gayghoanyareas NG'UTAMIIDA, nea fuga sina ng'asheega doobiiweadi gaygoohoosan niny.

GHWASIILDEANGA 7:27

Gheanyi naweeda weah gheeda maloonghajeega gil gayghwararang'aada ea ghwahita jeeda ghoorajeega miyeeda.

ISAYA 47:12

Asi miinaada ea meang'nyeanduumeadaang'u ea seang'ayda beeneetkweanduumeadaang'u, ghayi ideawiisi aba gheareemaneanduumeadaang'u; ghayi irarsi gideaba gaynyasa gea jea ghoahaada, ghana gwadeepa nyasa jooriischooda.

ISAYA 47:9

Ak ng'asheesu asiyeenyean gayghwanyasnyi aba geeshangiga, eaweecheanjagi; miyeeda diibiga ea masinung'weanduumeeda ng'asheanji gaygwahiseey muuchi, earapeadi indeawi beeneetkweanduumeeda haw ea uurda haw bea meang'nyeanduumeeda.

ISAYA 57:3

Ak agooga apkaana hiji, ea orjooga gatmooda was beeneetkweanda, ea jeata hiseadayda.

YEREMIYA 5:31

sibanga niramoar ng'uyeega, nea ashoohoodiga gagadiiy nea ghwaat naweadinga nyaawa; nea fugeasu ghabwariiy gwasunu ng'asheesu, ak gajasina naaha iihidu mudeanoodeaba ng'asheesu?

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

Mattayo 7:6

“Adoatawji gudajeega haleanjeeda ghaydidi, ghana ahisana ukurmajeega sageekeagwa ak ghwadatas, gajiidu gwayamseegwa geat ak ghwaageagwa.

Mattayo 8:12

amadu orjooga sugoocheanduumeeda gajeehisa jeeda misaneeda jarooda; heeda jea gwanda shooka ea giiwiirooda geeshatka.”

Yohaana 8:46

Aba jeedeang'wa gajea ng'eaha gil jea gwarugu gideaba geabea riing'a? Asi abeeda iyearuku huumwa abeeda ghwasaan anda moamwasaan?

Gadiyeeda Giijasoodiga 8:11

Ng'ata geeleeysa iit muuchi aba gideaba nigeawiit inyeesa ghwanung' ghahamng'eanyi buuneeda aba beeneetkweanduumeadaanyi.

GIIPKEATA DIIGHEANDA 23:18

Adiyeadu haleanjeeda nyas siida hiseada, ghana gidasiitaw gudeeda gadiiyi ak giyeadu jeeda gheeda NG'UTAMIIDA was ASEATAANG'U aba gidawas radanyeanda wassean; aba gideaba ng'asheesu duwaawiin ea munyas aba heeda NG'UTAMIIDA was ASEATAANG'U.

Filippi 3:2

Ashageada gudajeega, ashageada fuga gadiyeeda munyas, ashageada fugiga iissa ghwalajaada saseedean.

Golosaayi 3:6

Aba badaydeaba ng'asheesu gayghwahidu ng'weaninda ASEETA.

1 Dimotteo 1:10

ea fuga mealuuli, ea ng'eedeeda mealuuli sea niirja, ghana fuga jagwadi suurja, ea gea ng'uyeega, ea fuga ak habeawooda ng'uyeega, ea iimida ng'asheanda wassean maweapchi sea giinealshoodida bea huumwaan.

Giidaheechta 18:23

ak eara weeshinda gheaboong'nyeanda ea maygudu gabiikta ghoabwaay aba jeadaang'u earahay; ak eara ghuuta siida geeshi ea dea gatmooda sighi maygudu eebiikta eeyiing'sa jeadaang'u earahay; aba gideaba fiisu ikaagu ageakshiin ghayi saawa fuga hees bea ng'eanyiida gil, ak eemoojiga sean ea sireengani aba beeneetkweanduumeadaang'u.

Giidaheechta 21:27

Nea jeadaanyi ghanyea maygawa gidamuy, ghana deasina ng'asheega munyas ghana gea ng'uyeega, geaghus giika sing'oorsa jeeda gitaabooda eaweega bea Dayeenda Gisilleandean.

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”