Giidaheechta 19:10 - Bibliyeeda Ghaydit

¹⁰ Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

NEAJEEDA EESH BEA BUUNEESSEAN

¹⁰ Ak geabeedeaysi madeeda geeshangaaschi ak ghaaghadoowannyi niny hean gwayeeshshinean, “Adiiduw gisni ng'asheesu! Aniini geawoschi soomjeanda sea ang'iing'i sea fuga iduupcheewi mideawa muuwunooda Yeesu. Ghadoawana Aseetta.” Aba gideaba muuwunooda Yeesu gurorooda sibaneandumeeda.

Giidaheechta 19:10 Mawu Ofanana

2 SUGOODIGA 17:36

Geaghus aghadoawana NG'UTAMIIDA ghayi aruunaneegwa ng'eanyiida Misri aba uurda haw, ea geatinda mideawa uurda. Niny dea jea atkuysiina gil, nea ghoatawji lukghumeeda niny.

NYIIGHEEGA 45:11

Ak gayghabwariiy sugoocheanda leangaagu. Aba gideaba niny siidaang'u hawi, sisiina niny mureeda;

RITEAYDA 34:14

(ak ea maybwada aseeta nuut, aba gideaba NG'UTAMIIDA was gheawungaaschi shidoodeaba ghaang' niny ASEETA shit ghaang' gil),

DANIELI 2:46

Hean ghoabeada sugoocheanda was Nebukadinesa ak ghang'uda gheamamdaanyi ng'eanyi, ak gwasissa Danieli mureeda, ak gwarukuta gideaba gajeatayda haleanjeeda sisabwa geadi bea ghadooweeda ea geediga ng'andidi aba badaydaanyi.

DANIELI 7:10

Gwarina madeadaanyi eenda beasta; ak gagadiiyeesa fuga nyiit sagalamnyooji sagalama niny, ak ghamiinaada aba madeadaanyi fuga nyiit sagalamnyooji damanamughuush; ak ghang'eat ghuuta girgweageeda, ak geayaawaada gitaabwajeega.

Mattayo 4:10

Hean gwayeesha Yesu, “Ng'amwana hiji Shataani! aba gideaba geang'waar, ‘Ghadoawana Ng'utamiida was ASEATAANG'U ak gibwadi niny nea gaba geaw.’”

Marko 5:22

Iidu ghwahidu heeda siisi siguura Yayro siisi abeeda gaba fuga hees ahaaghwa ghooriida fuga Yahudi siinealshacheewa. Hita Siisi goobeedeaysa madeeda Yesu nea gwayeesha,

Marko 7:25

Abeeda gwanda Gatmooni mida jeebi itaanyi bea haweega beardooschi meang'nyeandeenda, nea ea ninyas iita Yesu, Ghwaan ama hidu goobeedeaysa madeadaanyi.

Lukka 1:19

Ghwasha Malaykajeanda nea gwayeesha, “Aniini geawooschi Gabrieleeda miinaada aba madeeda ASEETA, ak geecheaknean headaang'u deaneey Giijasi miyiin.

Lukka 24:44

Hean gwayeesha saawa, “Suh ng'asheegeasu ghayi earukuneegwa, damanda sindeaydooscheewi, ak abeeda ng'asheega aba badaydeanyu aba jeeda deaweedeeda Musa ea sibanga ea gitaabooda Nyiigheega gajeahiit.”

Yohaana 5:39

Agooga goosikiideawi ng'ooruutka nea ghoaghanyi gili aba jeenyaawa goondeawi eaweega manda muudeanooda; ak ea dea muuwu ng'asheega badaydeanyu;

Gadiyeeda Giijasoodiga 10:43

Ghayi niny gabean gamuuwu sibanga gideaba siida wassean nyooh ghamwas siisi gayghwanyas samsiinda riing'eagaaschi sean aba gheawungeaba siisi.”

Gadiyeeda Giijasoodiga 13:27

Aba gideaba fuga mida Yerusalemu ea fuga nyaawa ambaliischi, ak ea mwanala niny ghana gwajeeng'u ng'asheega sibanga siisoomwani aba giliwas sabaato, hean ghoahiit aba girgweaksiinda.

2 Goriinto 8:7

Ghamneawa iyoang'aldi aba haleanjeeda sean aba masaweega, ea rukunooda, ea fughareeda, aba jeeda gurooroosean, ea aba jeeda bariinyeegeagwa aba heedeanya, asikteawana gideaba ghoang'aldi aba gadiyeeni bea dagheerjeanduumeedean.

Efeeso 5:15

Ang'ula muuchi aba gidoabeadi, adoowuurjeewi fuga manda fughareenga, awuurjeewana gea mida fughareenga,

Efeeso 5:33

ak daba siisi bwariiyda gatmoadaanyi saseadaanyi, ak gatmooda ea dasisiina siyeadaanyi mureeda.

Filippi 3:3

Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

1 Desaloniikke 5:15

Ang'ula siida wassean adaghawaldaawa ng'asheanda muy dea muy, iissa ghoayaachi geeshta ng'asheanda miy galeagasean, agooga nea goobeayi geat ea biissa aba heeda buuneesean.

Ebraniya 1:14

Neada malaykajeega gadiiyi ghayi siicheagu gagadiiyeesa, aba badahuuka fuga jea ghwanyas lealeanoodean?

Ebraniya 12:25

Asi ang'ula adiidu ghoaheawi ninyeeda balool. Aba gideaba inyeeda saawa ea mamng'awa damanda heaweawa ninyeeda reekusa saawa aba jeeda ng'eanyiida, abeeda gajeemng'awdaan iisiheawi ninyeeda reekuseasa aba humng'eeda.

1 Yohaana 5:10

Siida mwas Orjeeda ASEETA gwandeawa muuwuunoadaanyi aba jeadaanyi. Nea dea mamwasa ASEETA ghwanung' gaba ng'uya, aba gideaba mamwasa muuwuunooda ASEETA aba badayda Orjeedaanyi.

1 Yohaana 5:21

Diibiga manang'i, afura geat aba haleanjeeda sinung' ghoah aseecheeka.

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

Giidaheechta 12:17

Hean gwanyareeksa ichibooda gatmoodida, ak ghang'eat gawa ghoang'eat ng'ucheeda sea jeata siipuut bea gatmoodean, sea fugiga ang'waay digheanyeeka ASEETA nea gamuuwu iita Yesuun. Ak ghamiinaada aba badayda iseaskweanda basooda.

Giidaheechta 14:7

ak gwayi aba ghuuta haw, “Oawala ASEETA nea ghoatawji niny giigheambiita, aba gideaba damanda girgweageadaanyi nihidu; aghadoawana niny deabwat humng'eeda ea ng'eanyiida, ea basooda ea gheanyanga eenda.”

Giidaheechta 15:4

Ng'eaha gil dea moawalnyi ak ghoaghaambiit gheawungaagu, Ea Ng'utamiida? Aba gideaba ang'iing'i guwoosi ghaydit nea gibwaageaw. Aba gideaba gayghapka eemoojiga sean ak ghaghadoawanyi, aba gideaba girgweageadaang'u siitaajiit.”

Giidaheechta 19:9

Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”

Giidaheechta 4:10

inyeessa gwearsu atiktam ea ang'waniin iissa goobeedeaysa madeeda siidida apteada aba uhuudeaba hoorgeedida bea gheambalmeedean ak ghaghadoawan ninyeeda majeek ea ghoah damanda manda muudeanooda; nea gwajaksa shiipka nyaawa madeeda hoorgeedida bea gheambalmeedean, nea gwasarman,