Giidaheechta 17:1 - Bibliyeeda Ghaydit

¹ Hean ghwahidu malaykajeanjagi bea jeedeaba giika asispwa mideawa gweeraji ispwaan ak gwayeeshiinean, “Beeni, gaydaahiimneey girgweaksiinda hiseadayda haw abiita badayda beega saang'aan,

NEAJEEDA EESH BEA BUUNEESSEAN

¹ Hean ghwahidu malaykajeanjagi bea jeedeaba giikka assispwa mideawa gweeraji ispwaan ak gwayeeshinean, “Beenni, gaydaahiimneey girgweaksiinda hiseadayda haw abiitta badayda beega saang'aan,

Giidaheechta 17:1 Mawu Ofanana

ISAYA 1:21

Mujiineani ea doabiiwaat iijea ghoah hiseadayda, niny gwandeawa girgweageeda doabiiwaat! Ghayi gwanda jeadaanyi doobiiwnata, ghamneawa ea niiw siida bara buuneeda.

ISAYA 57:3

Ak agooga apkaana hiji, ea orjooga gatmooda was beeneetkweanda, ea jeata hiseadayda.

YEREMIYA 2:20

“Ghayi aba garayi goohirjeawayi yookajeegeagwa ak goong'acheawayi ghealoonigeagwa; ak gooyeenyi ‘majeabwadeayi’. Ak aba iheenga heayeeniga geawi ea gumsheaka geediga nyawiiri ghoabwachi aseecheeka marachi gil.

YEREMIYA 51:13

Ea orjeeda siida abiita ghuuta beega saang'a, ak guwoosi baruur aba haleanjeeda iidiiwi, nihidu muudeanoadaang'u, fuweanda eaweagaagu silach.

ESEKIELI 31:4

Ak ghwanung' beega gwaheedu nea ghoarear beega sheagi jih, eenigaaschi gwasik meadajeega sean rinna geedigaaschi, ak googeal ghealoonigaaschi jeeda geediga sean bea dareabeeta.

Lukka 24:32

Goonyeari geat nea gwayeena, “Neada jeesingaasa ea mwayeadana beasta damandida gwachi abaloolaneasa aba naweedean, nea gang'acha iiteanya aba gidaghayi nyaah ng'ooruutka?”

Lukka 9:30

Hean gabalool sea fih iyeenya, Musa ea Eliya,

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

Giidaheechta 15:1

Hean ghaadaayi gwadeagooda nuut aba humng'eeda, nea aahaw ak daamdaamwaat, malaykaji ispwa mideawa sawanaduut ispwa was gea huuydean, aba gideaba aba badaydeaba suh niduulean nyarasta ASEETA.

Giidaheechta 16:19

Hean gwaheeli mujiineedida hawiin niba samwagu, ak ghoabeada mujiinajeega eemoojiga, ak ghoapkaat ASEETA Babeleedida hawiin, ak geataw gweeriida difaayeeda nyarastaanyi.

Giidaheechta 18:1

Iing'ata suh ghaadaayi malaykajeanda nuut nea ghwararang'aana humng'eeda, nea gwandeawa gheambalmeeda haw; ak ghoabwaay ng'eanyiida giigheambiitaanyi.

Giidaheechta 19:2

aba gideaba girgweageadaanyi dea huumwa gil nea doabiiwaat; aba gideaba niirgweaksa hiseadaydida hawiin ghayi datas ng'eanyiida aba hiseadayeanduumeadaanyiin, ak ea niwalda aba badaydaanyi foojeanda soomjoagaaschi.”

Giidaheechta 19:9

Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”

Giidaheechta 21:15

Nea siidida abaloolaniin abeeda gwandeawa bileangida sisna dahaabu, jea goodeena mujiineedida ea gidaghuudajeagaaschi ea ghamarda.

Giidaheechta 21:9

Hean ghwahidu malaykajeanjagi bea jeedeaba giika as ispwaan nea gwandeawa gweeraji ispwa nyiit sawanaduut ispwa huuydean ak goobaloolan, nea gwayi, “Beeni hiji, ak gaydaahiimneey sibeeda, was gatmooda Dayeenda Gisilleanda.”

Giidaheechta 4:1

Iing'ata ng'asheesu ghaang'weardi, ama deagheata gwanda humng'eeda gidaghuuta jaadaat. Hean ghuuta gwachi aayiinyi bea madeedean goobaloolan nea ghwanyaashta giiguuleanda, nea gwayi, “Beeni hiji, ak gaydaahiimneey gichea ghwahidu iing'ata ng'asheesu.”