Giidaheechta 19:9 - Bibliyeeda Ghaydit

⁹ Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”

NEAJEEDA EESH BEA BUUNEESSEAN

⁹ Hean gwayeeshshean malaykajeanda, “Ng'waara ng'asheesu: Ghang'wana fukka suguursa hamitta geshshooda Dayeenda Gisilleandean.” Ak gwayeeshshinean, “Suu ng'asheega huumwa bea Aseetta.”

Giidaheechta 19:9 Mawu Ofanana

ISAYA 8:1

Hean gwayeeshiinean NG'UTAMIIDA, “Geani beehiida haw ak ging'oorsi badaydaanyi aba galaamu ng'asheesu, ‘Gaba Maher-shalal-hashbasi.’”

HABAKUKI 2:2

Ak gwayeeshiinean NG'UTAMIIDA: “Ng'oara gisiihiimu; nea giidaajiidi aba badahuuka lagheanga, ak ghoamu ghoasoamwa siida fwach.

Lukka 22:16

aba gideaba geayeeshiineegwa, maygutaak ea eahiit aba jeeda sugoocheanduumeeda ASEETA.”

1 Dimotteo 1:15

Ng'asheanji huumwa gil, ak gammiisa masooda muuchi gideaba Gristo Yesu ghwahidu muunda ng'eanyiida gwalealu fuga riing'eega, ak siida madeeda aba jeedeaba fiisu ea aniini.

1 Dimotteo 4:9

Ng'asheanji huumwa gil ak gammiisa gideaba gajeamwas.

2 Dimoteo 2:11

Ng'asheanji gammiisa masaweega. Gideaba Aba gideaba iisimeewuday sea niny gajeepiidana sea niny.

Ditto 3:8

Ng'asheanji earguun huumwa gil. Ak geagasayi rukuta ng'asheesu nea giimajeegi, aba gideaba fugiga mwas ASEETEAN goobiida jeeda sinooda ng'asheega miyaas; nea suh ea miyaasiin nea ghwadoabiiw aba heeda buuneeda.

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

Giidaheechta 1:19

Asi ng'oara haleanjeeni idaahiin, ea gea ghamneawa mida, ea gea iidu jea gabassa iing'ata suh.

Giidaheechta 10:4

Ng'ata nyeashteaba giighweendanyeekiga asispwaan, abeeda ea neagasayi dang'waar, hean ghaayiinyi ghuuta leabu humng'eeda nea gwayi, “Aroora ng'asheesu rugu giighweendanyeekiga asispwaan, ak ea ading'waari.”

Giidaheechta 14:13

Hean ghaayiinyi ghuuta nyaasha humng'eeda nea gwayi, “Ng'oara ng'asheesu: Ghang'wana siida meah ghamneawa meewsa heeda Ng'utamiida.” “Ghang'wana huumwa,” gwayi Guroorooda, “ak gafuuf iing'ata gadiyeeda nyaawa, aba gideaba sinaweega nyaawa ghwaat geeshta!”

Giidaheechta 17:1

Hean ghwahidu malaykajeanjagi bea jeedeaba giika asispwa mideawa gweeraji ispwaan ak gwayeeshiinean, “Beeni, gaydaahiimneey girgweaksiinda hiseadayda haw abiita badayda beega saang'aan,

Giidaheechta 17:17

aba gideaba ASEETA niyiin gurooruunatka nyaawa ak ghwasareanda gidagasiida nea gaba fughareanagi ak ghoadaw diyeaydida uurda sugoocheanduumeeda nyaawa, ea gwasa ng'asheega ASEETA.

Giidaheechta 2:1

“Heeda malaykajeanda ganiiseeda Efeso ng'oara, ‘Ng'asheega ninyeeda mideawa miinga asispwa aba geatindaanyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.

Giidaheechta 2:12

“Heeda malaykajeanda ganiiseeda Bergamo ng'oara: ‘Suh ng'asheega dea mideawa ng'uta ng'aniip meadajeega duwaawi.

Giidaheechta 2:18

“Heeda malaykajeanda ganiiseeda Diyatira ng'oara: ‘Ng'asheega Orjeeda ASEETA, bea gheanyanga oar ng'ushapta beasta, ak geeshangaaschi gawuurji lagheaneeda mur sisiy muuchi.

Giidaheechta 2:8

“Heeda malaykajeanda ganiiseeda Smirna ng'oara, ‘Ng'asheega madeeda ea dea huuydean, was dea ghayi meah ak gabiikta gamajeegiit.

Giidaheechta 21:5

Ng'ata gwayi siidida apteada aba badayda hoorgeeda gheambalmeedean, “Ng'ula, gaydanung' gaweeriidi haleanjeeda sean.” Ak gwayi gicha, “Ng'oara ng'asheesu, aba gideaba ng'asheesu doobiiwnata gil ak ea huumwa.”

Giidaheechta 22:6

Hean gwayeeshiinean, “Ng'asheesu ghwadoabiiw ak ea huumwa gil. Nea Ng'utamiida, was ASEETA bea gurooruunatka sibanga, abeeda gaygoojeagu malaykajeandaanyi goohiimsa soomjoagaaschi ng'asheega jea gabean ghwahidu.

Giidaheechta 3:1

“Heeda malaykajeanda ganiiseeda Sardi ng'oara: ‘Suh ng'asheega ninyeeda mideawa gurooruunat ispwa bea ASEETA ea miinga asispwaan gil. “‘Ghaanali gadiyoojigaagu; gideaba gindeawi gheawunga majeeknata, nea nimeawi.

Giidaheechta 3:14

“Heeda malaykajeanda ganiiseeda Laodikiya ng'oara: ‘Ng'asheega siida was Amin, was siida doabiiwaat was muushoocheanda huumwa, was giing'eeta haleanjeeda sean sin ASEETA.

Giidaheechta 3:20

Ng'ula, ghaamiinaadi aba gidaghuuta nea geagulguli; siida jea ghwayiiy ghuuteanyu ak ghwajaat gidaghuuta gaydoan headaanyi ak geambuucheewi, nea eara niny goombuucheewean.

Giidaheechta 3:7

“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.