Giidaheechta 14:13 - Bibliyeeda Ghaydit

¹³ Hean ghaayiinyi ghuuta nyaasha humng'eeda nea gwayi, “Ng'oara ng'asheesu: Ghang'wana siida meah ghamneawa meewsa heeda Ng'utamiida.” “Ghang'wana huumwa,” gwayi Guroorooda, “ak gafuuf iing'ata gadiyeeda nyaawa, aba gideaba sinaweega nyaawa ghwaat geeshta!”

NEAJEEDA EESH BEA BUUNEESSEAN

¹³ Hean ghaayiinyi ghuutta nyaasha humng'eeda nea gwayi, “Ng'waara ng'asheesu: Ghang'wana siida meah ghamneawa meewsa heeda Ng'uttamiida. Ghang'wana huumwa, gwayi Gurorooda, ak gafuuf iing'atta gadiyeeda nyaawa, aba gideaba sinaweega nyaawa ghwaat geeshta!”

Giidaheechta 14:13 Mawu Ofanana

NYIIGHEEGA 19:11

Ak siidaang'u gadiyeeda iissa geamiina gheang'da ng'asheesu; nea iing'waanyi ng'asheesu gwanda giimearda haw.

NYIIGHEEGA 85:13

Gaygwanda madeadaanyi doobiiwnata, ak ghwanung' ghoah geeshangaaschi naweeda.

ISAYA 35:10

Ak fuga adaw NG'UTAMIIDA lealeanooda gaygabiigu, gayghapka Sayuni nea gwasarman aba hooseaneega manda muudeanooda, ak gaygwandeawa hooseaneega ea ng'weelooda, ak ea maygwanda gurmeahiida ea shooka.

DANIELI 12:13

Asi una heechea una ea ghwahita huuydeanda; ak gayfuufa, ak gaymiinaada aba headaang'u siloat ea ghwahita muudeanooda askwearjoojiga.”

Mattayo 3:17

deagheata, ghwanya ghuuta nyaasha humng'eeda nea gwayi, “Nih Orjeedeanyu aabwariinyi, ahoosanani.”

Lukka 16:25

Gwayeesha Abrahamu, ‘Orjeedeanyu, apkaada gideaba ang'iing'i ninyasi haleanjeeda miyaasiin aba jeeda eaweagaagu, nea Lasaro ghwanyas gea munyas, ak ghamneawa niny geenung' ghahawda, nea ang'iing'i gindi jeeda hang'weanidooda.

Lukka 16:9

Asi geayeeshiineegwa, asisiina geat rooroocheeda aba meanang'oocheanduumeeda mwadoabiiwa, ama ashealaneegwa gil, ghwadeaptaneegwa aba jeeda giibinda manda muudeanooda.

Ruumi 14:8

Aba gideaba iisiipiidi ng'eanyiida, geepiidi aba badayda Ng'utamiida, ama simeewayi, geemeewayi aba badayda Ng'utamiida; asi, iisiipiidi ng'eanyiida ghana eemeewa, geewooschi fuga Ng'utamiida.

1 Goriinto 15:18

Gwasunu abeeda eara fugiga sean ghayi meewa aba jeeda Gristohiin ea nirooda.

1 Goriinto 15:20

Ak aba huumwa Gristo ea niduuna miyeeda, was haghweega madeeda aba jeeda fuga nimeewa.

1 Goriinto 15:58

Asi fuga eaduupcheewi aabwariinyi, andeawana alooheeda, ak ea adoabealbeali, ak goosinyi galeagasean gadiyeeda Ng'utamiida, ak ghoanali gideaba gadiyeedeang'wa mii mwadaagha gil aba heeda Ng'utamiida.

2 Goriinto 5:8

Asi eedaruusiita, ak abeeda ghang'wana geesheagiidi saseeda ak geepiidi ghoah sea Ng'utamiida.

Filippi 2:17

Eara eayiinan uhuuda haleanjeeda sisapa geadi bea ghadooweeda aba badayda masaweegeagwa, aniini geahoosanyi nea geang'weelayi sea agoogeeni seaniin.

