Giidaheechta 20:12 - Bibliyeeda Ghaydit

¹² Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geetin gitaabwajeega. Ak geetin gitaabwajeanda nuut, nea gitaabooda eaweega gil. Ak geergweaksa fugiga nimeewean aba ng'asheega sing'oorsa jeedeaba gitaabwajeegiga, giduurji gidaghayi nisin.

NEAJEEDA EESH BEA BUUNEESSEAN

¹² Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geettin gittaabwajeega. Ak geettin gittaabwajeanda nuut, nea gittaabooda eaweega gil. Ak geergweaksa fukka nimeewean aba ng'asheega sing'oorsa jeedeaba gittaabajeekka, giduurji gidaghayi nisin.

Giidaheechta 20:12 Mawu Ofanana

NYIIGHEEGA 28:4

Adawa saawa aba giteena gadiyoojiga nyaawa, ea aba giteena gadiyoojiga nyaawa; adawa saawa gawuurji gidasin aba geatinga nyaawa; adawa gooteaschi giimearda nyaawa.

NYIIGHEEGA 62:12

nea bariinyeega gwanda headaang'u Ea NG'UTAMIIDA Aba gideaba ang'iing'i guwoosi dea adawi giliwas sih giteaschi sea gadiyoojigaaschi.

NYIIGHEEGA 69:28

Nung' eepuus gheawunga nyaawa aba jeeda gitaabooda fuga mideawa eaweega; ak ea adeeng'oorsa hijagi sea fuga doobiiweadi.

GHWASIILDEANGA 24:12

Ak iidu ea adiyeeni, “Mii eanala,” aba gideaba ASEETA sikiideawa gurooruunatka buuneeda gang'ulu, gaygawalneey aba giteena gadiyoojigaagu.

GHWASIILDEANGA 24:29

Adiidu giyeeni, “Gaydasima niny gidasimanean, ak gaydawalda aba heedeaba siisi gawuurji gidasin niny.”

REEKUSIINDA 12:14

Aba gideaba ASEETA gaygweadu giliwas gadiya ak goorgweaksa, ea giliwas ng'asheanda makcheameeda, adaamiy ghanea muy.

YEREMIYA 17:10

“Aniini NG'UTAMIIDA inyeesa geang'ulayi saseeda nea geagalgal guroorooda, ak gaba siisi aadawji gidahaguuw aba giduurji naweadingaaschi.”

YEREMIYA 32:19

Dea haw aba girgweaksiinda buuneeda, ak ghoamu sinooda, nea gheanyangaaschi ea nijaada aba naweadinga sean bea buuneeda, ak ghoadaw giliwas sih aba giteena naweadingaaschi ea giteena haghweega sinaweagaaschi.

DANIELI 7:10

Gwarina madeadaanyi eenda beasta; ak gagadiiyeesa fuga nyiit sagalamnyooji sagalama niny, ak ghamiinaada aba madeadaanyi fuga nyiit sagalamnyooji damanamughuush; ak ghang'eat ghuuta girgweageeda, ak geayaawaada gitaabwajeega.

Mattayo 11:22

Asi geayeeshiineegwa, gajeawusus gideaba gayghamilikghta ghoorjooda nyaawa Diro ea Sidoni ea ghwalaabwaneegwa hoowa.

Mattayo 16:27

Aba gideaba Orjeeda Siida gayghoana giigheambiita Ghwaan nea goodeana malaykajeega ak abeeda gayghoadaw gilinyoo ea sihi gidageatindaanyi aba sinaweagaaschi.

Lukka 10:20

Asi adiidu goohoosanyi aba gidawalda gheang'deang'wa meangeenda, ahoosana aba gideaba sing'waar gheawungeagwa aba humng'eeda.”

Gadiyeeda Giijasoodiga 24:15

nea ghaaghuschi ASEETA, ak eara saawa ghamwas ng'asheanji, bea gideaba gaygwanda duunooda aba heeda fuga doobiiweadi ea gea mii doobiiweadi.

Ruumi 2:6

Iimuchu ghoadaw giliwas siida giteena seang'ayda ng'asheega nisin:

1 Goriinto 4:5

Asi iissa ea adoorgweaksi ng'asheanda nea miighwahita damanda nea miighwahidu Ng'utamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda ASEETA.

2 Goriinto 5:10

Aba gideaba gajeahita eesa sean madeeda hoorgeeda girgweageeda Gristo, ak abeeda gaba siisi nyas gidamiy ghanea gidamuyi, gawuurji gidida ghayi sin aba saseedean.

Filippi 4:3

Ak geamuscheey eara ang'iing'i, siideanyu bea huumwa eaduupcheewi, eaniyean weada gadeemsu, aba gideaba gagadiiy sea aniini aba iita giijasta miy sea Glementi sea fugeasu mwaatkwa eaweecheewi, mida gheawunga nyaawa jeeda gitaabooda eaweega.

Giidaheechta 11:18

Ak gwanyareesi eemoojiga, ak ghwahidu nyarastaang'u, nea ghwahidu damanda jea eergweaksiina fuga nimeewa, nea geamwaar soomjoagaagu was sibanga ea gea ghaydidi, ea fugiga awali gheawungaaguun, was gea manang'i ea gea hees, ak geedatas suh datas ng'eanyiidean.”

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

Giidaheechta 19:5

Hean gwarina ghuuta nyaasha jeedeaba hoorgeedida bea gheambalmeedean nea gwayi, “Eeduumsheesiina ASEETEANYA, agoogeeni sean oowooschi soomjoagaaschiin, agoogeeni oowali gheang'daanyiin, was gea manang'i ea gea hees.”

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawooschi siida sikiideawa fughareenga ea gurooruunatka, ak gaba siisi aadawji aba jeedeang'wa giteaschi sea gadiyoojigeagwa.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaanyi gamng'aw ng'eanyiida ea humng'eeda, ak ea meadaaha heeda jea goobiida.

Giidaheechta 20:13

Gooruudu basooda fuga nimeewa mida jeadaanyi, ak gooruudu miyeeda ea Gheeda maloonghajeega fuga nimeewa mida jeadaanyi, ak geergweaksiina sean gidaghayi nisin.

Giidaheechta 20:15

Ak giliwas sih iimiyeeng'oorsa gheawungaaschi jeeda gitaabooda eaweega, hean geejaksa jeedeaba basoodida bea beastean.

Giidaheechta 21:27

Nea jeadaanyi ghanyea maygawa gidamuy, ghana deasina ng'asheega munyas ghana gea ng'uyeega, geaghus giika sing'oorsa jeeda gitaabooda eaweega bea Dayeenda Gisilleandean.

Giidaheechta 22:12

“Ng'ula, ghaawunyi nea ghaalamwajaanyi, nea geayeadu gichea daadaw siida, ak ghaadawji giliwas sih giduurji gidaghayi sin.

Giidaheechta 3:5

Nea siida jooriischi gajeekwealsa hang'weaka eeshish, ak ea maydeabuus gheawungaaschi aba jeeda gitaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.