Giidaheechta 17:3 - Bibliyeeda Ghaydit

³ Hean ghwaadan aba jeeda Guroorooda ea dawa dareapcheeda, ak ghaadaayi gatmooda nea goopteada aba badayda diyeayda areara nea ghwanyiit saseeda gheawunga giing'weaka, nea gwandeawa iheeni ispwa ea gujaw damanamughuush.

NEAJEEDA EESH BEA BUUNEESSEAN

³ Hean ghwaadan aba jeeda Gurorooda ea dawa dareapcheeda, ak ghaadaayi gatmooda nea goopteada aba badayda diyeayda areara nea ghwannyiit saseeda gheawunga ging'weakka, nea gwandeawa iheen ispwa ea gujaw damwanamughuush.

Giidaheechta 17:3 Mawu Ofanana

1 SUGOODIGA 18:12

Ak ghamneawa iyaang'ami headaang'u, guroorooda NG'UTAMIIDA gaygoogealnyi heeda mwaanali; ak inyas geawi heeda Ahabu ak ea mwanyasa heeda indi abeeda gaygwanuusan, nea aniineeda was siidaang'u bea gadiyeeda geawalayi gheang'da NG'UTAMIIDA gidang'eada jeepcheanduumeedeanyu.

2 SUGOODIGA 2:16

Gealamda ak geeyeesha, “Ng'ula, gwanda hiji fugaagu bea gadiyeeda meanyi. Haradam ea damanamughuush, asi geemuscheey gaweay gagasa siidaang'u haw, gwadeepa ea nigeanu Guroorooda NG'UTAMIIDA ak gwajaksa uhuumba giija, ghana jeemba moangoachi.” Ghwalamda niny ak gwayeesha, “Adoocheakti.”

SARMEEDA SULEMANI 8:5

Siisi siyeeng'na dareapcheedean ng'eaha gil, ghaghus siidaanyi bwariiyi? Ghaaheacheeyi aba guumda geeta siguura mapeera, aba hooweani nyasa geamaduun lajooda jeata, ak gwajiilnyi.

ESEKIELI 11:24

Damanda eandeewi jeeda gili siihiimnaaniin, hean gagatgadan guroorooda ASEETA. Ak ghwaadan ea ghoahiitanaan ng'eanyiida fuga Galdayo, heeda fuga ghayi siipaleak. Hean ghang'amwa heedeanyu gidida siihiimnaaniin.

ESEKIELI 3:12

Ng'ata gagatgadan Guroorooda googealan humng'eeda, hean nea gwascheeng'u giigheambiita NG'UTAMIIDA aba heeda abiita, ghaayiinyi nyeashta uurji dea sawooda ng'eanyiida aba badaydeanyu;

ESEKIELI 8:3

Hean ghoahaakta geadi giduurji geatinda ak ghoang'waay buudeageasu. Ak goodiing'danean guroorooda ASEETA bugusta ng'eanyiida ea humng'eeda, ak ghwaadan ea ghoahiitanaan Yerusalemu, nea geandi jeeda gili siihiimu bea ASEETEAN. Ak ghaahiti heeda gidaghuuta doodooda bea jih mida meatkweeda wiilooda ng'eanyiida ghayeawa, was heeda siyiin sanaamooda was sicheeda aba heeda ASEETA.

DANIELI 11:36

“Ak gwasin sugoocheanda gidagasa; ak gayghaghwar geaw nea goodiing'u geaw ea gwaneawna aseecheeka, ak gaygabalool ng'asheega munyas aba badayda ASEETA aseecheeka; Gaygamnyeen ea ghwahidu nyarasta ASEETA; aba gideaba gidasibada gajeesin.

DANIELI 7:20

ak geagasayi danal iiteaba gujakiga atamanamughuush mida uhuudaanyiin, ea gujaweedida ridu ak goobeedeaysa gujaka asamwagu madeadaanyiin, was gujaweeda mideawa gheanyanga ea ghuuta rukuuna ng'asheega hees, nea iising'ula eahaweewa suurja.

