Giidaheechta 14:10 - Bibliyeeda Ghaydit

¹⁰ eara niny gayghwali difaayeeda nyarasta ASEETA, sisin nea meekuuyi gil aba jeeda gikoombeeyda nyarastaanyi, nea niny gajeesawan aba beasta ea giikayda aba madeeda malaykajeega ghaydidi, ea madeeda Dayeenda Gisilleanda.

NEAJEEDA EESH BEA BUUNEESSEAN

¹⁰ eara niny gayghwali difaayeeda nyarasta Aseetta, sisin nea meekkuuyi gil aba jeeda bayookta nyarastaannyi, anniny gajeesawan aba beasta ea giikkayda aba madeeda malaykajeega ghaydidi, ea madeeda Dayeenda Gisilleanda.

Giidaheechta 14:10 Mawu Ofanana

GIING'EETA 19:24

Hean ghwanung' NG'UTAMIIDA ghwaroabwan roopta ea lagheanga beasta abina humng'eeda heeda NG'UTAMIIDA ak gwaroobassa Sodoma ea Gomora;

AYUBU 18:15

Jeedeaba gheanyi gaygoobiida fuga maba gheanyi, ak heeda abiita gajeesaksa rarayga.

AYUBU 21:20

Dadaaha saawa aba gheanyanga nyaawa nyariida nyaawa, ak ghwadaah saawa nyarasta ASEETA hoauur.

NYIIGHEEGA 11:6

Ak gaygwaroobassa fuga munyas roopta rarayga yeat ea giikayda ea lagheaneeda ak ghwalas aba jeameeda ng'waan ghoah gisiitaw was gikoombeeyda nyaawa.

NYIIGHEEGA 37:34

Ang'iing'i amuukghuni NG'UTAMIIDA, nea giing'waanyi naweadaanyi, ak gayghoaghaambiinyi hearana ng'eanyiida ak gayng'ula gichea eahoanda fuga munyas.

NYIIGHEEGA 52:6

Ak gaygwadeagu fuga doobiiweadi, ak ghang'ut muuwda ak gabara reari niny nea gwayi,

NYIIGHEEGA 60:3

Niihiimsi fugaagu ng'asheega hang'oonyi; ak gigoonyeasa difaayi ak gealeayi ak ghwanung' eeteembana.

NYIIGHEEGA 73:10

Ak ghwayam geat buuneeda ak gagwarsa saawa; ak ea mwadaaha gidamuy aba jeenyaawa.

NYIIGHEEGA 75:8

Aba gideaba geatinda NG'UTAMIIDA gwanda gikoombe, nea ghwanyiit difaayeeda ng'weani ng'eat furghooda nyarastaanyi ak goodalealu ak ghwali fuga sean munyas mida jeeda ng'eanyiida ak ghwali ea ghamughudu dabeakcheanda huuydean.

NYIIGHEEGA 91:8

Ak gaybeacheewana ng'ulooda aba gheanyangaagu nea ging'ulayi gidasiikghuumdaayda haleanjeeda fuga munyas.

ISAYA 29:9

Ahamwageat nea goobea geat, ahinda geat fuga ng'oowi ak goong'oowiidayi! aboogida nea ea adoaleayi difaayi; gwareang'useadayi nea masina leeshooda.

ISAYA 30:33

Aba gideaba heechea ea ghwardaawa sugoocheanda Ashuru goola eesin garayi; nea shoomanda gidahaw gil, ak aahaw jih ak beasta gwanda ea ghweenga aasaang'a, ak gayghaghuut NG'UTAMIIDA aba Giisiimeandaanyi uurji eenda gulda.

ISAYA 34:9

Ak eeniga Edomu gajeenung' ghwayamwa ghoah laami, nea sigeadaanyi ghwayamwa ghoah gharinga sisina beasta, nea ng'eanyiidaanyi ghoah laameeda yeat.

ISAYA 51:17

Ng'eada, ng'eada, miinaada ea Yerusalemu, ang'iing'eeda ileaydi geatinda NG'UTAMIIDA bea gikoombeeyda nyarastaanyi gweeriida ea gikoombe booktuumeeda nileaydi ea goosha.

YEREMIYA 25:27

“Ak hean gajeeshiina saawa, ‘Gwayi NG'UTAMIIDA bea lugweega, was ASEETA fuga Israeli: Aleeysheena, ea aboogida ama ng'ata gookeeschi, hean ak goobeedeayi ea araanya ng'eedita aba ng'uta eajagu bugusteang'wa.’

YEREMIYA 49:12

Aba gideaba gwayi NG'UTAMIIDA: “Fugiga mamiisiina gideaba gayghwaleayda bayooktean gayghwaleayda, neada gajea mealasnyi? Majuna nea mealasnyi.

YEREMIYA 51:57

Ak gaydanung' gaboogit fugaaschi hees ea fugaaschi weaghoodi, ea sugoodigaaschi hees, ea shirikareadaanyi hees, ea gheareemangaaschi bea ng'ucheeda; ak gaygwalil ruweanga maygamuudean ak ea mayghang'eat, gwarugu Sugoocheanda, nea gheawungaaschi ea NG'UTAMIIDA bea lugweega.

HEAREEGA 4:21

Ng'weela nea gihoosani, Ea hudeaba Edomu, iibiiti ng'eanyiida Usi; eara aba headaang'u gayghang'ata gharajeanda; gayboogida ea jakta hang'da dawshiida.

ESEKIELI 20:48

Ak gayghwadaah buuneesean gideaba aniini NG'UTAMIIDA, naayeachi ak ea maygamis.”

