Giidaheechta 14:3 - Bibliyeeda Ghaydit

³ nea gwasarman duumdeesh aba madeeda hoorgeeda gheambalmeeda ea madeedeaba diyeangiga asang'wan majeekcheewiin ea madeeda gweargwa. Ak ea manda siida ammu ghoanaal geaw duumdida, geaghus fugiga as sagalama ea haradam ea ang'wan ghayi siikghu aba badayda ng'eanyiidean.

NEAJEEDA EESH BEA BUUNEESSEAN

³ nea gwasarman duumdeesh aba madeeda hoorgeeda gheambalmeeda ea madeedeaba diyeangiga assang'wan majeekcheewiin ea madeeda gweargwa. Ak ea manda siida ammu ghoanal geaw duumdida, geaghus fukka as sagalama ea haradam ea ang'wan ghayi sikghu appadayda ng'eanyiidean.

Giidaheechta 14:3 Mawu Ofanana

NYIIGHEEGA 144:9

Gaydasarmaneey duumdeesh Ea ASEETA; aba ginaandeeda mideawa fuweega atamanamughuush gaydasarmaseey,

NYIIGHEEGA 149:1

Oakghaambiida NG'UTAMIIDA! Asarmasiina NG'UTAMIIDA duumdeesh, giigheambiitaanyi aba jeeda fuga bwat geat doobiiweadi!

NYIIGHEEGA 25:14

Duupcheeda NG'UTAMIIDA gwanda heeda fuga awali gheang'da, ak gayghwanung' ghwanal saawa neajeadaanyi.

NYIIGHEEGA 33:3

Asarmasiina niny duumda eesh, abwarana gearinda nea goochuurji.

NYIIGHEEGA 40:3

Hean ghwayiin ghuuteanyu duumdeesh, was duumda giigheambiita ASEETEANYA. Gayghwadaah fuga saang'a ak ghabeal, ak ghwayiin ghusooda nyaawa heeda NG'UTAMIIDA.

NYIIGHEEGA 96:1

Asarmasiina NG'UTAMIIDA duumdeesh; asarmasiina NG'UTAMIIDA, ng'eanyiisean!

NYIIGHEEGA 98:1

Asarmasiina NG'UTAMIIDA duumdeesh aba gideaba nisin ng'asheega deamdeameadi! Geatindaanyi bea dugwa geatindaanyi ghaydit ninung' ghwanyas jooriischooda!

ISAYA 42:10

Asarmasiina NG'UTAMIIDA duumdeesh, ea giigheambiitaanyi ghang'eada muudeanooda ng'eanyiida! Basooda ea haleanjeeda sean mida jeeda, ng'eanyiida ghuuta basooda ea fuga mida jeeda.

1 Goriinto 1:18

Aba gideaba ng'asheanda beehiida aba heeda fuga roodeadi leendeeda gil, nea aba heedeanya aseaseeda silealu ea uurda ASEETA.

1 Goriinto 2:14

Siida maba guroorooda mayghwanyas gida jea ghoadaw Guroorooda ASEETA, aba gideaba aba headaanyi leendeeda gil, ak ea mayghwanal aba gideaba geaghus eanal aba jeeda guroorooda.

Giidaheechta 14:1

Ng'ata ghaang'weardi, ak ghaadaayi gwanda uhuuda Giijeeda Sayuni Dayeenda Gisilleanda nea ghamiinaada, nea gwandeayi sea niny fih sagalamnyooji bughala ea haradam ea ang'wan nea gwandeawa gheawungaaschi ea gheawunga Ghwaan nea sing'oorsa gheamamuunatka nyaawa.

Giidaheechta 15:3

Ak gwasarman duumda Musa, was soomjeanda ASEETA, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'utamiida was ASEETA Hoauur! Naweadingaagu doobiiwnata gil ea huumwa, Ea Sugoocheanda gweanyeeka sean!

Giidaheechta 2:17

Gilinyoo googar iita, dayiinya ng'asheanji rukusa Guroorooda ganiisajeegean. Nea siida jooriischi gaydaadaw hamita siguura maana ghayi sifuy ak gaydaadaw lagheaneedeesh, ak badaydeaba lagheaneani geeng'oorsa gheawunga eashish, mwanala sih geaghus siidida ang'waayiin.’

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,

Giidaheechta 7:4

Ghaayiinyi mooneeda fuga siiroor, fih sagalamnyooji bughala ea haradam ea ang'wan siiroor, aba giliwas eamwa aba jeeda orjooga Israeli,