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

DANIELI 7:8

Hean geang'ulayi gujaka, ak ging'ulayi, ak gwarina dageascheeda nyaawa gujaweeda nuut, mwanang', nea madeeda gwanda gujaw samwagu bea gea gwachi bea madeeda ak geelootu gumsheaka; ak ging'ulayi, gujaweeni gwandeawa gheanyaga uurji gea siida, ea ghuuta rukuuna ng'asheega hees.

Mattayo 27:28

Geafwakta hang'weakaaschi ak geekwealsa hang'da oomu.

Gadiyeeda Giijasoodiga 8:39

Iidu nea gwascheeng'na jeeda beega, ghwanung' Guroorooda Ng'utamiida ghwaroat Filipo; ak ea mudu gabiikta siidida was gulaneedean ghwadaah gicha, ak ghang'eat gawa nea gahoosan.

2 Desaloniikke 2:4

diida heewachiin ak goodiing'u geaw aba badayda gili wasean siguuriideawa aseeta ghana gilinyoo eebada, ea eeyi bwak ea gageanu hoorgeadaanyi aba jeeda gheeda sibata ASEETA, ak ghoahiimu geaw gideaba niny ASEETA.

Giidaheechta 1:10

Muchu geandi jeeda Guroorooda eaweeda Ng'utamiida, hean ghayiinyi nyeashta haw aba badaydeanya, nyaashta giiguuleanda nea gwayi,

Giidaheechta 12:14

Ng'ata geataw gatmoodida meang'i iyeenya bea rabearda haw ak ghang'eata gawa dareapcheeda sheageewa ichiboodida, ak gawa heeda jea gweagiischi gheadi nuwaas, sheeh haradam ea iyeenya.

Giidaheechta 12:3

Ng'ata geadaah gwadeagooda nuut aba humng'eeda, ng'ula, hararjooda haw areara, mideawa iheeni ispwa ea gujaw damanamughuush, nea iheenga nyaawa gaba nih mideawa shiip ispwa.

Giidaheechta 12:6

iidu gamng'aw gatmoodida gawa dareapcheeda, nea nisissa ASEETA heechea goobiida, ak geerear ak goobiida hoowa eawooji sagalama ea bughalaji iyeenya ea laadam.

Giidaheechta 17:18

Ak gatmoodida idaahiin ea mujiineedida hawiin gil mideawa giimbaliischooda aba badayda sugoodiga badayda ng'eanyiidean.”

Giidaheechta 17:4

Ak gatmoodida ea niikwa hang'da oomu ea dea areara, nea siitaamdaamwa dahaabu ea gea haw sheayeat ea sageeka, ak gwanda geatindaanyi gikoombeeyda mida dahaabu biissa ghwanyiit ng'asheega munyas ea ririnnyeanda hiseadayeanduumeadaanyi;

Giidaheechta 18:12

haleanjeeda sisna dahaabu, ea lapiya, ea lagheanga hees sheayeat ea sageeka, ea hang'weaka miyaasiin bumbuni, gea oomng'i ea gea buudeega ea gea areeri, ea geeta hideeda, ea gilinyoo ea dabicheanda sisna gujaweeda gil, ea gilinyoo ea dabicheanda geeta haw sheayeat gil, ea dea gharinyeanda areara, ea gharinyeanda ea lagheanga siguura marumaru,

Giidaheechta 18:16

“Dashageada, dashageada, mujiineedida hawiin siikwealsa hang'da bumbun miyiin, ea hang'weaka oomng'i ea gea areeriin, nea geetaamdaam aba dahaabu, ea lagheanga sheayeeda haw, ea sageeka!

Giidaheechta 21:10

Hit ghwaadan aba Guroorooda ea ghoahiitanaan giijeeda haw, geaw, ak ghoahiimnaan mujiineeda ghaydit was Yerusalemu nea ghwararang'aana humng'eeda heeda ASEETA,

Giidaheechta 4:2

Deagheata geandi jeeda Guroorooda, hean ghamiinaada hoorgeeda gheambalmeeda aba humng'eeda, nea goopteada siida aba uhuudeaba hoorgeedida bea gheambalmeedean!