Giidaheechta 15:4 - Bibliyeeda Ghaydit

⁴ Ng'eaha gil dea moawalnyi ak ghoaghaambiit gheawungaagu, Ea Ng'utamiida? Aba gideaba ang'iing'i guwoosi ghaydit nea gibwaageaw. Aba gideaba gayghapka eemoojiga sean ak ghaghadoawanyi, aba gideaba girgweageadaang'u siitaajiit.”

NEAJEEDA EESH BEA BUUNEESSEAN

⁴ Ngeaha gil deamoawalnyi ak ghoaghaambiit gheawungaagu, Ea Ng'uttamiida? Aba gideaba ang'iing'i guwasi ghaydit nea gibwageaw. Aba gideaba gayghapka emoojiga sean ak ghaghadoawannyi, aba gideaba girgweageadaang'u siittaajiit.”

Giidaheechta 15:4 Mawu Ofanana

NYIIGHEEGA 105:7

Niny NG'UTAMIIDA gil was ASEETEANYA; girgweaguutkaaschi gwanda ng'eanyiisean.

NYIIGHEEGA 111:9

Ak ea niyeassa fugaaschi lealeanooda nea gwarugu neajeadaanyi damanda manda muudeanooda. Gheawungaaschi ea ghaydit ak ea haloat!

NYIIGHEEGA 22:23

Agoogeeda bada NG'UTAMIIDA, oakghaambiida niny! Oogaseaneeda oowooschi jeata Yakobo, oakghaambiida niny, aghadoawana niny oogasean oowooschi jeata Israeli!

NYIIGHEEGA 22:27

Muudeanooda sean bea ng'eanyiida gayghoapkaat ak gaygwayamsa geat NG'UTAMIIDA; ak buuneesean bea eemoojiga gayghabwat niny.

NYIIGHEEGA 22:3

Ak ang'iing'i guwoosi Ghaydit, nea ang'iing'i giimbaliischi nea ghoaghaambiinyi Israeli.

NYIIGHEEGA 86:9

Eemoojiga sean ghayi iisini gayghapka madeadaang'u ak ghaghadoawanyi ang'iing'i Ea NG'UTAMIIDA, nea ghoaghaambiit gheawungaagu.

NYIIGHEEGA 89:7

ASEETA geewali muuchi aba girgweageeda fuga ghaydidi, aahaw ak geewali ea ghwalaabwa hoowa buuneesean neaweesa niny.

NYIIGHEEGA 97:8

Sayuni niyiing'shi ak gahoosan, haweega Yuda gang'weela, aba badayda girgweaguutkaagu Ea NG'UTAMIIDA.

NYIIGHEEGA 99:5

Oakghaambiida NG'UTAMIIDA was ASEETEANYA aghadoawana aba heeda hoorgeeda geeshangaaschi! Niny dea ghaydidi.

NYIIGHEEGA 99:9

Oakghaambiida NG'UTAMIIDA was ASEETEANYA aghadoawana nea gwanda giijeadaanyi ghaydit; aba gideaba NG'UTAMIIDA was ASEETEANYA niny dea ghaydidi!

ISAYA 24:15

Asi fuga mida heeda ghayeawa oakghaambiida NG'UTAMIIDA; ak ghoakghaambiichi gheawunga NG'UTAMIIDA was ASEETA Israeli fuga mida ng'eanyiida ghuuta basooda.

ISAYA 25:3

Asi gayghoaghaambiinyi fuga majeekcheewi;

ISAYA 26:9

Gagaseey gurooroodeanyu eawa, ak geagaseey aba gurooroodeanyu. Inyeessa giirgweaksi ng'eanyiida, abeeda gayghwanal fuga sean bea ng'eanyiida doobiiwnata.

ISAYA 45:23

Aniini ghaayaaji habeawooda nea geabea geaw, aba gideaba ghuuteanyu gwarina ng'asheanda doabiiwaat, ak ng'asheandeanyu ea maygabiikta bwadaw, ‘nea gaygaba siisi duguy aba madeedeanyu nea gaba nih ak habeawooda.’

ISAYA 57:15

“Nih ginyah ASEETA mida humng'eeda sheagi gil bea giibinda manda muudeanooda, nea gheawungaaschi ea Ghaydit. “Aniini geabiiti humng'eeda heeda ghaydit, ak geendeayi sea fuga niduukuuna ea gea eadageat ng'eanyi, ak gaydeamajeek gurooruunatka gea eadageat ng'eanyi, nea ghaadawji uurjeenga gea niduukuuna.

ISAYA 6:3

Ak gaba nih guursa nuut nea gwayeesha, “Dea Ghaydit, dea ghaydit, dea ghaydit NG'UTAMIIDA lugweega gil; ng'eanyiisean ghwanyiit giigheambiitaanyi.”

ISAYA 60:5

Hean inyeesa gidaahi gaynyasa weeshinda, ak gayghabwadan gurooroadaang'u nea gahoosan, aba gideaba baruureega basooda gajeekealu headaang'u, nea eara baruureega eemoojiga gayghapka headaang'u.

