Giidaheechta 11:3 - Bibliyeeda Ghaydit

³ Ak gaydaadaw Muuwshoodigeasu asiyeenya uurda ak ghwaramoar eawooji sagalam ea bughalaji iyeenya ea laadam, nea siikwealsa guniyajeega.”

NEAJEEDA EESH BEA BUUNEESSEAN

³ Ak gaydaadaw Muuwshoodigeasu assiyyeenya uurda ak ghwaramwaar eawooji sagalam ea bughalaji iyyeenya ea laadam, nea siikwealsa guniyajeega.”

Giidaheechta 11:3 Mawu Ofanana

GIING'EETA 37:34

Ng'ata ghabwaashaada Yakobo hang'weakaaschi, ak gookwealsa manandaanyi hang'weaka guniyajeega, ak gagiisan aba orjeedaanyi ea gageawiit.

2 SAMWELI 3:31

Ng'ata gwayeesha Dawdi Yoabu sea fuga sean mideawa, “Abwaashaada hang'weakeagwa, ak gookweali hang'weaka guniyajeega, ak gooyeawdi aba badayda Abneri.” Ak ghwaat geeshta daleanda sugoocheanda was Dawdi.

1 SUGOODIGA 21:27

Hean ghwayiiy Ahabu ng'asheesu, ak ghabwaashaada hang'weakaaschi, ak gookwa guniyajeega, ng'ata gooluulda geaw ak gawiil geaw aba badayda guniyajeega ak goojiileadayi.

2 SUGOODIGA 19:1

Iiyiiy Hesekiya was sugoocheanda ng'asheesu hean ghabwaashaada hang'weakaaschi. Ak gookwa guniyajeega, ak gawa jeeda gheeda NG'UTAMIIDA.

1 DAMANYOOJIGA 21:16

Gagatkat Dawdi gheanyangaaschi, ak ghwadaah malaykajeanda NG'UTAMIIDA nea ghamiinaada aba dageascheeda ng'eanyiida ea dea humng'eeda, nea gwandeawa ng'uta sifagu aba geatindaanyi, nea geekeal Yerusalemu. Hean ghoabeada Dawdi sea gweargwa ea ghabwada jeesinga ng'eanyi, nea niikwa hang'weaka guniyajeega aba giiseaneega.

NEHEMIYA 9:1

Hean eaweedeaba diktam ea ang'wan bea sheeni ghabwatgeat fuga Israeli nea gooluulda geat nea gookwa hang'weaka guniyajeega, nea gwasaksa birjeanda iheenga nyaawa.

AYUBU 16:15

Neakweali hang'weaka guniya, ak geajaksi geaw ng'eanyi deapteada.

NYIIGHEEGA 69:11

Hean nea geakweali guniya ak geayeawdi, hean geeshikean.

ISAYA 22:12

Eaweedida NG'UTAMIIDA was ASEETA lugweega gaygaguursa buuneeda gooyeawda nea goonyahuushi, nea gwalootu buudeega nyaawa nea gookwa guniyajeega.

YEREMIYA 1:10

Asi ghamneawa naayiinyeeyi iheenga eemoojiga ea gheambalmoojiga, ak gayloata nea gibarsi ng'eanyi, ak gaydatasa ak gijakti ng'ata gaydeasa nea gihisti.”

HEAREEGA 2:10

Gweargwa huda Sayuni inyeessa goopteada aba ng'eanyi nea ghwasiinda; ak geejaksa birjeanda iheenga nyaawa nea gwarasa mananuunatka nyaawa hang'weaka guniyajeega; haweega Yerusalemu gakula iheenga nyaawa ng'eanyi.

ESEKIELI 4:6

Amang'ata eawoojisu abeeda gaylila deabiyeenya nea gibwadi meatkweeda geatinda dugwa, ak gaysareana ghoorjooda fuga Yuda, eawooji haradam geagoonyeeyi eaweecheanjagi aba gilakweayi.

DANIELI 12:7

Iidu siidida akwa hang'weaka miyaas, nea ghamiinaada aba badayda beega ghealoodean, gagatkat geatindaanyi bea dugwa ea geatindaanyi ghaadaam nea googeal humng'eeda; ak ghayiinyi nea gweaksa habeawooda dea mida damanda manda muudeanooda, gideaba gaygwanda damanda, ea damanyooji iyeenya, ea gidamwahita damanda; nea iidu nea sihirja uurda fuga ghaydidi ak gamuudean, abeeda ng'asheesu seaniin gajeahiit.

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

DANIELI 8:14

Ak gwayeesha niny, “Gaygageanu sakteawuut sagalamnyooji iyeenya, ea bughalaji samwagu shing'aduutka ea sakteawuutka, abeeda heeda ghaydit gaygabiikta ghamiitaayda gidaghayi bea mwadi.”

YOELI 1:13

Oomajeega geat ak googutu heareega, Ea ashoohoodiga; ookuula, Ea fuga gadiyeeda heeda wagiida; apkaani alila eaweesean aba badahuuka guniyajeega, Ea fuga gadiyeesa ASEETEANYU; aba gideaba haleanjeeda ghadooweeda was dearanga ea haleanjeeda ghadooweeda sileeha oaheawi ayaada jeeda gheeda ASEETEANG'WA.

YONA 3:5

Hean ghamwas fuga Ninawi ASEETA; hean gwaheeleesa giiluuldeaydeaba geat, ak gaba siisi akwa hang'weaka guniyajeega, gida ng'eada siida haw ea gagul dea mwanang'.