ESEKIELI 38:22

Ak gaydalas niny aba dawni, ea foojeanda, nea ghaanung' ghwaroabwan roopta guldeayda ea roopta lagheanga hees muuchi, ea beasta ea giikayda gwanda badaydaanyi ea lugoadaanyi ea fuga eemoojiga saang'a mideayi sea niny.

HABAKUKI 2:16

Gaynyasa baspaseega aba heeda gwachi jea nyasana gharbeeda. Leaha, ang'iing'i, ak guwuurjeewi siida miyeeyiil! Gikoombeeyda NG'UTAMIIDA mida geatinda dugwa gaygagalneey, ak gayghwahidu baspaseega heeda gharbeadaang'u!

Mattayo 20:22

Ghwasha Yesu nea gwayeesha, “Moanali eara gidoomuschi. Heapi! Ghoamuuschi aleayda gikoombeeyda jea daleayda aniini?” Gwayeesha, “Geamuuschi.”

Mattayo 25:41

Iidu gaygwayeesha fugiga mida meatkweadaanyi bea geatinda ghaadaamiin, ‘Oang'amwana madeedeanyu, fuga ghayi simwaashta, aweayeena jeeda beasta manda muudeanooda ghayi sibay eerarsa meang'nyeandeenda ea malaykajeagaaschi;

Mattayo 26:39

Hean gawa mwadi gilimwanang' ak gwatkuy ak gakula gheamamdaanyi ng'eanyi ak ghamwaash ASEETA nea, gwayi, “Ea Bwaabwa, iimuusi ginung' ghwasajaadawanaan bayoogi, ea adaghoah gida eagasiidi aniini, nung' ghoah gidigasiidi ang'iing'i.”

Marko 8:38

Siida wassean aba seaygeani bea riing'eeda biissa ea meawala ASEETEAN, siida isinnean gheanyanga ea ng'asheegeasu, abeeda Orjeeda Siida gaygwasissa gheanyanga siidida, damanda jea ghoana nea nighaambiit ghwaan sea giijasoodiga ghaydidi bea humng'eeda.”

Marko 9:44

Aba hoowa gwanda ghuughuutka mameewa, ea beasta mamisa.]

Gadiyeeda Giijasoodiga 10:22

Ghwalamda ak gwayeesha, “Goojeakneasa shirikarajeanda haw ambaliischi siguura Gorneliyo, was siida awali ASEETA, ak gwasissa eemeeda sean bea Yahudi mureeda, ak siisi gwayeesha malaykajeanda ghaydit gideaba una gheedeaba siisi, ak gooleeyseey iit gida jea rukuni.”

GIIPKEATA DIIGHEANDA 29:23

ak ng'eanyiidaanyi sean gawuurji gilak beasta, ea balang'da, ea gamurjan, nea meehista, ak ea manda gilirina, ak gwanyarja, gawuurji gidaghayi sinyarjeawda Sodoma ea Gomora, Adama ea Seboimu, ghayi yam NG'UTAMIIDA aba nyarastaanyi

2 Desaloniikke 1:7

ak gagooneegwa fuufta sea aseasa agoogeeda sisawan, damanda jea eatahaaja Ng'utamiida was Yesu jea gwaleabu humng'eeda sea malaykajeagaaschi mideawa uurjeenga beasta yeat,

Yuuda 1:7

gawuurji Sodoma ea Gomora ea mujiinajeega neekeewa, fugiga abeeda gwasina ng'asheega munyas gawuurji gidaghayi sin fugiga nea geayaat geeshta ng'asheega saseeda nea geegala ak ghwanyas girgweaksiinda beasta manda muudeanooda.

Giidaheechta 15:7

Hean gageanu akaleala aba jeedeaba diyeangiga asang'wan majeekcheewiin ak ghoadaw malaykajeegiga asispwaan gweeraji ispwa sisna dahaabu nea ghwanyiit nyarasta ASEETA majeek ea ghoah damanda manda muudeanooda;

Giidaheechta 16:19

Hean gwaheeli mujiineedida hawiin niba samwagu, ak ghoabeada mujiinajeega eemoojiga, ak ghoapkaat ASEETA Babeleedida hawiin, ak geataw gweeriida difaayeeda nyarastaanyi.

Giidaheechta 18:3

aba gideaba eemoojiga sean nili difaayeeda ng'asheagaaschi munyas gaseadayi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oocheanduumeeda aba uurda hiseadayeanduumeadaanyi.”

Giidaheechta 18:6

Oatawa siida gidagooneegwa niny, ak ghoatawji niny niba iyeenya aba sinaweagaaschi; Ookuuyeena nibiyeenya aba badaydeaba niny aba jeeda gikoombeeyda aguuyeesa niny.

Giidaheechta 19:15

Ak gwarina ng'uta ng'aniip ghuutaanyi jea ghabwara eemoojiga, ak gayghoahaaghwiida saawa bileangida gharinyeanda; nea niny ghoalaapta ng'eanyi shoomanda difaayeeda bea nyarasta haw bea ASEETA Hoauur.

Giidaheechta 19:20

Hean geang'waay diyeaydida, sea sibaneeda ng'uyeega ghayi sina gwadeagwajeega aba madeadaanyi, ak gwareengani fugiga ghayi niing'waay giirooraneedeaba diyeaydida ea fugiga ghadoawan gidasiratiida ninyiin. Hean geejaksa suh asiyeenyean jeeda basooda beasta nea majeekcheewi ak ghwaak beasta ea giikayda.

Giidaheechta 20:10

ak geejaksa meang'nyeandida reengani saawaan jeeda basooda beasta ea giikayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoah damanda manda muudeanooda.

Giidaheechta 20:14

Hean geejaksa miyeeda ea Gheeda maloonghajeega jeedeaba basoodida bea beastean. Nea nih ea miyeedeaba iyeenya gil, basooni bea beastean;

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”