Giidaheechta 18:20 - Bibliyeeda Ghaydit

²⁰ Ahoosana aba badaydaanyi, Ea humng'eeda, Ea fuga ghaydidi ea giijasoodiga ea sibanga, aba gideaba ASEETA nigooneegwa girgweaksiinda aba badaydaanyi!”

NEAJEEDA EESH BEA BUUNEESSEAN

²⁰ Ahoosana appadaydaannyi, Ea humng'eeda, Ea fuga ghaydidi ea giijasoodiga ea sibanga, aba gideaba Aseetta nugoneegwa girgweaksiinda appadaydaannyi!”

Giidaheechta 18:20 Mawu Ofanana

NYIIGHEEGA 107:42

Nea fuga miyaasiin gurooruunat gayghwadaah ak gahoosan; aba giliwas munyinda gaygwadukuta ghuutaanyi.

NYIIGHEEGA 109:28

Saawa gamooriida, nea ang'iing'i gibadiischeesi! Saawa gaweay ak geapwaaspwaas; nea siidaang'u bea gadiyeeda gaygahoosan!

NYIIGHEEGA 18:47

niny dea nung' daamu dawalda mureandooda gil ak ghwajoar eemoojiga ak ghwayiin hing'eadaydeanyu;

NYIIGHEEGA 48:11

asi dahoosana giijeeda Sayuni! nea dang'weela haweega Yuda aba badayda girgweageadaang'u!

NYIIGHEEGA 58:10

Siida doabiiwaat gaygahoosan iidaah nea geawalda mureandooda aba heeda fuga munyas; gaygoohuun geeshangaaschi aba jeeda foojeanda fuga munyas.

NYIIGHEEGA 94:1

Ea NG'UTAMIIDA, guwoosi ASEETA waliida mureandooda, guwoosi ASEETA waliida mureandooda, aboong'ni!

GHWASIILDEANGA 11:10

Iinyagaada fuga doobiiweadi gahoosan mujiini, ama silas uhuuda fuga munyas gahoosan buuneeda.

ISAYA 26:21

Aba gideaba, ng'ula, NG'UTAMIIDA ghwahidu nea gwaleabu humng'eeda heeda abiita, ghwahidu ghwalas uhuuda fuga badayda ng'eanyiida aba riing'eega nyaawa, ak ng'eanyiida ea maygut ghafuy fuga ghayi sibwar, ak gayghoahiimu foojeanyeeka sean ghayi sibwar.

ISAYA 44:23

Asarmana aba hooseaneega agooga humng'eeda, aba nih sin NG'UTAMIIDEAN; oochuura aba ghuuta haw ea ghooroong'ajeega badayda ng'eanyiida; asarmana aba hooseaneega ea giijeega, ea dimda ea gilinyoo ea geeta gil mida jeedida! Asarmana aba gideaba NG'UTAMIIDA nilealu eemeeda Yakobo, ak gajeakghaambiit aba jeeda ng'eanyiida Israeli.

ISAYA 49:13

Asarmana aba hooseaneega, Ea humng'eeda, ng'weela, Ea ng'eanyiida; Oochuura aba sarmeeda Ea giijeega, aba gideaba NG'UTAMIIDA ninung' ghahawda fugaaschi, nea ghabwayda fugaaschi ghayi sisawan.

SEFANIYA 3:15

NG'UTAMIIDA nigeanda girgweaguutka aba badaydaang'u, ak gwajaksa jarooda weajoodigaagu. Sugoocheanda Israeli, NG'UTAMIIDA gwanda bugusteang'wa; maygudu awala gidamuy.

Efeeso 2:20

sideeksa badayda sindeeta ghayi bea giijasoodiga ea sibanga, ak Gristo niny ea lagheaneeda haw washiini,

Efeeso 3:5

ak ea meanung' ghwanal orjooga buuneeda aba seaygoojiga suurja gawuurji gidaghamneawa siitaheachsiinda giijasoodigaaschi ghaydidi ea sibanga aba naweeda Guroorooda;

Efeeso 4:11

Hean gageanu mwaatkwa ghoah giijasoodiga, nea mwaatkwa ghoah sibanga, nea mwaatkwa ghoah fuga jea gwarukwiida giijaasta miy, mwaatkwa ghoah haghweadoodiga ea giinealshoodiga,

GIIPKEATA DIIGHEANDA 32:42

Geatkeasu gayghoabitpina foojeanda nyaawa, nea ghwaak ng'uteanyu banyeega, sea foojeanda fuga sinuus ea fuga ng'uta, aba iheenga fuga hees bea weajoodiga.’

2 Betro 3:2

ak ghoapkaachi ng'asheega ghayi rugu sibanga ghaydidi ea diigheandida bea Ng'utamiida ea lealnoocheanda aba naweeda giijasoodigeagwa.

Yuuda 1:17

Asi agooga fugeasu aabwariinyi, oapkaada, ng'asheega ghayi bay gwarugu giijasoodiga Ng'utamiideanya was Yesu Gristo;

Giidaheechta 12:12

Asi ang'weela, Ea humng'eeda, ea agoogeeni oondi jeedean! Asi agooga ashageada, Ea ng'eanyiida ea basooda, aba gideaba meang'nyeandeenda nirarang'aan ghwahidu heedeang'wa nea gaba nyarasta haw aba gideaba ghwanal gwandeawa gheadi nuwaas!”

Giidaheechta 18:6

Oatawa siida gidagooneegwa niny, ak ghoatawji niny niba iyeenya aba sinaweagaaschi; Ookuuyeena nibiyeenya aba badaydeaba niny aba jeeda gikoombeeyda aguuyeesa niny.

Giidaheechta 6:10

goojuur aba ghuuta haw nea geeyi, “Ea Ng'utamiida ambaliischi, ghaydit bea huumwa, gajeeyi bwak ea ghoah eeju nea mii argweaksiina ak giwaldi foojeandeanya aba badahuuka fuga mida badayda ng'eanyiida?”

FUGA LAJA GIRGWEAGUUTKA 5:31

“Gagasa goosha weajoodigaagu sean, Ea NG'UTAMIIDA! Nea gea bwariinyi gagasa gawuurji gida arearriideayda aseeta aba uurdaanyi.” Hean gafuuf ng'eanyiida gweanyeew haradam.