Giidaheechta 10:1 - Bibliyeeda Ghaydit

¹ Ng'ata ghaadaayi malaykajeanda nuut mideawa uurda nea ghwararang'aana humng'eeda, nea siikwealsa shamooghooda, nea uhuudaanyi gwanda gidaghuweang'da sheagiitka, nea gheamamdaanyi ghawaar aseeta, nea geeshangaaschi gawuurji daranajeega beasta.

NEAJEEDA EESH BEA BUUNEESSEAN

¹ Ng'atta ghaadaayi malaykajeanda nuut mideawa uurda nea ghwararang'aana humng'eeda, nea sikwealsa shamooghooda, nea uhuudaannyi gwanda gidaghuweang'da sheagitka, nea gheamamdaannyi ghawaar aseetta, nea geeshangaaschi gawuurji daranajeega beasta.

Giidaheechta 10:1 Mawu Ofanana

NYIIGHEEGA 104:3

Ak ghwayiin daranajeega ghoorajeagaaschi geawi jeeda beega, nea ghwanung' ghoah shamooghuutka mutukwajeandaanyi, nea ghamwanmwan aba badayda meang'eega jeameeda,

NYIIGHEEGA 97:2

Niny gwaneaweesa shamooghuutka ea misaneeda durumwana; doobiiwnata ea girgweageeda sindeeta hoorgeadaanyi.

RITEAYDA 16:10

Damanda duu goobaloola Haruni eemeeda fuga Israeli, hean siing'weersa dareapcheeda, hean geadaah nirdu giigheambiita NG'UTAMIIDA aba jeeda shamooghooda.

SARMEEDA SULEMANI 5:15

Geeshangaaschi gawuurji daranajeega eashish siyiin uhuuda sindeeta dahaabu siguura dahaabu. Ratoadaanyi gawuurji Lebanoni, ak ea majeekcheewi gawuurji geediga gubooyeeka.

ISAYA 19:1

Nih gisiihiimu gil aba badayda Misri. Ng'ula, NG'UTAMIIDA nidiyeada badayda shamooghooda weah nea ghwalamwajaada gaygawa ea ghwahita Misri; ak gaygaboodani sanaamajeega aba madeadaanyi, ak gayghwanyiit beega jeeda fuga Misri aba giyoonda.

ISAYA 54:9

“Aba gideaba ng'asheanji aba heedeanyu gaygawuurji damanda ghayi bea Nuhu: aba gidaghayi aayaakti habeawooda gideaba beega damanda Nuhu maygutgabiigu badayda ng'eanyiida gicha, asi naayaaji habeawooda gideaba maygutanyareekseey nea maydeawoowseey.

HEAREEGA 3:44

nidukuti geaw aba shamooghooda ak mooshteanya bea ghawooda ea manda heechea gwasik.

ESEKIELI 1:28

Nea iisidaa gawuurji gidaghuweang'da sheagiitka aba jeeda shamooghuutka damanda roopta. Ak ea giduurji weeshindida gil aba meadajeega sean nea giduurjeata giigheambiita NG'UTAMIIDA gil iisidaa. Hean nea ghaadaayi ghaabeadi nea ghaabwadi jih ng'eanyi, ak ghaayiinyi ghuuta siida nea gabalool.

DANIELI 10:6

Saseadaanyi ghoameang'daayda booshcheanda, nea gheamamdaanyi gawuurji dadamandeeda, gheanyangaaschi gawuurji gheaboonyanga yeat, geatingaaschi ea geeshangaaschi ghoameang'daayda lagheaneeda oomng'i sisiy, nea nyeashta ng'asheagaaschi ghwanyaashta nyeashta fuga saang'a.

DANIELI 7:13

Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

NG'ASHEEGA LAWI 16:2

ghwalamda NG'UTAMIIDA ak gwayeesha Musa, “Eeshiina orjeeda geamadu was Haruni adagoona damanyoojiga sean heeda ghaydit was beashooda, was madeeda hoorgeeda baydeayda mida uhuuda sandaku, aba gideaba gajiidu ghami; aba gideaba gaydabareanu aba jeeda shamooghooda aba badayda hoorgeeda baydeayda.

Mattayo 17:2

Ghwayamwa oormeadaanyi aba madeanyaawa, ghameang'meang' gheamamdaanyi ea gawuurji aseeta, nea gaweeriidi hang'weakaaschi ea ghawaar weeshinda.

Lukka 21:27

Ak gajeadaah Orjeeda Siida nea ghoana jeeda shamooghooda nea gwandeawa uurda ea giigheambiita haw.

Gadiyeeda Giijasoodiga 26:13

Ea sugoocheanda ghayi eaweecha nea geandi naweeda ghaadaayi weeshinda abwaay leabu humng'eeda, nea aba eeshmeeda ghang'al dea aseeta arearu, ak gwaneaweesean weeshinda ea bareandeanyu.

Giidaheechta 1:7

Ng'ula, ghwaan nea goodeana shamooghuutka, ak gayghwadaah niny giliwas gheang'da, ea giliwas sih ghayi ng'ut niny; ea eemoojiga sean bea ng'eanyiida gaygagutu heareagaaschi. Asaha. Amin.

Giidaheechta 18:1

Iing'ata suh ghaadaayi malaykajeanda nuut nea ghwararang'aana humng'eeda, nea gwandeawa gheambalmeeda haw; ak ghoabwaay ng'eanyiida giigheambiitaanyi.

Giidaheechta 18:21

Hean gagatkat malaykajeanjagi mideawa uurda, lagheaneeda uurji lagheaneeda haw bea ng'ealdeayda ak gwajaksa jeeda basooda, nea gwayi, “Asi gajeejakseey ng'eanyi Babeleedida was mujiineeda hawiin aba nyarasta, ak ea maygudu eebiikta eadaah;

Giidaheechta 20:1

Hean ghaadaayi malaykajeanda nea ghwararang'aana humng'eeda, nea ghoang'waanya geadi gidasiitina shoomanda mamuudeana ea munyaloalajeanda haw.

Giidaheechta 4:3

Nea siida apteadawa uhuuda iising'ula ghawaar lagheaneeda mur ea dea dughwaang', nea hoorgeedida bea gheambalmeedean gwaneaweesa gidaghuweang'da sheagiitka ama sing'ula ea nyawiish.

Giidaheechta 5:2

ghaadaayi malaykajeanda mideawa uurda nea gwarukwiida ng'asheega aba ghuuta haw, nea gwayi, “Gamiisa ng'eaha gideaba gaygootin gitaabu ak gwanyarjeaweada giiroorangaaschi?”

Giidaheechta 8:13

Hean ghaang'weardi, ak ghaadaayi rabearda ajuur muuchi, nea ghang'eata aba bugusta humng'eeda, nea gwayi, “Ashageada, ashageada, dashageada fuga mida badayda ng'eanyiida, damanda jea ghwanyaasha giiguuleanda nuut nea niriikghta googuul malaykajeega asamwaguun!”