Giidaheechta 20:11 - Bibliyeeda Ghaydit

¹¹ Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaanyi gamng'aw ng'eanyiida ea humng'eeda, ak ea meadaaha heeda jea goobiida.

NEAJEEDA EESH BEA BUUNEESSEAN

¹¹ Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaannyi gamng'aw ng'eanyiida ea humng'eeda, ak ea meadaaha heeda jea goobiida.

Giidaheechta 20:11 Mawu Ofanana

GIING'EETA 18:25

Gagasa nung' gwasheagiidaneey sinoodeaba ng'asheanji, nuusta siida doabiiwaat ak gawa hoorgeeda siida muy, abeeda gaygwasawana fuga doobiiweadi aba badahuuka fuga munyas! Gagasa gwasheagiidaneey ng'asheanji! Neada siida jea goorgweaksa ng'eanyiisean maygwasin gitoabiiwi?”

AYUBU 9:6

Niny inyeesa gooduumduum ng'eanyiida ea ghang'amwa hoorgeadaanyi, nea gooduumduum daranajeagaaschi.

NYIIGHEEGA 102:26

Suh gaygoosha, nea ang'iing'i gindi; gaygooshealda sean hang'da. Ak gay yamda saawa hang'weaka, ak gayghang'ata.

NYIIGHEEGA 47:8

ASEETA goombal eemoojiga; ASEETA niipteada aba uhuuda hoorgeadaanyi ghaydit.

NYIIGHEEGA 89:14

Doobiiwnata ea girgweageeda sindeeta hoorgeadaang'u; bariinyeega ea huumeanda gwanda madeeda gheanyangaagu.

NYIIGHEEGA 97:2

Niny gwaneaweesa shamooghuutka ea misaneeda durumwana; doobiiwnata ea girgweageeda sindeeta hoorgeadaanyi.

ISAYA 6:1

Gweaydida meawa sugoocheanda was Usiyahiin, ghaadaayi NG'UTAMIIDA nea goopteada aba hoorgeadaanyi bea sugoocheanduumeeda, mida heetiyeada muuchi nea siitiing'da muuchi, ak weeleeda hang'daanyi ghwanyiit jeeda gheeda sibata ASEETA

DANIELI 2:35

ak geehirjeaweada gharinyeanda, ea sheang'weeda, ea shaaba, ea lapiya, ea dahaabu, geehirjeaweada sean, ea gawuurji mbarariida geayda sing'aal ea ghoah dearanga; ak ghwaat jeameeda, ak ea manda heeda jea eanyasa. Nea lagheaneedida nyarja sanaamuun ghoah giijeeda haw ak ghoanyiit ng'eanyiisean.

DANIELI 7:10

Gwarina madeadaanyi eenda beasta; ak gagadiiyeesa fuga nyiit sagalamnyooji sagalama niny, ak ghamiinaada aba madeadaanyi fuga nyiit sagalamnyooji damanamughuush; ak ghang'eat ghuuta girgweageeda, ak geayaawaada gitaabwajeega.

Mattayo 11:22

Asi geayeeshiineegwa, gajeawusus gideaba gayghamilikghta ghoorjooda nyaawa Diro ea Sidoni ea ghwalaabwaneegwa hoowa.

Mattayo 24:35

Humng'eeda ea ng'eanyiida gayghang'ata, amaduuku ng'asheegeasu ea mayghang'ata earahay.

Mattayo 25:31

“Damanda jea ghwahina Orjeeda Siida aba jeeda giigheambiitaanyi, nea goodeana malaykajeega, hean gaygoopteada aba uhuuda hoorgeeda giigheambiitaanyi.

Ruumi 2:5

Nea aba hang'ooynataang'u bea guroorooda mandeawana duukuunooda giidiiwsi geat nyarasta aba eaweeda nyarasta jea ghwahina ghoorjooda ASEETEAN.

2 Betro 3:7

Nea aba ng'asheandida ea sinung' ghoamuughu humng'eeda ghamneawa mida ea ng'eanyiida beasta, geetiiw ea ghwahita eaweeda girgweaksiinda ea dea nyariida fuga munyas.

Giidaheechta 12:8

iidu geajoar ak ea mudugwanda heechea goobiida aba humng'eeda.

Giidaheechta 16:20

Gilinyoo ea ng'eanyiida neaweesa beega gaygamng'aw, ak ea manda giijeega jea gudeadaah;

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraaseedeesh! Nea gwanda badaydaanyi siida siguura Doobiiwnata ea Huumwa, ak niny aba doobiiwnata goorgweaksa nea gwasin ng'ucheeda.

Giidaheechta 20:2

Ak ghoang'waay ichibooda was ichiboodida bea garayiin was meang'nyeandeenda ea Shataani, ak ghwarada gweanyeew sagalama,

Giidaheechta 21:1

Hean ghaadaayi humng'eeda eesh ea ng'eanyiida eesh; aba gideaba humng'eeda madeeda ea ng'eanyiida madeeda goola ghang'ata, ak basooda ea mudugwanda.

Giidaheechta 21:5

Ng'ata gwayi siidida apteada aba badayda hoorgeeda gheambalmeedean, “Ng'ula, gaydanung' gaweeriidi haleanjeeda sean.” Ak gwayi gicha, “Ng'oara ng'asheesu, aba gideaba ng'asheesu doobiiwnata gil ak ea huumwa.”

Giidaheechta 4:2

Deagheata geandi jeeda Guroorooda, hean ghamiinaada hoorgeeda gheambalmeeda aba humng'eeda, nea goopteada siida aba uhuudeaba hoorgeedida bea gheambalmeedean!

Giidaheechta 6:14

hean geenung' ghwaroat humng'eeda ea gawuurji gitaabooda simughut, nea giliwas giija ea ng'eanyiida neaweesa beega gajeanung' ghang'amwa heeda mida.