Giidaheechta 18:6 - Bibliyeeda Ghaydit

⁶ Oatawa siida gidagooneegwa niny, ak ghoatawji niny niba iyeenya aba sinaweagaaschi; Ookuuyeena nibiyeenya aba badaydeaba niny aba jeeda gikoombeeyda aguuyeesa niny.

NEAJEEDA EESH BEA BUUNEESSEAN

⁶ Oattawa siida gidagoneegwa niny, ak ghoattawji niny niba iyyeenya aba sinaweagaaschi; Okkuuyeena nibiyyeenya aba badaydeaba niny aba jeeda bayookta aguuyeesa niny.

Giidaheechta 18:6 Mawu Ofanana

NYIIGHEEGA 137:8

Ea hudeaba Babeli, ang'iing'eeda niriighu nyariidaang'u! Ghang'wana siidida jea gawaldeayneey ng'asheega isimaneasa!

NYIIGHEEGA 28:4

Adawa saawa aba giteena gadiyoojiga nyaawa, ea aba giteena gadiyoojiga nyaawa; adawa saawa gawuurji gidasin aba geatinga nyaawa; adawa gooteaschi giimearda nyaawa.

ISAYA 40:2

Oopaloola fuga Yerusalemu aba ng'eeninda, arukusiina aba ghuuta haw gideaba ng'ucheeda nyaawa niisha nea riing'eega nyaawa ea sisamsa aba gideaba NG'UTAMIIDA niyaaga saawa ghoorjooda nibiyeenya aba badayda riing'eagaaschi sean.

ISAYA 61:7

Hoorgeeda baspaseegeagwa gajanyasa nibiyeenya, nea gidasifooldaneegwa, gaygahoosan aba heanyaawa. Asi aba ng'eanyiida nyaawa gaygoombal nibiyeenya ak hooseaneega nyaawa gaygaba damanda manda muudeanooda.

YEREMIYA 16:18

Ak gaydawalda niba iyeenya ramaseanyeeka ea riing'eega nyaawa, aba gideaba ning'uda ririnnyeanda ng'eanyiideanyu aba muscheeka sanaamajeega nyaawa munyas, ak ea niinyiit hearaniischoodeanyu aba munyasnacheeka nyaawa.”

YEREMIYA 17:18

Gagasa eapwaaspwaas gea ghabwasan; nea adiidu ginung' eapwaaspwaasan; nung' gwanyik saawa, nea adiidu ginung' danyik; nung' ghwahidu heanyaawa eaweeda munyinda; huuyda saawa goosha nea ginung' ghang'at niba iyeenya giishealda nyaawa!

YEREMIYA 50:15

Ang'eatng'eada ak goochuursi niny aba meadajeega sean, aba gideaba nibur; gealgaaschi niibeedeayi, ghamardaanyi sinyarjeaweada. Aba gideaba nih mureandooda NG'UTAMIIDA gil; awalda mureandooda, asimana niny gidasimaneegwa.

YEREMIYA 50:29

“Aguursiina fuga jakiida geatka ang'ucheewana Babeli ayaada buuneesean nal gwaradu ghuweang'da. Aneaweesiina mujiini; adaghawapta eara siyagi. Awalda mureandooda aba giteena giidiinyeanyeekaaschi; asimana gidasima buuneeda suurja aba gideaba nisin ghwarjeeda aba badayda NG'UTAMIIDA, was dea asagi Ghaydit bea Israeli.

YEREMIYA 51:24

“Ak gaydaadaw Babeli ea fuga sean bea Galdayo nea goong'ulayi agooga aba gheanyangeagwa aba badayda munyasnacheeka sean ghayi sin aba Sayuni, gwarugu NG'UTAMIIDA.

YEREMIYA 51:49

Babeli gajeabwaay aba bayiiga Israeli, gawuurji gida abeadaayda Babeli aba bayiiga muunda ng'eanyiisean.

HEAREEGA 3:64

“Gaylasa saawa, Ea NG'UTAMIIDA, aba giduurji gadiyeeda geatinga nyaawa.

SAKARIYA 9:12

Abiiksiina museasoodeang'wa ea fuga ghealooniga mideawa rariida, ak eara ghamneawa geayeenyi gaydanung' amiyeasiita nibiyeenya.

2 Dimoteo 4:14

Iskanda diita was gidang'oocheandean nisinnean ng'asheega munyas saang'a gayghawalda Ng'utamiida gawuurji gidasinda niny.

Giidaheechta 13:10

Siida wassean iijea gawa ghealooniga, gaygawa ghealooniga; siida wassean iilach gheateaba niirja aba ng'uta, eara niny gajealach gheata aba ng'uta. Nih heeda mida giihang'ooyda ea doobiiwnata fuga ghaydidi.

Giidaheechta 14:10

eara niny gayghwali difaayeeda nyarasta ASEETA, sisin nea meekuuyi gil aba jeeda gikoombeeyda nyarastaanyi, nea niny gajeesawan aba beasta ea giikayda aba madeeda malaykajeega ghaydidi, ea madeeda Dayeenda Gisilleanda.

Giidaheechta 16:19

Hean gwaheeli mujiineedida hawiin niba samwagu, ak ghoabeada mujiinajeega eemoojiga, ak ghoapkaat ASEETA Babeleedida hawiin, ak geataw gweeriida difaayeeda nyarastaanyi.

Giidaheechta 17:2

nea nihiseada sea sugoodiga badayda ng'eanyiida, ak gea mida badayda ng'eanyiida ea niboogit aba difaayeeda hiseadayeanduumeadaanyi.”

Giidaheechta 17:4

Ak gatmoodida ea niikwa hang'da oomu ea dea areara, nea siitaamdaamwa dahaabu ea gea haw sheayeat ea sageeka, ak gwanda geatindaanyi gikoombeeyda mida dahaabu biissa ghwanyiit ng'asheega munyas ea ririnnyeanda hiseadayeanduumeadaanyi;

Giidaheechta 18:20

Ahoosana aba badaydaanyi, Ea humng'eeda, Ea fuga ghaydidi ea giijasoodiga ea sibanga, aba gideaba ASEETA nigooneegwa girgweaksiinda aba badaydaanyi!”