Giidaheechta 19:4 - Bibliyeeda Ghaydit

⁴ Nea gweargiga atiktam ea ang'waniin sea diyeangiga asang'wan majeekcheewiin goobeedeayi ak ghoaghadoawan ASEETA apteada aba badayda hoorgeeda gheambalmeeda nea gwayi, “Amin. Haleluya!”

NEAJEEDA EESH BEA BUUNEESSEAN

⁴ Nea gweargiga at diktam ea ang'waniin sea diyeangiga assang'wan majeekcheewiin goobeedeayi ak ghoaghadoawan Aseetta apteada appadayda hoorgeeda gheambalmeeda nea gwayi, “Amin. Haleluuya!”

Giidaheechta 19:4 Mawu Ofanana

1 DAMANYOOJIGA 16:36

Deaghaambiida NG'UTAMIIDA, was ASEETA Israeli, Ghang'eada damanda manda muudeanooda!” Ea ghwahita damanda manda muudeanooda. Ak gwayi buuneesean, “Amin!” Ak ghoaghaambiit NG'UTAMIIDA.

NEHEMIYA 5:13

Ak ghaalalakti hang'deanyu nea geayeenyi, “Gagasa ghwalalakta ASEETA gili was sih aba gheanyi aba gadiyeeda nyaawa was gea masina heeleesiini. Asi gagasa ealalaktaaydunu ak ea mandeawana gil.” Ak gwayi fuga sean bwat geat, “Amin” ak geakghambiit NG'UTAMIIDA. Ak gwasinda buuneeda gidaheeleata.

NEHEMIYA 8:6

Ak ghoaghaambiit Esra NG'UTAMIIDA was ASEETA haw; ak ghwasha buuneeda nea gwayi, “Amin, Amin,” nea ghamiinda geatinga nyaawa; nea gabuy iheenga nyaawa ak ghabwat NG'UTAMIIDA nea gakula gheamamuunatka nyaawa ng'eanyi.

NYIIGHEEGA 104:35

Fuga riing'eega gagasa ealas uhuuda aba jeeda ng'eanyiida nea fuga sina ng'asheega munyas gidabal ea mudugwanda earahay! Ea gurooroodeanyu, badiischeesiina NG'UTAMIIDA! Badiischeesiina NG'UTAMIIDA.

NYIIGHEEGA 106:48

Asi deakghaambiida NG'UTAMIIDA, was ASEETA Israeli, ghang'eada damanda manda muudeanooda ea ghwahita damanda manda muudeanooda! Ak ea dayi buuneesean, “Amin!” Eakghaambiida NG'UTAMIIDA!

NYIIGHEEGA 41:13

Asi eakghaambiida NG'UTAMIIDA was ASEETA Israeli, eakghaambiida ghamneawa ea ghoah damanda manda muudeanooda! Amin! Amin!

NYIIGHEEGA 72:19

Gheawungaaschi ghaydit deakghaambiida damanda manda muudeanooda; ng'eanyiisean danyiida giigheambiitaanyi! Amina, Amina!

NYIIGHEEGA 89:52

Eakghaambiida NG'UTAMIIDA damanda manda muudeanooda Amin ea Amin.

YEREMIYA 28:6

ak gwayi Yeremiya, “Amin! Gagasa ghoadoabiiw NG'UTAMIIDA; gagasa ghwanung' NG'UTAMIIDA ghoah huumwa ng'asheega ramoorani, ak ghwanung' gabiikna Babeli dabita gheeda NG'UTAMIIDA sea fuga sean ghayi weay ghealooniga.

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

Mattayo 6:13

Adiigealeasa jeeda simsimda, ak giighuuhaneasa gidida muyiin.

1 Goriinto 14:16

Eara gwasa, ang'iing'i iibadiischeesi aba guroorooda, siidida uurji gilimida jaroodean gaygwayeendaan “Amina” iing'ata badiischeesiindaang'u iimwanala gidirgu?

Giidaheechta 15:7

Hean gageanu akaleala aba jeedeaba diyeangiga asang'wan majeekcheewiin ak ghoadaw malaykajeegiga asispwaan gweeraji ispwa sisna dahaabu nea ghwanyiit nyarasta ASEETA majeek ea ghoah damanda manda muudeanooda;

Giidaheechta 19:1

Ng'ata ng'asheesu ghaayiinyi ghuuta haw uurji dea eemeeda saang'a aba humng'eeda, nea gwayi, “Haleluya! Lealeanooda ea giigheambiita ea uurda gaba ASEETEANYA,

Giidaheechta 19:3

Geebiikta gicha eechuur nea geeyi, “Haleluya! Aroosta leabu heedeaba gatmoodida gwadiyeada ea ghoah damanda manda muudeanooda.”

Giidaheechta 19:6

Hean ghaayiinyi ghuuta uurji dea eemeetuw, ak ghwanyaashta ghuuta beega saang'a ak gabiissa ghwanyaashta dea giighweandandeeda haw nea gwayi, “Haleluya! Aba gideaba Ng'utamiida was ASEETEANYA Hoauur niimbaliischi.

Giidaheechta 5:14

Ak gwayi diyeangiga asang'wan majeekcheewiin, “Amin!” ak goobeedeayi gweargwa ak ghaghadoawan.