Giidaheechta 21:2 - Bibliyeeda Ghaydit

² Ak ghaadaayi mujiineeda ghaydit, was Yerusalemooda eesh, nea ghwararang'aana humng'eeda heeda ASEETA, nea hidaat gawuurji sibeeda siitaamdaam aba siyeeda;

NEAJEEDA EESH BEA BUUNEESSEAN

² Ak ghaadaayi mujiineeda ghaydit, was Yerusaleemooda eesh, nea ghwararang'aana humng'eeda heeda Aseetta, nea hidaat gawuurji sibeeda siittaamdaam aba siyeeda;

Giidaheechta 21:2 Mawu Ofanana

NYIIGHEEGA 87:3

Sirukuna badaydaang'u ng'asheega ghaydidi, Ea mujiineeda ASEETA.

ISAYA 1:21

Mujiineani ea doabiiwaat iijea ghoah hiseadayda, niny gwandeawa girgweageeda doabiiwaat! Ghayi gwanda jeadaanyi doobiiwnata, ghamneawa ea niiw siida bara buuneeda.

ISAYA 52:1

Ng'eada, ng'eada, nyasa uurda, Ea Sayuni, akweala hang'weakaagu miyaas, Ea Yerusalemu, mujiineeda ghaydit; aba gideaba ghang'eada ghamneawa maygawa jeeni siida meeyiila ghana siida mideawa ririnnyeanda.

ISAYA 54:5

Aba gideaba dea sinyi siyeadaang'u gil, NG'UTAMIIDA lugweega gheawungaaschi gil; ea Deaghaydit bea Israeli lealnoocheandaang'u gil, ak niny, gajeeguura ASEETA ng'eanyiisean.

ISAYA 61:10

Gaydahoosan muuchi aba heeda NG'UTAMIIDA saseadeanyu gaygang'weela aba heeda ASEETEANYU, aba gideaba niikwealnean hang'da lealeanooda, ak ea nidukuteawean hang'da doobiiwnata, gawuurji siida geeshi iisissa geaw suulga aba shiipka deakghweeda, nea gawuurji sibeeda sissa geaw haleanjeeda miyaasiin bea suulga.

ISAYA 62:4

Nea maygudeeguureeweey dea sinung', nea ng'eanyiidaang'u maygudeeguura raghoonyeanda, ak gajeeguureeweey “Dea eahoosasi.” Ak ng'eanyiidaang'u gajeeguura “Dea sigeena.” Aba gideaba NG'UTAMIIDA gahoosan aba badaydaang'u, nea ng'eanyiidaang'u gajeaghi.

YEREMIYA 31:23

Gwayi NG'UTAMIIDA bea lugweega was ASEETA Israeli; “Inyas geabiikti danung' ghwanyagaada fuga Israeli Abeeda saawa gaygwarukwiida ng'asheesu aba jeeda ng'eanyiida Yuda ea jeeda ng'eanyiidaanyi sean nea gwayi, ‘Gagasa gagoonyi NG'UTAMIIDA ghawooda, Ea ng'eanyiida miy Ea heayeeda ghaydit!’

Yohaana 3:29

Siida mideawa gatmooda bea nyeangiida niny siida geeshi, amaduuku siituupchi siida geeshi, iissa ghamiinaada nea gooleeysiit nea gahoosan muuchi iiyiiy ghuuteaba siidida geeshiin; asi aba sareani hooseaneegeasu niheedu.

2 Goriinto 11:2

Aba gideaba aniini geashiseegwa ghaang' aba shidoodeaba ghaang' bea ASEETA, aba gideaba neanyeariiseegwa Gristo ak ghaadaydaneegwa awuurjeewana sibeeda miy weesa ng'eedeanagi.

Ebraniya 11:10

Aba gideaba gang'ula mwadi ghwadaah mujiineeda mideawa sindeeta, nea siida deas ea dea sin ea ASEETA gil.

Ebraniya 11:16

Asi ghamneawa aba giduurji, gagaseadayi ng'eanyiida miy, nea diita bea humng'eedean. Hean ASEETA ea moamu ghabwaspwas aba gideaba geeguura ASEETA nyaawa, aba gideaba nisissa saawa mujiini.

Ebraniya 12:22

Ak ea noapkaanyi Giijeeda Sayuni ea mujiineeda ASEETA majeek, Yerusalemooda humng'eeda, ea heeda malaykajeega saang'a, bwat geat aba ghweelmeeda,

Ebraniya 13:14

Aba gideaba aba hiji meendeawani mujiineeda jea ghwashng'u, aseasa geegasayi mujiineeda jea ghwahidu.

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

Giidaheechta 1:4

Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

Giidaheechta 11:2

ak ea adiideeni bugharjeanda mida bwadaw bea ASEETA; dakta bwadaw, aba gideaba siitaw darooraka, ak gayghwadatas mujiineeda ghaydit sheeh haradam ea iyeenya.

Giidaheechta 21:10

Hit ghwaadan aba Guroorooda ea ghoahiitanaan giijeeda haw, geaw, ak ghoahiimnaan mujiineeda ghaydit was Yerusalemu nea ghwararang'aana humng'eeda heeda ASEETA,

Giidaheechta 21:9

Hean ghwahidu malaykajeanjagi bea jeedeaba giika as ispwaan nea gwandeawa gweeraji ispwa nyiit sawanaduut ispwa huuydean ak goobaloolan, nea gwayi, “Beeni hiji, ak gaydaahiimneey sibeeda, was gatmooda Dayeenda Gisilleanda.”

Giidaheechta 22:17

Ak gwayi Guroorooda ea Sibeeda, “Beeni.” Nea siida iing'shi dayi “Beeni.” Ak doani siida bearji muwooshta, nea dea gasa ea dageanda beega eaweega nea manda sheayeeda.

Giidaheechta 22:19

ak giliwas sih iigeanda gili aba jeeda ng'asheega siramoar bea gitaaboaniin, gaygageanda ASEETA headaanyi aba jeeda geetida bea eaweegean ea aba jeeda mujiineedida ghaydidiin, sirugu ng'asheagaaschi aba jeedeaba gitaaboani.

Giidaheechta 3:12

Siida jooriischi gaydanung' ghoah daraneeda aba jeeda gheeda sibata ASEETEANYU; ak ea mayghanyi gwariteawa jeeni, ak gaydang'oorsa badaydaanyi gheawunga ASEETEANYU, ea gheawunga mujiineeda ASEETEANYU, nea Yerusalemooda eeshi, rarang'aana humng'eeda heeda ASEETEANYU, ea gheawungeasu giika eeshishiin.