Giidaheechta 1:9 - Bibliyeeda Ghaydit

⁹ Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

NEAJEEDA EESH BEA BUUNEESSEAN

⁹ Aniini geawoschi Yohaana, oorjeeda giyeang'wa deaghayi oppareannyeewi sawanadeeda ea sugoochcheandumeeda ea milikghteayda nea ghoahhangng'waanyi, nea gwanda ng'eanyiida neaweesa beega suguura Batmo appadayda ng'asheanda Aseetta ea muwuunooda ng'asheega Yeesu.

Giidaheechta 1:9 Mawu Ofanana

Mattayo 20:23

Gwayeesha Yesu, “Sawanadeedeanyu gajoomilikghteaysiina, ama duuku giipteadayda geatindeanyu bea dugwa ea geatindeanyu ghaadaam, meandeawani uurda jea dagoona, geaghus eataw fuga ghayi nibay gwararsa Bwaabwa.”

Marko 10:39

Gwayeesha Saawa Yesu, “Ea geamuuschi.” Gwayeesha Yesu, “Huumwa gil gikoombeeyda jea daleayda eara agooga ghoamuuschi gideaba gajaleayda Eara giibaatiisandida jea eebaatiisananiin gajeepaatiisananeegwa eara agooga.

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahang'waanya jeesingeagwa, aba gideaba aniini naajoarji ng'eanyiida.”

Gadiyeeda Giijasoodiga 1:15

Aba eawoojigiga ghang'eat Betaro ghamiinaada aba jeeda fuga siduupcheewi (nea abeeda mooneeda buuneeda ghwahita bughala ea diktam), ak gwayeesha,

Gadiyeeda Giijasoodiga 14:22

hean goomajeek gurooruunatka giinealanga, nea goobaloola gideaba oopiidana jeeda masaweega, ak gwayeesha gajeanyasa sawanaduutka saang'a iijea eeweaya jeeda sugoocheanduumeeda ASEETA.

Ruumi 8:17

ama siwooschi diibiga, ada abeeda geewooschi fuga jea gwahearaniischi, fuga adaw ASEETA hearaniischooda, jea gwahearaniischi sea Gristo, asaha, iisisawaneasa sea niny abeeda iimuchu geakghaambiideasa sea niny.

Ruumi 8:25

Ama sirarji gidida meadaahaan, abeeda geefurdi nea gearjeang'di.

2 Goriinto 1:7

Nea gidida sirarji aba heedeang'wean ea majeetuumduum; aba gideaba geanali gidida oopareanyeati sawanaduutkaasaan, abeeda gajoopareanyeana geandeayda salgheang'deanya.

Filippi 1:7

Asi ghwadoabiiw aba heedeanyu gideaba gaydaahiit suh aba badahuukeagwa oogasean, aba gideaba neang'ooyseegwa jeedeanyu, aba gideaba goowooschi oogasean fuga eaweecheewi aba dagheerjeanduumeeda, aba jeeda ghealoonigeasu ea aba furooda aba giimajeekta giijasta miy.

Filippi 4:14

Ak ea noosinyi ng'asheanda miy aba damanda sindeayeesi jeeda sawanadeedeanyu.

2 Desaloniikke 3:5

Gagasa ghoadoabiiw Ng'utamiida gurooruunatkeagwa ak ghoanyaschi bariinyeega ASEETA, nea ghoamilikghti aba Gristo.

2 Dimoteo 1:8

Adibwaspwasi aba muuwuunooda badayda Ng'utamiideanya, eara aniineani eandi ghealooniga aba badaydaanyiin, asi milikteaysiina ng'asheega munyas sea aniini aba badayda Giijasta Miy aba uurda ASEETA,

Ebraniya 10:36

Asi gagasa andeawana riyeeng'deayda, ak abeeda goosinyi gidagasa ASEETA ak ghoanyaschi gidida siheeleesean.

1 Betro 5:1

Geamuschi gweargwa mida ng'eang'deang'wa, eara aniini geawooschi gweargweeda geawuurjeeweegwa, ak geawooschi muuwshoocheanda sawanadeeda Gristo, ak geendeayeesi giigheambiita jea iidu eataajiit.

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

Giidaheechta 1:2

amadu gamuuwu Yohana iita ng'asheanda ASEETA ea muuwuunooda iita Yesu Gristo, ea iita haleanjeeda sean ghayi dea.

Giidaheechta 1:4

Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

Giidaheechta 1:6

ak gagoaneasa sugoocheanduumeeda, ak geahuuyi ashoohoodiga aba heeda ASEATAANYI ea Ghweanda, giigheambiita daanyi ea sugoocheanduumeeda ea ghoah damanda manda muudeanooda. Amin.

Giidaheechta 11:7

Iidu nea niihiit muuwnooda nyaawa, gaygang'uchi diyeaydida leabu jeeda shoomanda mamuudeanean sea saawa, ak gayghwajoar ak gwanuus saawa,

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

Giidaheechta 12:17

Hean gwanyareeksa ichibooda gatmoodida, ak ghang'eat gawa ghoang'eat ng'ucheeda sea jeata siipuut bea gatmoodean, sea fugiga ang'waay digheanyeeka ASEETA nea gamuuwu iita Yesuun. Ak ghamiinaada aba badayda iseaskweanda basooda.

Giidaheechta 13:10

Siida wassean iijea gawa ghealooniga, gaygawa ghealooniga; siida wassean iilach gheateaba niirja aba ng'uta, eara niny gajealach gheata aba ng'uta. Nih heeda mida giihang'ooyda ea doobiiwnata fuga ghaydidi.

Giidaheechta 14:12

Hiji heeda mida giihang'ooyda fuga ghaydidi gil, nea fuga ang'waay digheanyeeka ASEETA gil ea masaweega Yesu.

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.

Giidaheechta 3:10

Aba gideaba niing'waanyi ng'asheandeanyu bea milikghteayda nea giihang'waanyi, ak aniini gaydafurnyi, nea giriti aba damanda simsimda jea gwahissa ng'eanyiissean, ak gwasimsim fuga mida badayda ng'eanyiida.

Giidaheechta 6:9

Iidu nea gootin giirooraneedeaba muut, hean ghaadaayi aba jeeda heeda wagiida gurooruunatka fuga ghayi silajaada gheatkweaka aba badayda Ng'asheanda ASEETA, ak gamuuwu ng'asheesu;

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.