Giidaheechta 13:2 - Bibliyeeda Ghaydit

² Nea diyeaydida aadaayiin gawuurji mariirda, nea geeshangaaschi gawuurji idamooda, ak ghuutaanyi gawuurji ghuuta ng'adiida. Ak ghoadaw hararjooda diyeayda uurdaanyi ea hoorgeadaanyi bea sugoocheanduumeeda ea gheambalmeeda haw.

NEAJEEDA EESH BEA BUUNEESSEAN

² Nea diyeaydida adaayiin gawuurji mariirda, nea geeshangaaschi gawuurji idamooda, ak ghuuttaannyi gawuurji ghuutta ng'adiida. Ak ghoadaw hararjooda diyeayda uurdaannyi ea hoorgeadaannyi bea sugoochcheandumeeda ea gheambalmeeda haw.

Giidaheechta 13:2 Mawu Ofanana

2 SUGOODIGA 2:24

Goong'weersa bwadaw ak ghwadaah, ak ghamwaashta aba gheawunga NG'UTAMIIDA. Hean ghapka aba geeshangiga idarooji iyeenya leabu dareabeeta ak gakuri gheareeman haradam ea iyeenya.

NYIIGHEEGA 22:21

Lealnean aba ghuuta ng'adiida, gurooroodeanyu sawana aba gujakeaba muweaksu!

GHWASIILDEANGA 17:12

Ghang'wana siida gwaroonyi idamooda siireat diibigaaschi, mwasamwa gwaroonyi siitasha aba jeeda leendeadaanyi.

GHWASIILDEANGA 28:15

Siida muy seara ambal siida bwarbwar, gawuurji nyeashta ng'adiida ghana idamooda yeat jih.

ISAYA 5:29

Nyeashta nyaawa gaygawuurji dea ng'adiida, ak gaygoojuur gawuurji dayeega ng'anyeeka; gayghoamuum ak ghabwar shageataanyi, gayghoang'waay ak ghwaat dea sheagi, ak ea moamu sih ghoareat.

YEREMIYA 13:23

Heapi siida duuw ghoamu ghwayam oormeadaanyi ghana mariirda ghoamu ghwayam ghuluumeadaanyi. Hean eara agooga ghoamuuschi asina gea miyas Agoogeeda noanalji sinita haleanjeeda munyas.

YEREMIYA 5:6

Asi gaygwarina ng'adiida jeeda dareabeeta ak gayghwanaw saawa, nea gaygwarina jeeda eeshtearajeanda fureayoonga ak gaygahuuyda saawa. Nea marirda ghwaak shageata aba badayda mujiinajeega nyaawa, siisi nyooh gwariteawa jeeda gajeanung' ghoah basanga; aba gideaba ramaseanyeeka nyaawa aasaang'a, nea yamiteaba geat ea haw.

HOSEYA 11:10

Gaygaweay gagaseada NG'UTAMIIDA, ak gayghoamuumda ng'adiida; ea, gayghwanya ghuuta, ak diibigaaschi gayghapkaana heeda biyeara nea ghaboadanaan;

AMOSI 3:12

Asi gwayi NG'UTAMIIDA: “Gaygawuurji gidayeawiida jeagiischoocheanda geeshan iyeenya, ghana muulaneanagi bea iita, hean ea gichea eayaawda fuga Israeli mida Samariya gil, sea gea mida badayda bulaliida mida hang'weaka miyaas.”

AMOSI 5:19

gawuurji siida mang'aw aba madeeda ng'adiida, ak gwaroonyi mariirda; ghana gawa jeeda gheeda ak ghoang'waay ghamarda, ak ghaghanya udang'usheega.

HABAKUKI 1:8

Faraasajeega nyaawa ea daruuschi ea ghang'al mariiraka, ak ea ng'weani ea ghang'al suuyeekeaba shing'ada; nea fuga nyaawa ding'da faraasajeega ghaghwar geat. Nea fuga nyaawa ding'da faraasajeega gwaleabu heesheagi; iissa gang'eetng'eetiideayda rabearda gasa gweagiischi.

2 Dimoteo 4:17

Ak ea nimiinaadawa Ng'utamiida meatkweedeanyu ak gagoonan uurda aba gideaba gagasa niny darukwiida giijasta miy, ea ghwayiiy eemoojiga sean, ak ghaalaalaani ghuuta ng'adiida.

1 Betro 5:8

Andeawana gheadeenda nea ghoang'wearu. Aba gideaba weajoocheandeang'wa was meang'nyeandeenda gawuurji ng'adiida ak gwanyeara daghata, nea gwaneay gagasa siida jea ghwanukghuta.

Giidaheechta 12:13

Iidu nea ghwadaah ichiboodida gideaba sijaksa badayda ng'eanyiida, hean ghwaat geeshteaba gatmoodida jih baleanda was baleandean.

Giidaheechta 12:15

Hean gwarina ghuuteaba ichiboodida beega uurji gea eenda, aba badayda gatmoodida, ak ghwanung' ghwaat guldeayda.

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 13:12

Ak gagadiyeata gheambalmeedeaba diyeaydida bea madeedean iisidaah, ak ghwanung' ghoaghadoawan ng'eanyiida ea fuga mida jeeda diyeaydida bea madeedean, nea dearjoadaanyi bea miyeeda ea nihaap.

Giidaheechta 13:4

Hean ghaghadoawan buuneeda ichiboodida, aba gideaba niidaw gheambalmeadaanyi diyeayda, hean ghaghadoawan diyeaydida nea gwayi, “Gawuurji ng'eaha diyeayda, ak gayghoamu ng'eaha gang'uchi sea niny?”

Giidaheechta 16:10

Goohiisa malaykajeandida bea muudiin gweeriidaanyi badayda hoorgeeda gheambalmeedeaba diyeaydida, ak geenung' gamisaniit sugoocheanduumeadaanyi; hean ghwanyeanyea buuneeda ng'ushapkeaka nyaawa aba siilalga

Giidaheechta 17:12

Ak gujakiga atamanamughuush idaahiin ea sugoodiga atamanamughuush gil, was gea miighoang'waay uurda sugoocheanduumeeda, ak ea ninyas gheambalmeeda gawuurji sugoodiga aba aseadeanagi, sea diyeayda.

Giidaheechta 19:20

Hean geang'waay diyeaydida, sea sibaneeda ng'uyeega ghayi sina gwadeagwajeega aba madeadaanyi, ak gwareengani fugiga ghayi niing'waay giirooraneedeaba diyeaydida ea fugiga ghadoawan gidasiratiida ninyiin. Hean geejaksa suh asiyeenyean jeeda basooda beasta nea majeekcheewi ak ghwaak beasta ea giikayda.

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Giidaheechta 20:2

Ak ghoang'waay ichibooda was ichiboodida bea garayiin was meang'nyeandeenda ea Shataani, ak ghwarada gweanyeew sagalama,