Giidaheechta 12:17 - Bibliyeeda Ghaydit

¹⁷ Hean gwanyareeksa ichibooda gatmoodida, ak ghang'eat gawa ghoang'eat ng'ucheeda sea jeata siipuut bea gatmoodean, sea fugiga ang'waay digheanyeeka ASEETA nea gamuuwu iita Yesuun. Ak ghamiinaada aba badayda iseaskweanda basooda.

NEAJEEDA EESH BEA BUUNEESSEAN

¹⁷ Hean gwanyareeksa ichchibooda gatmoodida, ak ghang'eat gawa ghoang'eat ng'uchcheeda sea jeatta siipuut bea gatmoodean, sea fukka ang'ng'waay digheanyeekka Aseetta nea gammuuwu iitta Yeesuun. Ak ghamiinaada appadayda iseaskweanda basooda.

Giidaheechta 12:17 Mawu Ofanana

GIING'EETA 3:15

Ak gaydayiin furjeeda dageascheadaang'u ea dea gatmooda, ea dageascheeda jeataang'u ea jeataanyi; gayghwalas uhuudaang'u; ak gayghanyaada diding'daanyi.”

DANIELI 11:36

“Ak gwasin sugoocheanda gidagasa; ak gayghaghwar geaw nea goodiing'u geaw ea gwaneawna aseecheeka, ak gaygabalool ng'asheega munyas aba badayda ASEETA aseecheeka; Gaygamnyeen ea ghwahidu nyarasta ASEETA; aba gideaba gidasibada gajeesin.

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

Yohaana 8:44

Agooga goobeayi ghweandeang'wa was meang'nyeandeenda ak iissa googasayi asina gidida bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madoobiiwsiina huumeanda aba gideaba manda jeadaanyi huumeanda. Iissa irugu ng'uyeega gwarugu aba gidida sirata ninyiin, aba gideaba niny gaba ng'uya, ak ea ghweanda ng'uyeega.

1 Goriinto 2:1

Hean iyaawunyi heedeang'wa, fuga eaduupcheewi, mwaawuni darukuneegwa muuwuunooda ASEETA aba ghwarjeeda ghana aba weaghuumeeda.

1 Betro 5:8

Andeawana gheadeenda nea ghoang'wearu. Aba gideaba weajoocheandeang'wa was meang'nyeandeenda gawuurji ng'adiida ak gwanyeara daghata, nea gwaneay gagasa siida jea ghwanukghuta.

1 Yohaana 2:3

Aba badaydeaba nih abeeda geanali gideaba geanali niny, iisiing'waanyi diigheanyeekaaschi.

1 Yohaana 5:10

Siida mwas Orjeeda ASEETA gwandeawa muuwuunoadaanyi aba jeadaanyi. Nea dea mamwasa ASEETA ghwanung' gaba ng'uya, aba gideaba mamwasa muuwuunooda ASEETA aba badayda Orjeedaanyi.

1 Yohaana 5:2

Aba seareani geanali gideaba geabwariinyi diibiga ASEETA, iisibwariinyi ASEETA nea geang'waanyi diigheanyeekaaschi.

Giidaheechta 1:2

amadu gamuuwu Yohana iita ng'asheanda ASEETA ea muuwuunooda iita Yesu Gristo, ea iita haleanjeeda sean ghayi dea.

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

Giidaheechta 11:7

Iidu nea niihiit muuwnooda nyaawa, gaygang'uchi diyeaydida leabu jeeda shoomanda mamuudeanean sea saawa, ak gayghwajoar ak gwanuus saawa,

Giidaheechta 12:16

Iidu ghaweat ng'eanyiida gatmooda, ak ghwajaat ng'eanyiida ghuutaanyi ak ghwanukghuta eendida rinna ghuuta ichiboodean.

Giidaheechta 13:7

Ak geesiksa gang'uchi sea fuga ghaydidi ak ghwajoar. Ak geataw gheambalmeeda aba badayda gilinyoo ea eemoochean gil ea buuneeda ea iita ea eemoojiga,

Giidaheechta 14:12

Hiji heeda mida giihang'ooyda fuga ghaydidi gil, nea fuga ang'waay digheanyeeka ASEETA gil ea masaweega Yesu.

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 17:6

Ghaadaayi gatmoodida, nea niboogit aba foojeanda fuga ghaydidi sea foojeanda sinuus aba badayda Yesu. Hean nea ghaadaayi gatmoodida ghahamwan ng'eanyi gidahaw.

Giidaheechta 18:20

Ahoosana aba badaydaanyi, Ea humng'eeda, Ea fuga ghaydidi ea giijasoodiga ea sibanga, aba gideaba ASEETA nigooneegwa girgweaksiinda aba badaydaanyi!”

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Giidaheechta 19:19

Hean ghaadaayi diyeayda ea sugoodiga ng'eanyiida ea shirikarajeega nyaawa nea ghabwat geat nea gagasa gang'uchi sea siidida apteada aba badayda faraasiin sea shirikareadaanyi.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.

Giidaheechta 22:14

Ghang'wana fuga ahuun hang'weaka nyaawa, ak gwandeawa doobiiwnata jea gaweesiina geeta eaweega ak gaweay jeeda mujiini aba gidaghuudajeagaaschi.

Giidaheechta 6:9

Iidu nea gootin giirooraneedeaba muut, hean ghaadaayi aba jeeda heeda wagiida gurooruunatka fuga ghayi silajaada gheatkweaka aba badayda Ng'asheanda ASEETA, ak gamuuwu ng'asheesu;