Giidaheechta 18:15 - Bibliyeeda Ghaydit

¹⁵ Ak fuga ageakshachi aba haleanjeeni, ghayi nyasa meanang'oocheanduumeeda headaanyi, gayghamiinaada nea sheagi, aba muuwda sawanadeadaanyi, hean gooyeawda nea gagutu heareega aba ghuuta haw,

NEAJEEDA EESH BEA BUUNEESSEAN

¹⁵ Ak fuga ageakshachchi aba haleanjeeni, ghayi nyasa meanang'oochcheanduumeeda headaannyi, gayghamiinaada nea sheagi, aba muuwda sawanadeadaannyi, hean gooyeawda nea gaguuttu heareega aba ghuutta haw,

Giidaheechta 18:15 Mawu Ofanana

ESEKIELI 27:31

Nea saawa gaygwahinda geat gili mideawa mearuumeeda aba badaydaang'u, nea gwarasa mananuunatka nyaawa hang'weaka guniyajeega, ak gaygooyeawuseey aba sawanadeeda aba guroorooda, aba giinyahuushooda sawanadeeda.

SAKARIYA 11:5

fugiga shaah gisilgean gwanuuseada, ak gaweay nea meabwara, ak gwahinda geat gili mandeawana giidiinyeanda, ak gwayi fugiga shaaydaan, ‘Eakghaambiida NG'UTAMIIDA, aba gideaba neabaruurji’; ak eara jeagiischoodiga ea mabwayda saawa.

Marko 11:17

Hit gabiissa ghoanaal buuneeda nea gwayeesha, “Ghayi ASEETA gwayi aba jeeda ng'ooruutkaaschi, ‘Gheawi iteanyuun gayghoah heechea gabateewean eemoojiga sean’. Ak ghoanung' ghoah gwaleeda jea gafunya geat mareanghooga!”

Gadiyeeda Giijasoodiga 16:19

Daah meanang'oodigiga bea hudideaniin ng'asheanji ea gideaba naweedida eawoojisu nyassa meanang'oocheanduumeedean biissa mudugwanda, hean geang'waay Bawlo ea Sila ak geengiir ea eehita jeeda naada was madeeda fuga hees ambaliischi;

Giidaheechta 18:12

haleanjeeda sisna dahaabu, ea lapiya, ea lagheanga hees sheayeat ea sageeka, ea hang'weaka miyaasiin bumbuni, gea oomng'i ea gea buudeega ea gea areeri, ea geeta hideeda, ea gilinyoo ea dabicheanda sisna gujaweeda gil, ea gilinyoo ea dabicheanda geeta haw sheayeat gil, ea dea gharinyeanda areara, ea gharinyeanda ea lagheanga siguura marumaru,

Giidaheechta 18:13

ea geeta ng'andit siguura mdalasiini, ea geediga ng'andidi siyiina jeeda nyeanyiida, ea hideeda ng'andit, ea nagheeda ng'andit, hideeda ng'andit bea duumbeecheanda, ea difaayi, ea nagheeda, ea dearanga miyaasiin bea ngaano, ea dugwa ea gisilga, ea faraasajeega, ea mutukwajeega, ea giing'oonyanga, nea gurooruunatka buuneeda.

Giidaheechta 18:14

“Haghweega bwariiy jeadaang'u ninung'useey heeda, ea hamichoojigaagu ibwariinyi ea haleanjeeda miyeenooda nirooda aba headaang'u, ak ea maygudu eebiikta gicha eanyas!”

Giidaheechta 18:19

Hean gwajaksa iheenga nyaawa birjeanda, ak gooyeawda nea gagiisan, hean gooyeawda nea gwayi, “Dashageada, dashageada, mujiineedida hawiin nea gea mideawa maleambajeega hees aba jeeda basooda ghwanyas baruureega aba meanang'oocheanduumeadaanyi! Ak aba jeemba aseadeanagi ea sijakta.

Giidaheechta 18:3

aba gideaba eemoojiga sean nili difaayeeda ng'asheagaaschi munyas gaseadayi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oocheanduumeeda aba uurda hiseadayeanduumeadaanyi.”