1 Desaloniikke 4:14

Ghang'eada dea simwaseawi gideaba Yesu ghami ak gwaduudu gicha, eara gwasa, aba naweeda Yesu, gaygweadu ASEETA sea niny fugiga nililiin.

1 Desaloniikke 4:16

Aba gideaba Ng'utamiida gaygwashuubean niny nea gwaleabu humng'eeda ea shookcheanda haw mideawa diigheanda, ea nyeashta malaykajeanda haw, sea nyeashta durumbeateeda ASEETA. Ak abeeda fugiga ghayi meewiisa jeeda Gristohiin gajeesheeda eetuutu;

1 Desaloniikke 5:10

dea ghayi meah aba badahuukaasa aba iising'eatng'eachi ghana eela abeeda geendeayi sea niny.

1 Dimotteo 5:24

Riing'eega buuneeda mwaatkwa aadaach ak ea niisheeda gaweay heeda girgweaksiinda nea suuk riing'eega nyaawa gaygweadu geeshta.

1 Dimotteo 5:25

Ak aba sareani sinooda ng'asheega miyaasiin aadaach ak eara giika miidaajiin ea majeamu eafuy.

Giidaheechta 1:11

“Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

Giidaheechta 10:4

Ng'ata nyeashteaba giighweendanyeekiga asispwaan, abeeda ea neagasayi dang'waar, hean ghaayiinyi ghuuta leabu humng'eeda nea gwayi, “Aroora ng'asheesu rugu giighweendanyeekiga asispwaan, ak ea ading'waari.”

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 11:19

Ng'ata geetin Gheeda sibata ASEETA mida humng'eeda, ak geadaah sandakwajeanda diigheanda aba jeedeaba gheanyi sibata ASEETA; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchi bea lagheanga.

Giidaheechta 16:17

Goohiisa malaykajeandida bea ispwaan gweeriidaanyi humng'eeda, ak gwarina nyeashta haw jeeda gheeda sibata ASEETA, heeda hoorgeeda gheambalmeeda, nea gwayi, “Nigeawiit gwasa!”

Giidaheechta 19:9

Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”

Giidaheechta 2:1

“Heeda malaykajeanda ganiiseeda Efeso ng'oara, ‘Ng'asheega ninyeeda mideawa miinga asispwa aba geatindaanyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.

Giidaheechta 2:7

Gilinyoo googar iita, dayiinya ng'asheanji rukusa Guroorooda ganiisajeegean. Nea dea jooriischi gaydanung' ghwaak haghweega geeta eaweega, mida jeeda madamnyeanda mwanang' bea ASEETEAN.’

Giidaheechta 20:6

Ghang'wana nea ghaydit siida mida jeeda duunooda madeeda! Aba badahuukeaba fiisu miyeedeaba iyeenya manda uurda ak gayghoah ashoohoodiga ASEETA ea gea Gristo, ak gaygoombaliischi sea niny gweanyeew sagalam.

Giidaheechta 21:5

Ng'ata gwayi siidida apteada aba badayda hoorgeeda gheambalmeedean, “Ng'ula, gaydanung' gaweeriidi haleanjeeda sean.” Ak gwayi gicha, “Ng'oara ng'asheesu, aba gideaba ng'asheesu doobiiwnata gil ak ea huumwa.”

Giidaheechta 22:17

Ak gwayi Guroorooda ea Sibeeda, “Beeni.” Nea siida iing'shi dayi “Beeni.” Ak doani siida bearji muwooshta, nea dea gasa ea dageanda beega eaweega nea manda sheayeeda.

Giidaheechta 6:11

Ak gaba nih siitaw hang'deesh geaw nea geeyeesha anyo ghanyi afuufa ea gameaji gageawiit, ea gwadeayi mooneeda bareanda nyaawa was soomjooga ea fuga duupchi jea eenuusta gidaghayi sinuusta saawa.