Giidaheechta 21:5 - Bibliyeeda Ghaydit

⁵ Ng'ata gwayi siidida apteada aba badayda hoorgeeda gheambalmeedean, “Ng'ula, gaydanung' gaweeriidi haleanjeeda sean.” Ak gwayi gicha, “Ng'oara ng'asheesu, aba gideaba ng'asheesu doobiiwnata gil ak ea huumwa.”

NEAJEEDA EESH BEA BUUNEESSEAN

⁵ Ng'atta gwayi siitta apteada aba badayda hoorgeeda gheambalmeedean, “Ng'ulla, gaydanung'u gaweeriidi haleanjeessean.” Ak gwayi gichcha, “Ng'waara ng'asheesu, aba gideaba ng'asheesu doobiiwanatta gil ak ea huumwa.”

Giidaheechta 21:5 Mawu Ofanana

ISAYA 42:9

Ng'ula, ng'asheega ghayi eabean dargu nisa, ak biissa ghamneawa gaydargu ng'asheega eashish; damanda mii gapnu gaydargu iita.”

ISAYA 43:19

Ng'ula, gaydasin ng'asheandeesh; nea goola gwasa ak gajadaaha ghamneawa. Gaydasin naweeda aba jeeda dareapcheeda ea eeniga aba jeeda eeshtearajeanda.

Lukka 5:38

Difaayeeda mii ghwaheas geaghus eeyamsa jeesinga ghadeatka eeshish.

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'ata, ng'ula, nihidu haleanjeeda eeshish.

Ebraniya 12:27

Ng'asheanji bea gideaba, “Gaydabiikta gichean,” ghoahiimu geandeayda gissiituumduum, was gidaghayi sisin, ak abeeda geapuut gidida mwoamu eetuumduumiin.

Giidaheechta 1:11

“Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

Giidaheechta 1:19

Asi ng'oara haleanjeeni idaahiin, ea gea ghamneawa mida, ea gea iidu jea gabassa iing'ata suh.

Giidaheechta 19:9

Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaanyi gamng'aw ng'eanyiida ea humng'eeda, ak ea meadaaha heeda jea goobiida.

Giidaheechta 22:19

ak giliwas sih iigeanda gili aba jeeda ng'asheega siramoar bea gitaaboaniin, gaygageanda ASEETA headaanyi aba jeeda geetida bea eaweegean ea aba jeeda mujiineedida ghaydidiin, sirugu ng'asheagaaschi aba jeedeaba gitaaboani.

Giidaheechta 22:6

Hean gwayeeshiinean, “Ng'asheesu ghwadoabiiw ak ea huumwa gil. Nea Ng'utamiida, was ASEETA bea gurooruunatka sibanga, abeeda gaygoojeagu malaykajeandaanyi goohiimsa soomjoagaaschi ng'asheega jea gabean ghwahidu.

Giidaheechta 4:2

Deagheata geandi jeeda Guroorooda, hean ghamiinaada hoorgeeda gheambalmeeda aba humng'eeda, nea goopteada siida aba uhuudeaba hoorgeedida bea gheambalmeedean!

Giidaheechta 4:9

Ak ghoadaw diyeanga majeekcheewiin giigheambiita ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,

Giidaheechta 5:1

Hean geadeaksi geatinda dugwa bea siidida apteada aba uhuuda hoorgeeda gheambalmeedean gitaabooda sing'waar jeeda ea badayda, nea siiroor aba giirooran ispwa;