Giidaheechta 18:11 - Bibliyeeda Ghaydit

¹¹ Ak fuga ageakshachi bea ng'eanyiida gaygooyeawda nea gagutu heareega aba badaydaanyi aba gideaba manda siida jea gutghwasha haleanjeeda nyaawa,

NEAJEEDA EESH BEA BUUNEESSEAN

¹¹ Ak fuga ageakshachi bea ng'eanyiida gaygooyeawda nea gaguut heareega appadaydaannyi aba gideaba manda siida jea gutghwasha haleanjeannyaawa,

Giidaheechta 18:11 Mawu Ofanana

GHWASIILDEANGA 3:14

Aba gideaba weaghuumeeda ghang'al lapiya, ak nyageadaydaanyi ghang'al dahaabooda miyaas.

ISAYA 13:19

Ak Babeli ea giigheambiita sugoocheanduumeeda, ea leanga ea weashweashta fuga Galdayo gajeanung' gawuurji gidaghayi lasta ASEETA ng'eanyiida Sodoma ea Gomora.

ISAYA 47:15

Ak ng'asheesu ea gichea gawuurji gil ibatiidunu, ghayi ideawiisi ghang'eada gheareemaneanduumeadaang'u; gaygaba nih neaydooschi nea ghwaat naweadaanyi, ak ea manda eara akaleala dea jea ghoamu ghaweanyi.

ESEKIELI 27:9

Gweargwa Gebali ea gearnoodiga nyaawa, abeeda gwachi gwanda headaang'u nea gwadukuta seawuutkaagu. Fuga manmani maleambooda, ghayi sigu headaang'u, googeakshi sea ang'iing'i.

SEFANIYA 1:11

Asi ooyeawda, Ea fuga abiita Makteshi! Aba gideaba fuga ageakshachi sean niisha; nea fuga sean adeeni lapiya sihuuyda.

SEFANIYA 1:18

Eara lapiyeeda nyaawa ghana dahaabu mayghoamu ghaweat saawa eaweeda nyarasta NG'UTAMIIDA. Aba beasta nyarastaanyi shissa ghaang', ng'eanyiisean gaygoosha aba beasta; ea ng'weaninda nyarastaanyi ak gaygahuuyda buuneesean mida badayda ng'eanyiida.

Mattayo 22:5

Ghanyea maduupa, ghang'eatng'eat gaweay, gawa akaleala madamnyeandaanyi niirja gawa giigeakshoadaanyi,

Yohaana 2:16

Gwayeesha fugiga ghwanyawa sheahiida ghariibajeegean, “Oang'aamwana dugusu hiji; adoonung' ghoah ghooriida Bwaabwa ghooriida siikeakshacheewa.”

2 Betro 2:3

Nea aba shidooda nyaawa bea ghaang' gaygooheadeesa haleanjeeda aba badahuukeagwa aba ng'asheega ng'uyeega; ghang'eada garayi girgweageeda nyaawa ghanyea maygafuuf, nea nyariida nyaawa ghanyea maygwalil.

Giidaheechta 18:15

Ak fuga ageakshachi aba haleanjeeni, ghayi nyasa meanang'oocheanduumeeda headaanyi, gayghamiinaada nea sheagi, aba muuwda sawanadeadaanyi, hean gooyeawda nea gagutu heareega aba ghuuta haw,

Giidaheechta 18:20

Ahoosana aba badaydaanyi, Ea humng'eeda, Ea fuga ghaydidi ea giijasoodiga ea sibanga, aba gideaba ASEETA nigooneegwa girgweaksiinda aba badaydaanyi!”

Giidaheechta 18:23

ak eara weeshinda gheaboong'nyeanda ea maygudu gabiikta ghoabwaay aba jeadaang'u earahay; ak eara ghuuta siida geeshi ea dea gatmooda sighi maygudu eebiikta eeyiing'sa jeadaang'u earahay; aba gideaba fiisu ikaagu ageakshiin ghayi saawa fuga hees bea ng'eanyiida gil, ak eemoojiga sean ea sireengani aba beeneetkweanduumeadaang'u.

Giidaheechta 18:3

aba gideaba eemoojiga sean nili difaayeeda ng'asheagaaschi munyas gaseadayi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oocheanduumeeda aba uurda hiseadayeanduumeadaanyi.”

Giidaheechta 18:9

Nea sugoodiga ng'eanyiida, hiseada abeeda gwahiseada sea niny, gaygooyeawda nea gagutu heareega aba badaydeaba niny iidaah aroosta beasta sighwardaawa niny;