Giidaheechta 14:2 - Bibliyeeda Ghaydit

² Ak ghaayiinyi nyeashta nyaasha humng'eeda uurji nyeashta beega saang'a ak gawuurji nyeashta gighweendandeeda haw; ak nyeashi aayiinyiin gawuurji nyeashta fuga gidoondoorajeega las gidoondoorajeega nyaawa,

NEAJEEDA EESH BEA BUUNEESSEAN

² Ak ghaayiinyi nyeashta nyaasha humng'eeda uurji nyeashta beega saang'a ak gawuurji nyeashta gighweendandeeda haw; ak nyeashi ayiinyiin gawuurji nyeashta fuga gidondoorajeega las gidondoorajeega nyaawa,

Giidaheechta 14:2 Mawu Ofanana

2 SAMWELI 6:5

Ak gang'weela Dawdi sea buuneesean bea Israeli aba madeeda NG'UTAMIIDA aba uurjeenga nyaawa sean, nea gwasarmanda gidoondoorajeega ea ginaandajeega ea bundiida ea igeambooniga ea gureayeeka.

2 DAMANYOOJIGA 20:28

Hean ghapka Yerusalemu nea gweatu ginandajeega, ea gidoondoorajeega ea durumbeatajeega ak gaweay jeeda gheeda NG'UTAMIIDA.

NYIIGHEEGA 147:7

Asarmasiina NG'UTAMIIDA nea goobadiischeesi; asarmasiina ASEETEANYA aba gidoondooriida!

NYIIGHEEGA 149:3

Dahoosasiina saawa gheawungaaschi nea ghang'was, asarmasiina niny aba gidoondooriida ea gureayeeka!

NYIIGHEEGA 33:2

Abadiischeesiina NG'UTAMIIDA aba gidoondooriida, aba ginaandeeda mideawa gheareedan damanamughuush ak goosarmanyi alooheeda!

NYIIGHEEGA 43:4

Ak abeeda gaydawa heeda wagiida bea ASEETA, heeda ASEETA was hooseaneegeasu; ea ghweelmeedeanyu ak gaydaaghaambiinyi aba gidoondooriida, Ea ASEETA was ASEETEANYU.

NYIIGHEEGA 57:8

Ng'eada, gurooroodeanyu! Ng'eada, ea ginaanda ea gidoondooriida, gaydang'eat beashata.

NYIIGHEEGA 92:3

aba dabicheanda was gidoondooriida, ea aba nyeashta miy bea ginaanda ea dea gureayeeka.

NYIIGHEEGA 93:4

Ak gwandeawa uurda burdeawa nyeashta beega saang'a, ak gaburdeawa uurda laweajajeega basooda, NG'UTAMIIDA mida humng'eeda ea hoauur!

NYIIGHEEGA 98:5

Asarmana giigheambiita NG'UTAMIIDA aba gidoondooriida, aba gidoondooriida ea ghuuta sarmeeda.

RITEAYDA 19:16

Hean sakteayda bea eaweeteaba samwagu ghwahidu giighweandandeeda ea dadamandeeda, ea dung'usta haw aba uhuuda giijeeda, ea nyeashta haw bea durumbeati ea ghabeal buuneesean mida jeeda maheemajeanda.

RITEAYDA 20:18

Hean nea ghwadaah buuneesean dadamandeeda ea gighweendandeeda, ea ghuuta durumbeateeda haw ea aroosta rinna uhuudeaba giijeedida hean daa buuneeda ng'asheesu geabeal nea geaboadan ak geamiinaada nea sheagi,

ISAYA 17:13

Eemoojiga ghwanyaashta nyeashta beega saang'a, ak gaygoowoowsa saawa, ak gaygwasalda gwasheagiit muuchi, ak gajeahoan gawuurji gidahiniida jeameeda looyda aba uhuuda giijeeda ak gawuurji birjeanda shaarara.

ESEKIELI 43:2

Ak ng'ula, giigheambiita ASEETA Israeli ghwahidu nea gwaleabu heeda ghayeawa. Ak nyeashtaanyi ghwanyaashta nyeashta beega saang'a, ak gaweeshiit ng'eanyiida aba giigheambiitaanyi.

SAKARIYA 9:14

Ak gayghwahidu NG'UTAMIIDA badahuuka nyaawa, nea geacheadaanyi gayghwahitaayda dadamandeeda, Ak gayghaghuut NG'UTAMIIDA was ASEETA durumbeati, ak gayghwahitaayda shaarareeda leabu wiilooda ng'eanyiida biyeara.

1 Goriinto 13:1

Eara dabaloola ghuusiga fuga muunda ng'eanyiida ea dea malaykajeega, nea meandeawani bariinyeega, abeeda ea naahuuyi gharinyeanda ajuuri ea deebajeanda was moongeanda.

Giidaheechta 1:10

Muchu geandi jeeda Guroorooda eaweeda Ng'utamiida, hean ghayiinyi nyeashta haw aba badaydeanya, nyaashta giiguuleanda nea gwayi,

Giidaheechta 1:15

ak geeshangaaschi gawuurji gharinyeanda mur sisiy muuchi ea gawuurji gilisiihuuna duwayda beasta, nea fuydaanyi ghwanyaashta dea beega saang'a;

Giidaheechta 11:12

Geeyiiy nyeashta haw leabu humng'eeda nea gwayeesha saawa, “Apkaani hiji!” Gwadiyeada humng'eeda nea ghabeawa jeeda shamooghooda, nea gang'ula weajoodiga nyaawa.

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 15:2

Ghaadaayi giduurji basooda giyo guuyi beasta, ak fugiga joar diyeayda ea gissiratiidean ea mooneeda gheawungaaschi, nea ghamiinaada aba murdeeda basoodida bea giyoohiin, nea gwandeawa gidoondoorajeega ASEETA aba geatinga nyaawa.

Giidaheechta 18:22

ak eara ghuusiga fuga mideawa gidoondoorajeega ea gea sarman, ea gea seawiir ea gea aguul, ea maygudu eebiikta eeyiing'sa jeadaang'u earahay; ghana siida geariir aba giliwas gearinda maygudu eanyasa jeadaang'u earahay; ghana ghuuta lagheaneeda ng'ealshi maygudu eeyiing'sa jeadaang'u earahay;

Giidaheechta 5:8

Hean nea gageanu gitaabu ghoabeada diyeangiga asang'wan majeekcheewiin sea gweargiga atiktam ea ang'waniin aba madeeda Dayeenda Gisilleanda, ak gaba nih ang'waay gidoondooriida, ea gweeriida sisna dahaabu nea ghwanyiit hideeda ng'andit, was mooshta ASEETA bea fuga ghaydidi;

Giidaheechta 6:1

Ng'ata ghaadaayi aba hoowa Dayeenda Gisilleanda nea gootin giirooraneanagi aba jeedeaba giika as ispwaan, ak ghaayiinyi aba jeedeaba diyeangiga asang'wan majeekcheewiin nea gwayi, aba nyeashta haw uurji gighweendandeeda, “Beeni!”

Giidaheechta 8:7

Hean googuul malaykajeanda madeeda, ak ghwahidu roopta lagheanga ea beasta, nea gaguuyi foojeanda, ak goobissa badayda ng'eanyiida; hean ghwaak ng'eanyiida beasta ea eapuut hiji mwanang', ak ghwaak beasta geediga ea ghoabuut suung'ay, nea eara nyeega nyawiiri sean ghwaak beasta.