Giidaheechta 12:3 - Bibliyeeda Ghaydit

³ Ng'ata geadaah gwadeagooda nuut aba humng'eeda, ng'ula, hararjooda haw areara, mideawa iheeni ispwa ea gujaw damanamughuush, nea iheenga nyaawa gaba nih mideawa shiip ispwa.

NEAJEEDA EESH BEA BUUNEESSEAN

³ Ng'atta geadaah gwadeagooda nuut aba humng'eeda, ng'ulla, hararjooda haw areara, mideawa iheen ispwa ea gujaw damwanamughuush, nea iheenga nyaawa gaba nii mideawa shiip ispwa.

Giidaheechta 12:3 Mawu Ofanana

ISAYA 27:1

Ak eaweedida NG'UTAMIIDA gaygageanu ng'utaanyi ng'waan, majeek, haw ak ghwalas uhuudeaba ichiboodida deambiiri siguura Lewiatani, ak gayghabwar Lewiatani ichiboodida hala geaw abiita jeeda basoodean.

ISAYA 51:9

Ng'eada, ng'eada, akweala uurda, ea geatinda NG'UTAMIIDA; Ng'eada gawuurji gidaghayi bea garayi, gawuurji jeacheenga ghayi bea garayi. Mii ang'iing'i dea ghayi lajaada Rahabu, ak ging'udi ichiboodida?

ISAYA 9:15

Gweargweeda ea siida mureeda siida haw gil nea sibanga anaal ng'asheega ng'uyeega ea shoomng'eanda gil.

DANIELI 2:41

Nea geeshanga idaahi ea mooringa hees was meatkweenagi sheang'weeda nea meatkweeda niirja ea gharinyeanda gil, gajea sugoocheanduumeeda jea ghabwaasha; ak gaygwanda jeeda hang'ooynata gharinyeanda, gawuurji gididaakti gharinyeanda gaguuyi sea duusheang'wajeanda.

DANIELI 2:42

Mooringa geeshanga iiwas meatkweenagi gharinyeanda nea meatkweeda niirja ea sheang'weeda gil, abeeda sugoocheanduumeeda gajea majeek meatkweenagi nea meatkweeda niirja gajea ng'arng'ar.

DANIELI 7:20

ak geagasayi danal iiteaba gujakiga atamanamughuush mida uhuudaanyiin, ea gujaweedida ridu ak goobeedeaysa gujaka asamwagu madeadaanyiin, was gujaweeda mideawa gheanyanga ea ghuuta rukuuna ng'asheega hees, nea iising'ula eahaweewa suurja.

DANIELI 7:24

Ak gwasunu gujaka atamanamughuush, jeedeaba sugoocheanduumeeni gaygwarina sugoodi damanamughuush, ak gaygamaseaw geeshta nuut jea goombaliischi; ak gajea sajaadawaat aba heedeaba suurja ghayi bea mwadi, ak gayghabwaay sugoodi asamwagu.

Giidaheechta 12:1

Ng'ata geadaah gwadeagooda haw aba humng'eeda was gatmooda siikwealsa aseeta, nea gwanda jeeda baneaguuka geeshangaaschi sheeda, nea uhuudaanyi gwanda shiipka miinga atamaniyeenya;

Giidaheechta 12:13

Iidu nea ghwadaah ichiboodida gideaba sijaksa badayda ng'eanyiida, hean ghwaat geeshteaba gatmoodida jih baleanda was baleandean.

Giidaheechta 12:17

Hean gwanyareeksa ichibooda gatmoodida, ak ghang'eat gawa ghoang'eat ng'ucheeda sea jeata siipuut bea gatmoodean, sea fugiga ang'waay digheanyeeka ASEETA nea gamuuwu iita Yesuun. Ak ghamiinaada aba badayda iseaskweanda basooda.

Giidaheechta 12:4

Nea shoomng'eandaanyi goongiir miinga humng'eeda heeda haw, ak gwahisa badayda ng'eanyiida. Hean ghamiinaada ichiboodida aba madeedeaba gatmoodida riikghta gwaji jeeptean, ak abeeda ghwanukghuta jeaptaanyi damanda jiila;

Giidaheechta 12:7

Ng'ata ghang'eat ng'ucheeda aba humng'eeda, gang'uchi Mikaeli ea malaykajeagaaschi sea hararjoodida; ak gang'uchi ichibooda sea saawa ea malaykajeagaaschi,

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 13:1

Hean ghaadaayi diyeayda nea ghwadaambiir aba jeeda basooda, nea gwandeawa gujaw damanamughuush ea iheeni ispwa, ak gwanda shiip damanamughuush uhuuda gujakaaschi ak gwandeawa gheawunga giing'weaka aba iheenga gujakaaschi.

Giidaheechta 13:2

Nea diyeaydida aadaayiin gawuurji mariirda, nea geeshangaaschi gawuurji idamooda, ak ghuutaanyi gawuurji ghuuta ng'adiida. Ak ghoadaw hararjooda diyeayda uurdaanyi ea hoorgeadaanyi bea sugoocheanduumeeda ea gheambalmeeda haw.

Giidaheechta 13:4

Hean ghaghadoawan buuneeda ichiboodida, aba gideaba niidaw gheambalmeadaanyi diyeayda, hean ghaghadoawan diyeaydida nea gwayi, “Gawuurji ng'eaha diyeayda, ak gayghoamu ng'eaha gang'uchi sea niny?”

Giidaheechta 15:1

Hean ghaadaayi gwadeagooda nuut aba humng'eeda, nea aahaw ak daamdaamwaat, malaykaji ispwa mideawa sawanaduut ispwa was gea huuydean, aba gideaba aba badaydeaba suh niduulean nyarasta ASEETA.

Giidaheechta 16:13

Ng'ata ghaadaayi, ng'asheega rinna ghuuta ichibooda ea ghuuta diyeayda ea gea ghuusiga sibanga ng'uyeega, ea gurooruunat samwagu munyas uurji udagheambagajeamajeega;

Giidaheechta 17:12

Ak gujakiga atamanamughuush idaahiin ea sugoodiga atamanamughuush gil, was gea miighoang'waay uurda sugoocheanduumeeda, ak ea ninyas gheambalmeeda gawuurji sugoodiga aba aseadeanagi, sea diyeayda.

Giidaheechta 17:16

Ak gujakiga atamanamughuush idaahiin, ea diyeaydida ak gayghwasit hiseadaydida ak gajeenung' ghang'ut salgheang'da nea dawiish, ak gajeayaak banyeagaaschi ak gajeenung' gamurjan aba beasta,

Giidaheechta 17:7

Hean gwayeeshiinean malaykajeanda, “Ghwasaan anda gihami ng'eanyi? Gaydarukuneey makcheameedeaba gatmooni, ea dea diyeayda mideawa iheeni ispwa ea gujaw damanamughuush aat gatmooniin.

Giidaheechta 19:12

Ak gheanyangaaschi gawuurji ng'ushapta beasta, ak uhuudaanyi gwanda shiipka saang'a; ak gheawunga sing'waar mwanala eara sih geaghus niny.

Giidaheechta 20:2

Ak ghoang'waay ichibooda was ichiboodida bea garayiin was meang'nyeandeenda ea Shataani, ak ghwarada gweanyeew sagalama,