Giidaheechta 17:14 - Bibliyeeda Ghaydit

¹⁴ ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

NEAJEEDA EESH BEA BUUNEESSEAN

¹⁴ ak suu gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'uttamiida ng'uttamoojiga gil ea Sugoochcheanda sugoodiga, ak suu mideawa ninyiin ea gea geguursa gea suloat ea gea doobiiweadi.”

Giidaheechta 17:14 Mawu Ofanana

NYIIGHEEGA 110:5

NG'UTAMIIDA gwanda geatindaang'u bea dugwa; gayghabwar sugoodiga damanda jea ghwanyareasa.

YEREMIYA 1:15

Ak gwayi NG'UTAMIIDA, gaydaguursa eemoojiga sean bea gheambalmoojiga bea wiilooda ng'eanyiida ghayeawa; ak gayghapka ak gaba nih miinda gheambalmeadaanyi aba gidaghuudajeega Yerusalemu, ea ghamardaanyi sean neaweesa, ea mujiinajeega sean bea Yuda.

YEREMIYA 1:19

Ak gaygang'ucheeweeyi; nea ea mayghoamu ghwajoarnyi, aba gideaba geendeayi sea ang'iing'i nea gaydaweanyi, ng'asheanji gearugu aniini NG'UTAMIIDA.”

YEREMIYA 50:44

“Ng'ula, gawuurji ng'adiida leabu jeeda dareabeeta Yordani ak ghoabita jeeda hilgweanda gisilga, ak ghwanyas haghweeda miy ak gaydahoan gwanung'usa heeda; ak gaydanung' gwaheedu dea aaloachi. Aba gideaba gawuurjeewean ng'eaha? Ak gaygaguurnean ng'eaha? Ak jeagiischoocheanda jea ghamiinaada aba madeedeanyu aneeda?

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 2:47

Ak gwayeesha sugoocheanda Danieli, “Aba huumwa, ASEATAANG'U ASEETA aseecheeka gil ea Ng'utamiida sugoodiga, ak goohiimu ng'asheega funyeadi, aba gideaba niimuusi ahiimni ng'asheanji funyaadiin.”

DANIELI 7:21

Hean nea geang'ulayi, gang'uchi gujaweeni was fuga ghaydidi, ak ghwajoar,

SAKARIYA 2:8

Gwarugu NG'UTAMIIDA bea lugweega gideaba iijeadagasa giigheambiitaanyi goojeaktanean eemoojiga ghayi abaleageegwa aba gideaba siida jea ghwasadeagwa ghwasat lagheaneeda gheang'daanyi.

Mattayo 22:14

Aba gideaba gea siguursa aasaang'a, nea gea siloat ea ng'ay.”

Mattayo 25:40

Ghwasha Sugoocheanda nea gwayeesha, ‘Aba huumwa gaydayeeshiineegwa, gili wassean noosisi siyagi aba jeedeaba orjusu bea giyeanya manang'iin goosinnean aniini.’

Mattayo 28:18

Ghwaan Yesu heanyaawa ak goobalool ak gwayeesha, “Sigoonan gheambalmeeda sean aba humng'eeda ea ng'eanyiida.

Yohaana 15:16

Aniini moaloadaan agooga, ghaaloacheagwa aniini ak ghaanung' aweayeena ak goojiili haghweega jea ghwashng'u; ak abeeda gagooneegwa Bwaabwa gida wassean iyoomuschi aba gheawungeasu.

Ruumi 1:6

nea ghabwada agoogeeni siguureewaneegwa fuga jea gaba Yesu Gristohiin;

Ruumi 8:30

Amadu fugiga ghayi bay ghwaloat amwadiin, iidu earaga siguursa, amadu fugiga guursean hean ghoadaw nea fugiga adaw doobiiwnatean ghoadaw giigheambiita.

Ruumi 8:37

Manda, aba jeedeaba ng'asheesu seaniin iissa geang'ali fuga jooriischi, aba heeda siida ghayi bwariinyeasa.

1 Goriinto 15:24

Iing'ata hiji gayghwahidu muudeanooda, damanda jea ghoadawa ASEETA was Bwaabwa gheambalmeeda iing'ata nyarjeawda sugoocheanduumeeda ea fuga ambaliischi sean ea uurda.

GIIPKEATA DIIGHEANDA 10:17

Aba gideaba NG'UTAMIIDA was ASEATAANG'U niny ASEETA aseecheeka gil ea NG'UTAMIIDA ng'utamoojiga, haw uur, ASEETA jea eawala gheang'da, mashiita buuneeda ak ea mwoamu easaaw.

1 Dimotteo 6:15

Aba gideaba iihita damandaanyi gay ghwadaajiinyi ASEETA niny geekghaambiit ak goombaliischi nea gabwageaw sugoocheanda sugoodiga Ng'utamiida ng'utamoojiga,

2 Dimoteo 2:4

Shirikarajeanda mida jeeda ng'ucheeda maygwadeawiit aba haleanjeeda muunda ng'eanyiida aba gideaba gaygoohoosan shirikarajeandaanyi haw.

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 11:7

Iidu nea niihiit muuwnooda nyaawa, gaygang'uchi diyeaydida leabu jeeda shoomanda mamuudeanean sea saawa, ak gayghwajoar ak gwanuus saawa,

Giidaheechta 16:14

suh gurooruunatka meangeenda gil, sina gwadeagwajeega, inyeessa gwarita ak gaweesa sugoodiga mida giigheawda bea ng'eanyiissean, ak ghoamughuush saawa aba ng'ucheedida aba eaweeda haw bea ASEETA Hoauuriin.

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Giidaheechta 3:21

Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeati ak geapteadi sea Bwaabwa aba uhuuda hoorgeadaanyi bea gheambalmeeda.