Giidaheechta 19:16 - Bibliyeeda Ghaydit

¹⁶ Ak badayda hang'daanyi ea gibeestaanyi geeng'oorsa, gheawunga Sugoocheanda sugoodiga ea Ng'utamiida ng'utamoojiga.

NEAJEEDA EESH BEA BUUNEESSEAN

¹⁶ Ak badayda hang'daannyi ea gibeestaannyi geeng'oorsa, gheawunga Sugoochcheanda sugoodiga ea Ng'uttamiida ng'uttamoojiga.

Giidaheechta 19:16 Mawu Ofanana

NYIIGHEEGA 136:3

Abadiischeesiina Ng'utamiida ng'utamoojiga, aba gideaba bariinyeagaaschi manda muudeanooda;

NYIIGHEEGA 72:11

Asi datkunya sugoodiga sean aba madeadaanyi, ak ea dagadiyeesiina eemoojiga sean niny.

NYIIGHEEGA 89:27

Ak gaydanung' ghoah duweacheedeanyu, ak goobiida humng'eeda sheagi muuchi ea ghoadaraam sugoodiga ng'eanyiida.

DANIELI 2:47

Ak gwayeesha sugoocheanda Danieli, “Aba huumwa, ASEATAANG'U ASEETA aseecheeka gil ea Ng'utamiida sugoodiga, ak goohiimu ng'asheega funyeadi, aba gideaba niimuusi ahiimni ng'asheanji funyaadiin.”

Mattayo 25:40

Ghwasha Sugoocheanda nea gwayeesha, ‘Aba huumwa gaydayeeshiineegwa, gili wassean noosisi siyagi aba jeedeaba orjusu bea giyeanya manang'iin goosinnean aniini.’

GIIPKEATA DIIGHEANDA 10:17

Aba gideaba NG'UTAMIIDA was ASEATAANG'U niny ASEETA aseecheeka gil ea NG'UTAMIIDA ng'utamoojiga, haw uur, ASEETA jea eawala gheang'da, mashiita buuneeda ak ea mwoamu easaaw.

1 Dimotteo 6:15

Aba gideaba iihita damandaanyi gay ghwadaajiinyi ASEETA niny geekghaambiit ak goombaliischi nea gabwageaw sugoocheanda sugoodiga Ng'utamiida ng'utamoojiga,

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 2:17

Gilinyoo googar iita, dayiinya ng'asheanji rukusa Guroorooda ganiisajeegean. Nea siida jooriischi gaydaadaw hamita siguura maana ghayi sifuy ak gaydaadaw lagheaneedeesh, ak badaydeaba lagheaneani geeng'oorsa gheawunga eashish, mwanala sih geaghus siidida ang'waayiin.’