Giidaheechta 2:14 - Bibliyeeda Ghaydit

¹⁴ Ak geandeawi ng'asheesu ng'ay aba badaydaang'u: gideaba gindeawi fiisu ng'ay aba hoowa aat geeshta giinealshooda Balaamu, niny ghayi ghoanaal Balaki ak gwaruusa orjooga Israeli ak ghwanung' ghwaak hamichoojiga siyaat lukghumajeega siitaw sanaamu ea biissa mealuuleega.

NEAJEEDA EESH BEA BUUNEESSEAN

¹⁴ Ak geandeawi ng'asheesu ng'ay appadaydaang'u: gideaba gindeawi fiisu ng'ay aba hoowa aat geeshta ginealshooda Balaamu, niny ghayi ghoanaal Balakki ak gwaruusa balloojiga Israeeli ak ghwanung' ghwaak hamichchoojiga siyaat lukghumajeega siittaw haleanjeeda mawosa Aseetta ea biissa mealuleega.

Giidaheechta 2:14 Mawu Ofanana

ISAYA 57:14

Ak gaygwayi niny, “Adeasa, adeasa, asina naweeda, ageanda haleanjeeda jea gwaruusa fih aba jeeda naweeda fugeasu.”

YEREMIYA 6:21

Asi nih gidarugu NG'UTAMIIDA: ‘Ng'ula, gaydawiilsa madeedeaba fiisu gida ruusa fih jea ghwaruus; nea gaygwaruusa ghweaniga ea diibiga, eara giischeewda ea fuga rooroochi gaygoosha.’”

ESEKIELI 3:20

Ak gicha siida doabiiwaat iinung'waada doobiiwnataanyi, ak gwasin ng'asheega munyas ak gearuusay siisi abeeda gayghami. Aba gideaba mii eamiin gheang'da, gayghami aba riing'eadaanyi ak sinaweagaaschi bea doobiiwnata ea mwajeapkaat. Nea foojeandaanyi gaydang'alnyi.

ESEKIELI 44:12

Aba gideaba gagadiiyeesa saawa aba madeeda sanaamajeega nyaawa, ak ghoah rusooda ng'asheega munyas aba heeda fuga Israeli. Asi neagatgachi geatindeanyu dalas saawa, gwarugu NG'UTAMIIDA was ASEETA, ak saawa gayghwasar giidiinyeanyeeka nyaawa.

IITOODA 24:14

Asi ghamneawa, ng'ula, aniini geawi heeda buuneedeanyu; asaha, gaydagu iita ng'asheega jea gwasima fiisu fugaagu eaweeda huuydean.”

IITOODA 31:16

Ng'ula, suh gea nung' goodiiy fuga Israeli, aba girgweageeda Balaamu, ak ghwanung' gwasissa riing'eeda NG'UTAMIIDA aba ng'asheanji bea Beoriin, bwak ea ghwanyas buuneeda geeyooda muy was fuga bwatgeat bea NG'UTAMIIDA.

IITOODA 31:8

Ak geabwar sugoodiga Midiyani sea fih suuk sibaruuday saawa; Efi, ea Rekemu, ea Suri, ea Huri, ea Reba, was sugoodi muut bea Midiyani; ak ghabwar eara Balaamu orjeeda Beori aba ng'uta.

Mattayo 18:7

“Eamuy daang'u ng'eanyiida aba simsimda eatu riing'eeda! Aba gideaba simsimda gammiisa hinnooda, abeeda eamuy dea siida jea ghwanung' ghwahidu simsimda!

Gadiyeeda Giijasoodiga 15:29

nea gideaba anung'waada hamichoojiga sighadoawana sanaamu ea foojeanda adoayaaji banyeega gidasiing'waay ghuuta ea hiseadayeanduumeeda. Abeeda iyooheeleewi geat haleanjeeni abeeda ghoatoabiiwji. Eebea seayu.”

Gadiyeeda Giijasoodiga 21:25

Ng'asheega badaydeaba fugiga was Eemoojigean nimwasiin, goola eeng'oorsiina barawajeanda gideaba adaghwaak gili wassean sibwara heelga aseecheeka ng'uyeega, ea gideaba adeali foojeanda, adeayaak banyeega diyeayda wassean siing'waay ghuuta, ak geepuut hiseadayeanduumeeda.”

Ruumi 11:9

Ak gabiissa gwayi Dawdi, “Measajeega nyaawa gagasa ghoah ghealooda gheata ea ghaseeda, ak ea gadageeda jea ghwaak gil mureandooda aba heanyaawa;

Ruumi 14:13

Asi adagudu eergweakiisiina geat, ak ghang'wana siida ea masina gichea ghabwaay ghana gwaruusa orjeeda geanyaawa.

Ruumi 14:21

ghang'wana ea mwaaga siida banyeega ghana ghwali difaayeeda ghana gwasin ng'asheanda wassean jea ghabwaay orjeeda giyeang'wa.

Ruumi 9:32

Nea gweaguuni? Gweagu gideaba mwaada geeshta aba masaweega, ghaghus naweedida bea gissin saawaan. Nea gagul lagheaneedida beanya fihiin,

1 Goriinto 1:23

amaduuku aseasa geerukwiidi Gristoyda ghayi singoor, aba heeda fuga Yahudi gwaruusa fih nea aba heeda fuga Eemoojiga ea leendeeda gil,

1 Goriinto 7:2

Iidu aba simsimda ea ng'asheega mealuuleega, gilinyoo ea ng'eedeeda gil gagasa gwandeawa gatmoadaanyi, nea giliwas gatmu gagasa gwandeawa siyeadaanyi.

Ebraniya 13:4

Geeshooda dasisiina mureeda buuneesean, nea eara bulaliida gagasa ea mandeawana ririnnyeanda; aba gideaba ASEETA gaygoorgweaksa fuga munyas ea gea mealuuli.

YOSHUWA 24:9

Hean ghang'eat Balaki was orjeeda Sipori, was sugoocheanda Moabu, ak gang'uchi sea fuga Israeli; ak goojeakta buuneeda eeguursa Balaamu was orjeeda Beori ghwahidu ghamwaashtaneegwa,

1 Betro 2:8

nea “Lagheaneeda jea gwaruusa buuneeda, lagheaneeda jea ghwanung' goobeedeayi”; ak goobeedeayi aba gideaba masisiina mureeda ng'asheanda, was gissinung' gaweay gwasin.

2 Betro 2:15

Gwanung'usa heeda naweeda doabiiwaat, ak gwarooda; ak ghwaat naweeda Balaamu was orjeeda Beori, ghayi bwariiy nyasooda gidageatinda muy aba naweeda mwadoabiiwa,

Yuuda 1:11

Dashageada saawa! Aba gideaba ghwaat geeshta naweeda Gayni, ak ghwanung'waada geat ghwanyas ng'asheega munyas bea Balaamu, ak goosha aba gidaghayi heawaata Gora.

Giidaheechta 2:20

Ak geandeawi ng'ashaan aba badaydaang'u, bea gideaba ang'iing'i gimilikghti gatmoodida siguura Yesebeliin, guura geaw sibaneeda ak ghoareat soomjoogeasu ak ghoanaal mealuuleega nea ghwaak haleanjeeda siyaat lukghumajeega siitaw gidamawoosa ASEETEAN.

Giidaheechta 2:4

Ak geandeawi ng'ashaan aba badaydaang'u, bea gideaba ninung'wi heeda bariinyeagaagu bea mwadi.

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Giidaheechta 22:15

Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.