YEREMIYA 10:7

Heapi mayghoawalnyi ng'eaha, Ea sugoocheanda eemoojiga? Nih gidahaguuwnyi gil, Aba jeeda fuga sean bareahi iheeni bea eemoojiga ea aba heeda gheambalmoojiga nyaawa sean manda dea jea eegalaneey.

YEREMIYA 16:19

Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.

YEREMIYA 5:22

Gwayi NG'UTAMIIDA, Agooga moawali gheanyangeasu? agooga moabwaadani aba madeedeanyu? Ghaayiinyi iseaskweanda ghoah moonghooda basooda, Hilgweanda jea ghwaraay basooda ghwanaawa; Eara ghwalas laweajajeega, mayghoamu ghwanaawa, eara goojuur laweajajeega mayghoamu ghwanaawa.

HOSEYA 3:5

Iing'ata gaygwayamu geat diibiga Israeli gagaseada NG'UTAMIIDA was ASEETA nyaawa, ea Dawdi was sugoocheanda nyaawa; ng'ata gayghoang'eat gwasissa mureeda NG'UTAMIIDA ea miyindaanyi aba eawoojiga muudeanooda.

HABAKUKI 1:12

Neada ang'iing'i ea ming'eadani damanda manda muudeanooda, Ea NG'UTAMIIDA was ASEETEANYU, ghaydit assakalealla? Majeemeewa. Ea NG'UTAMIIDA, niimbiidi saawa ghoah fuga jea goorgweakiiseasa; ak ang'iing'i, guwoosi Lagheaneeda, ak ginung' ghoah saawa fuga jea ghwalaseasa.

SAKARIYA 14:16

Nea siida wassean ghuh bea eemoojiga sean, hidu gang'uchi sea Yerusalemu, gayghwascheang'da gilakweayda ghabwat sugoocheanda was NG'UTAMIIDA bea lugweega, nea ghoang'waay ghweelmoojiga Udahabeaschajeega.

SAKARIYA 2:11

Ak gaygaguuyi eemoojiga saang'a aba heeda NG'UTAMIIDA eaweedida, ak fugiga gajea saang'a; ak gaydeabiida jeenyaawa, ak gajanala gideaba goojeaknean NG'UTAMIIDA bea lugweega doan heedeang'wa.

MALAKI 1:11

Aba gideaba ghang'eada giirearnooda aseeta ea gamikta gheawungeasu ea hees aba jeeda eemoojiga, nea aba hiji wassean geatayda geediga ng'andidi aba gheawungeasu, was haleanjeeda ghadooweeda miyaas; aba gideaba gheawungeasu ea hees aba jeeda eemoojiga, gwarugu NG'UTAMIIDA bea lugweega.

Ruumi 15:9

ak abeeda ghoaghaambiit fuga Eemoojiga ASEETA aba baydeaydaanyi. Gawuurji gissing'oarda, “Asi gaydaduumiiseey aba jeeda Eemoojiga, ak gay dasarmani gheawungaagu;”

1 Betro 1:16

aba gideaba gwayi ng'ooruutka, “Gajawoosa ghaydidi aba gideaba aniini geawooschi ghaydit.”

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 14:7

ak gwayi aba ghuuta haw, “Oawala ASEETA nea ghoatawji niny giigheambiita, aba gideaba damanda girgweageadaanyi nihidu; aghadoawana niny deabwat humng'eeda ea ng'eanyiida, ea basooda ea gheanyanga eenda.”

Giidaheechta 16:5

Ak ghaayiinyi malaykajeanda ambal beega nea gwayi, “Ang'iing'i guwoosi doabiiwaat aba girgweaguutkaagu, ang'iing'eeda indi nea ghayi gindi, Ea Dea asagi Ghaydit.

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'utamiida was ASEETA mideawa uurda, girgweaguutkaagu huumwa gil nea ghwadoabiiw!”

Giidaheechta 19:2

aba gideaba girgweageadaanyi dea huumwa gil nea doabiiwaat; aba gideaba niirgweaksa hiseadaydida hawiin ghayi datas ng'eanyiida aba hiseadayeanduumeadaanyiin, ak ea niwalda aba badaydaanyi foojeanda soomjoagaaschi.”

Giidaheechta 19:8

ak ea siikwealsa hang'weaka miyaasiin bumbuni, meeng'meeng'i nea miyaas”– aba gideaba hang'weaka miyaasiin sinaweega doabiiw bea fuga ghaydidi gil.

Giidaheechta 3:7

“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.

Giidaheechta 4:8

Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

Giidaheechta 6:10

goojuur aba ghuuta haw nea geeyi, “Ea Ng'utamiida ambaliischi, ghaydit bea huumwa, gajeeyi bwak ea ghoah eeju nea mii argweaksiina ak giwaldi foojeandeanya aba badahuuka fuga mida badayda ng'eanyiida?”

1 SAMWELI 2:2

“Manda siinuut ghaydit ea gawuurji NG'UTAMIIDA, manda siinuut murdeadaang'u; ak ea manda lagheaneeda uurji ASEETEANYA.