Giidaheechta 19:20 - Bibliyeeda Ghaydit

²⁰ Hean geang'waay diyeaydida, sea sibaneeda ng'uyeega ghayi sina gwadeagwajeega aba madeadaanyi, ak gwareengani fugiga ghayi niing'waay giirooraneedeaba diyeaydida ea fugiga ghadoawan gidasiratiida ninyiin. Hean geejaksa suh asiyeenyean jeeda basooda beasta nea majeekcheewi ak ghwaak beasta ea giikayda.

NEAJEEDA EESH BEA BUUNEESSEAN

²⁰ Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 19:20 Mawu Ofanana

GIING'EETA 19:24

Hean ghwanung' NG'UTAMIIDA ghwaroabwan roopta ea lagheanga beasta abina humng'eeda heeda NG'UTAMIIDA ak gwaroobassa Sodoma ea Gomora;

AYUBU 18:15

Jeedeaba gheanyi gaygoobiida fuga maba gheanyi, ak heeda abiita gajeesaksa rarayga.

NYIIGHEEGA 11:6

Ak gaygwaroobassa fuga munyas roopta rarayga yeat ea giikayda ea lagheaneeda ak ghwalas aba jeameeda ng'waan ghoah gisiitaw was gikoombeeyda nyaawa.

ISAYA 30:33

Aba gideaba heechea ea ghwardaawa sugoocheanda Ashuru goola eesin garayi; nea shoomanda gidahaw gil, ak aahaw jih ak beasta gwanda ea ghweenga aasaang'a, ak gayghaghuut NG'UTAMIIDA aba Giisiimeandaanyi uurji eenda gulda.

ISAYA 34:9

Ak eeniga Edomu gajeenung' ghwayamwa ghoah laami, nea sigeadaanyi ghwayamwa ghoah gharinga sisina beasta, nea ng'eanyiidaanyi ghoah laameeda yeat.

ESEKIELI 24:5

Geani banyeega miyaasiin bea gisilleanda iina ghweenga jeeda beasta, awaala banyeega ea geaka, Nea ginung' ghwaheas muuchi.

ESEKIELI 38:22

Ak gaydalas niny aba dawni, ea foojeanda, nea ghaanung' ghwaroabwan roopta guldeayda ea roopta lagheanga hees muuchi, ea beasta ea giikayda gwanda badaydaanyi ea lugoadaanyi ea fuga eemoojiga saang'a mideayi sea niny.

DANIELI 11:45

Ak gayghamiinaada maheemajeagaaschi hees bea sugoocheanduumeeda dageascheeda basooda ea giijeeda ghaambiidaat ghaydit; ak gayghami, nea manda siida jea ghaweat.

DANIELI 8:24

Niny uurdaanyi gajaahaw, ak gaygweadu nyariida jeeda ghoabeal buuneeda, ak gaygamnyeen aba gilinyoo gwasin, nea ghabwar fuga mideawa uurjeenga sea fuga ghaydidi.

DANIELI 8:26

Giirgweatka shing'aduutka ea gea sakteawuutka sirugu huumwa; asi nung' ghoah makcheameeda, aba gideaba gayghang'ata askwearjoojiga saang'a nea miighoah huumwa ng'asheesu.”

Mattayo 7:15

“Ashageada sibanga ng'uyyeega fuga iissa ghapka heedeang'wa nea niikwa eagweega gisilga, nea aba jih ea suuyeeka ng'weani.

GIIPKEATA DIIGHEANDA 29:23

ak ng'eanyiidaanyi sean gawuurji gilak beasta, ea balang'da, ea gamurjan, nea meehista, ak ea manda gilirina, ak gwanyarja, gawuurji gidaghayi sinyarjeawda Sodoma ea Gomora, Adama ea Seboimu, ghayi yam NG'UTAMIIDA aba nyarastaanyi

YOSHUWA 8:23

Ng'ata geang'waay sugoocheanda Ayi nea gudea majeek ak geeyeadu heeda Yoshuwa.

Giidaheechta 14:10

eara niny gayghwali difaayeeda nyarasta ASEETA, sisin nea meekuuyi gil aba jeeda gikoombeeyda nyarastaanyi, nea niny gajeesawan aba beasta ea giikayda aba madeeda malaykajeega ghaydidi, ea madeeda Dayeenda Gisilleanda.

Giidaheechta 17:12

Ak gujakiga atamanamughuush idaahiin ea sugoodiga atamanamughuush gil, was gea miighoang'waay uurda sugoocheanduumeeda, ak ea ninyas gheambalmeeda gawuurji sugoodiga aba aseadeanagi, sea diyeayda.

Giidaheechta 19:19

Hean ghaadaayi diyeayda ea sugoodiga ng'eanyiida ea shirikarajeega nyaawa nea ghabwat geat nea gagasa gang'uchi sea siidida apteada aba badayda faraasiin sea shirikareadaanyi.

Giidaheechta 20:10

ak geejaksa meang'nyeandida reengani saawaan jeeda basooda beasta ea giikayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoah damanda manda muudeanooda.

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Giidaheechta 22:15

Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.

Giidaheechta 9:17

Nea nih ea gididaakti faraasajeega gil aba gidasihiimnaan; fuga mida badahuuka gwadiiy igeambooda oar beasta nea ghabwada oomnata ea giikayda, nea iheenga faraasajeega gawuurji sea iheenga ng'anyeeka, ak gwarina ghuusiga nyaawa beasta ea aroosta ea giikayda.