YONA 3:8

ak abeeda buuneesean ea diyeanga anung' gookwa hang'weaka guniyajeega, ak gooyeawusa ASEETA muuchi; daba siisi nung'waada ng'asheagaaschi munyas ea munyinda mida geatingaaschi.

IITOODA 11:26

Ak geepuussa fih iyeenya hoowa bea museasoodean, ak gheawung'spa siyagi geeguura Eldadi, nea gheawungeaba siidida bea iyeenyean geeguura Medadi; ak gwashuubeesa gurooroodida; nea saawa gaba jeedeaba fugiga ghayi sing'waariin, nea abeeda ea maba jeeda fuga weay heeda maheemajeanda; ak ghwaramoar aba jeeda maheemajeanda.

Mattayo 11:21

“Ashageada geat Gurasini! Ashageada geat Betsayda! Aba gideaba ng'asheegiga ghayi deamdeameadi sisissa jeedeang'wean, inyeeda ghayi geesissa mujiineeda Diro ea Sidoni, gajea nigeawiit gwaduukuuna ng'asheega munyas ak ghwayeashta deareeda nea gookwa guniyajeega.

Mattayo 18:16

Ama heawa gooleeyseey iit giideayeewi siyagi ghanea fih iyeenya sea ang'iing'i, aba gideaba ng'asheanda wassean iirugu aba madeeda muushoodi asiyeenya ghanea samwagu abeeda ng'asheega gaygamajeekcheewiidi.

Lukka 10:13

“Shageada, Gurasini! Shageada, Betsayda! Aba gideaba deamdeamanga ghayi sisin aba heedeang'wa inyeeda ghayi geesin aba Diro ea Sidoni, gajea goola gwaduukuuna nea gookwa guniyajeega ak goobiitpiida deareeda.

Lukka 24:48

Nea agooga goowooschi mushoodigeaba ng'asheesu.

Yohaana 15:27

eara Agooga goowooschi muushoodiga, aba gideaba geendeayi ghang'eada mwadi.

Yohaana 3:27

Gwayeesha Yohana, “Siida moamu ghwanyas gida wassean geaghus dea siitaw leabu humng'eeda.

Gadiyeeda Giijasoodiga 1:8

Ak gajanyasa uurda iiwuh heedeang'wa Guroorooda Ghaydit; ak gajahuuwa muushoodigeasu aba Yerusalemu ea Yudeyeesean ea Samariya ea ghoah muudeanooda ng'eanyiida.”

Gadiyeeda Giijasoodiga 13:31

ak gabussa eawoojiga saang'a fugiga ghayi adeana aba Galilaya ea ghwahita Yerusalemuun, was ghamneawa muushoodigaaschi aba heeda buuneeda.

Gadiyeeda Giijasoodiga 2:32

Yesuheeni gooduudu ASEETA, ak aba ng'asheanji geewooschi muushoodiga.

Gadiyeeda Giijasoodiga 3:15

ak goonuuschi Siidida goona eaweegean, ak gooduudu ASEETA aba jeeda miyeeda. Ak aseasa geawooschi muushoodigeaba ng'asheanji.

1 Goriinto 12:28

Nea ASEETA ea niloat giijasoodiga madeeda aba jeeda ganiisa, deaba iyeenya sibanga, geaba samwagu ea giinealshoodiga, ea fuga sina ng'asheega deamdeameadi, ea fuga aheabi buuneeda, ea weedanga, ea fuga ambaliischi, ea fuga baloola ghuusiga eemoojiga mwaatkwa.

2 Goriinto 13:1

Nih deaba samwagu gil aba wunooda aawunyi heedeang'wa. Giidiinyeanda wassean gayghwadaajiit aba ghuusispa muushoodi iyeenya ghanea samwagu.

Efeeso 4:11

Hean gageanu mwaatkwa ghoah giijasoodiga, nea mwaatkwa ghoah sibanga, nea mwaatkwa ghoah fuga jea gwarukwiida giijaasta miy, mwaatkwa ghoah haghweadoodiga ea giinealshoodiga,

GIIPKEATA DIIGHEANDA 17:6

Aba madeeda fih iyeenya was muushoodiga ghana ea samwagu bea gheang'da siidida jea ghamiin gajeenuus; siida majeenuus aba gidamuuwu siyagi.

GIIPKEATA DIIGHEANDA 19:15

“Siyagi muuwu ng'asheega moamu ghwajoar siida aba ramaseanda wassean ghana giidiinyeanda wassean deepa ea nisin, geeghus aba madeeda fih iyeenya ghana fih samwagu was muushoodiga, abeeda gaygamajeekcheewiidi ng'asheega.

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 11:2

ak ea adiideeni bugharjeanda mida bwadaw bea ASEETA; dakta bwadaw, aba gideaba siitaw darooraka, ak gayghwadatas mujiineeda ghaydit sheeh haradam ea iyeenya.

Giidaheechta 11:6

Saawa gwandeawa uurda jea ghwarada humng'eeda, ak ea maroabwana damanda ramoarana, ak gwandeawa uurda aba badayda beega ak ghwayam ghoah foojeanda, ak ghwalas ng'eanyiida aba giliwas dawni, aba gidagasiida.

Giidaheechta 12:6

iidu gamng'aw gatmoodida gawa dareapcheeda, nea nisissa ASEETA heechea goobiida, ak geerear ak goobiida hoowa eawooji sagalama ea bughalaji iyeenya ea laadam.

Giidaheechta 13:5

Ak geataw diyeayda ghuuta jea gabaloola ng'asheega hees bea giing'weaka, ak geataw gheambalmeeda jea gwasina gadiyeadaanyi sheeh haradam ea iyeenya;

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.