Giidaheechta 16:15 - Bibliyeeda Ghaydit

¹⁵ “Asi, gaydoanda mareanghweanda! Ghang'wana siida majeek, nea ghaghamwat hang'weakaaschi ak ea mawa nea dawiish ak geadaah baspaseegaaschi!”

NEAJEEDA EESH BEA BUUNEESSEAN

¹⁵ “Asi, gaydoanda mareanghweanda! Ghang'wana siida majeek, nea ghaghamwat hang'weakaaschi ak ea mawa nea dawiish ak geadaa baspaseagaaschi!”

Giidaheechta 16:15 Mawu Ofanana

RITEAYDA 32:25

Hean daah Musa gideaba buuneeda nischoarda (aba gideaba Haruni ghwanung'waada saawa ghwaschoarda, ak ghoah shikooda aba bugusta weajoodiga).

ISAYA 47:3

Ak gayghwadaah buuneeda dawiishnataang'u, nea gajeadaah baspaseegaagu. Aniini gaydawalda mureandoodeanyu, ak ea maydabwayda eara siyagi.

ESEKIELI 16:37

Asi ng'ula gaydabwadageat ng'wasangaagu sean ibwariinyi ghayi ihoosani aba badayda nyaawa, ea gea ibwariinyi sean, ea fuga sean isti. Asaha gaydabwadageat aba badaydaang'u aba meadajeega sean, ak gaydaamwaalda dawiishnataang'u, ak geadaah dawiishnataang'u sean.

HOSEYA 2:3

adiidu ghaang'awji hang'weakaaschi ak ghwadawshiit, danung' gabiikta gawuurji gida ghayi sijiilda, ak gaydanung' gawuurji dareapcheeda, ak ghaanung' gawuurji ng'eanyiida ghajaam, ama ng'ata gaydanung' ghabwar muwooshta.

HABAKUKI 2:15

Dashageada siida adaw giischeewoocheandaanyi gidaboogit bea gharajeanda nyarastaanyi, ak ghwanung' gaboogit, ak gang'ula dawiishnacheeka nyaawa!

Mattayo 25:13

Hean gwayeesha, asi oang'wearni, aba gideaba moanali eaweeda jea gawaseewa ghana damanda.

Mattayo 26:41

Oang'wearni nea ghoamwaashchi ASEETA ea moapiitani jeeda simsimda; guroorooda ghwanyawa gagasa, amadu ea ng'arng'ar saseeda.”

Marko 14:38

Ng'ata gwayeesha ginealangaaschi, Oang'wearni nea ghoamwaashchi ASEETA ea meesimeegwa. Guroorooda gagasa amadu saseeda ea manda uurda.”

Lukka 21:36

Asi agooga afura geat galeagasean, nea ghoamwaashchi ASEETA gagooneegwa uurda jea oataraamwa ng'asheesu sean jea gapnuun, ea aminaada aba madeeda Orjeeda Siida.”

Gadiyeeda Giijasoodiga 20:31

Asi oang'wearni, nea ghoapkaachi gideaba aba gweanyeew samwagu mii danung'waada reekusiimba giliwas sih aba dabeaka.

2 Goriinto 5:3

nea abeeda iisishuubeesa gajeedaaheasa nea meewoosi dawiiri.

1 Desaloniikke 5:4

Ak ea moondani jeeda misaneeda, fuga eaduupcheewi, ea ghwanung' eaweedida ghahameegwa ng'eanyi gawuurji mareanghweanda.

1 Desaloniikke 5:6

Asi adeelili ruweanga, ea eewuurjeewana buuneeda mwaatkwa, asi eang'weerna, nea geeteenyi.

1 Betro 4:7

Ak muudeanooda haleanjeeda sean ea nineekiit, asi amilmiliita ak ghoang'wearu aba badita ASEETA.

2 Betro 3:10

Nea eaweeda Ng'utamiida gay ghwahitaayda mareanghweanda, aba eaweedida gay ghwaroat humng'eeda aba nyeashta haw, nea haleanjeeda sean ghayi bea mwadi gayghwanyar aba jeeda beasta, nea ng'eanyiida ea gadiyoojigaaschi mideawa gajeaghwarda goosha.

Giidaheechta 22:7

Ak ging'ulayi, gaydahidu nea ghaalamwajaanyi. Ghang'wana siida ang'waay ng'asheega siramoorani aba jeedeaba gitaaboani.”

Giidaheechta 3:11

Gaydahidu nea ghaalamwajaanyi; ang'waanya muuchi gida indeawi, ak ea mooreanyi sih shiipkaagu.

Giidaheechta 3:18

Ak gaydayeeshiineey, shaaha aba heedeanyu dahaabu siihuuna beasta, ak abeeda gaywoosa meanang'oocheanda, nea giikweali hang'weaka eashish, ak ea meadaaha baspaseega dawiishnataang'u, ak gaynyasa meajooda jea eashana gheanyangaagu ak abeeda giing'weardi.