Giidaheechta 1:4 - Bibliyeeda Ghaydit

⁴ Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

NEAJEEDA EESH BEA BUUNEESSEAN

⁴ Yohaana heeda ganiisajeega assispwa mida Asiya: Gagasa anyasa dagheerjeandumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda guroruunat ispwa mida madeeda hoorgeadaannyi bea sugoochcheandumeeda,

Giidaheechta 1:4 Mawu Ofanana

NYIIGHEEGA 90:2

Damanda miyeesina giijeega, ghana heeda mii bwadana ng'eanyiida, ang'iing'i guwoosi ASEETA ghang'eada damanda manda muudeanooda ea ghwahita damanda manda muudeanooda.

RITEAYDA 3:14

Gwayeesha ASEETA Musa, “ANIINI GEANDI WAS DIITA BEAN GWANDEAN.” Ak gwayeesha, “Nih gichea rukusiinda fuga Israeli gil, ‘ANIINI GEANDI goojeaknean heedeang'wa.’”

ISAYA 11:2

Ak gaygoobiida guroorooda NG'UTAMIIDA badaydaanyi, guroorooda weaghuumeeda ea fughareeda, ea guroorooda baloolda ea dea uurda, ea guroorooda fughareeda ea gheawalmeeda NG'UTAMIIDA.

ISAYA 41:4

Ng'asheesu seaniin gwasin ng'eaha, ghayi gaguursa jeacheenga aba giing'eeta? Aniini geawooschi NG'UTAMIIDA, dea madeeda ea dea huuydean aniini gil.

ISAYA 57:15

“Nih ginyah ASEETA mida humng'eeda sheagi gil bea giibinda manda muudeanooda, nea gheawungaaschi ea Ghaydit. “Aniini geabiiti humng'eeda heeda ghaydit, ak geendeayi sea fuga niduukuuna ea gea eadageat ng'eanyi, ak gaydeamajeek gurooruunatka gea eadageat ng'eanyi, nea ghaadawji uurjeenga gea niduukuuna.

MIKA 5:2

Nea ang'iing'i, Ea Betlehemu Efrata, uwoosi mwanang' aba bugusta dooshinga Yuda, aba headaang'u gaygwarinanean dea jea goombal fuga Israeli, nea gumdoadaanyi ghang'eada ghayi garayi, damanda manda muudeanooda.

SAKARIYA 3:9

Aba gideaba ng'ula lagheaneani aayiinyi madeeda Yoshuwahiin, jeemba lagheaneanagi gwanda gheanyan ispwa, ng'ula gaydang'waar ng'ooruutkaaschi, gwarugu NG'UTAMIIDA bea lugweega, ak gaydageanda ng'asheega munyas bea ng'eanyiini eaweecheanjagi.

SAKARIYA 4:10

Aba gideaba neada gafool ng'eaha eaweecheanji bea ng'asheega manang'iin? Aba gideaba gajeehoosan, iisidaah Serubabeli nea ghwadeas gheeda sibata ASEETA. “Nea suh asispwaan ea gheanyanga NG'UTAMIIDA gil, gang'ula meadajeega sean bea ng'eanyiida.”

SAKARIYA 6:5

Ak ghwasha malaykajeandida ghuuteanyu ak gwayi, “Suh gwarina meadajeega asang'wan bea humng'eeda, nea gwaleabu madeeda NG'UTAMIIDA bea ng'eanyiisean.

Yohaana 1:1

Ghayi aba garayi gwanda Ng'asheanda, nea Ng'asheanda gwandeayi sea ASEETA, nea Ng'asheanda ea ASEETA.

Gadiyeeda Giijasoodiga 19:10

Ng'asheesu gwasindunu ea goosha gweanyeew iyeenya, ea ghwayiiy fuga sean bea ng'eanyiida Asiya ng'asheega Ng'utamiida sea fuga Yahudi ea gea Yunani.

Gadiyeeda Giijasoodiga 2:9

Fuga ng'eanyiida Barti, ea Medi, ea Elami, ea fuga abiita Mesopotamiya, Yudeya ea Gapadokiya, Bonto ea Asia,

Ruumi 1:7

aba fuga sean mida ng'eanyiida Rumi, ghayi bwariiy ASEETA, siguursa ghoah fuga ghaydidi: Gagasa anyasa dagheerjeanduumeeda ea hoyyooyda leabu heeda ASEETA was Ghweandeanya, ea heeda Ng'utamiida was Yesu Gristo.

1 Goriinto 1:3

Gagasa andeawana dagheerjeanduumeeda ea hoyyoo leabu heeda ASEETA was Ghweandeanya ea heeda Ng'utamiida was Yesu Gristo.

2 Goriinto 1:2

Gagasa anyasa dagheerjeanduumeeda ea weayda leabu heeda ASEETA was Ghweandeanya ea heeda Ng'utamiida was Yesu Gristo.

Ebraniya 13:8

Yesu Gristo gawuurji gideaba heeta ea ghamneawa ea gagul damanda manda muudeanooda.

Yakkobo 1:17

Gilinyoo eahaakta miy ea gilinyoo eatayda hidaat gwaleabu heetiyeada, ak ghwararang'aana heeda Bwaabwa weeshinda nea headaanyi ea manda yamoodeaba geaw ghana jirooneeda yamiteaba geaw.

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

Giidaheechta 1:11

“Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

Giidaheechta 1:17

Iidu nea ghaadaayi niny, geabeedeaysi geeshangaaschi ea dawuurji siida nimi. Hean ghwayiin geatindaanyi bea dugwa uhuudeanyu nea gwayi, “Adibeali, Aniini geawooschi dea madeeda ea dea huuydean ea dea majeek;

Giidaheechta 1:20

Makcheameedeaba miingiga as ispwa ideaksi geatindeanyu bea dugwean, ea hoorgajeegiga as ispwa meeng'meeng'iin, miingiga as ispwaan, malaykajeega ganiisajeegiga as ispwaan ak eara hoorgajeegiga as ispwa meeng'meeng'iin ea ganiisajeegiga asispwaan gil.

Giidaheechta 1:8

“Aniini geawooschi Alfa ea Omega,” dea madeeda ea dea huuydean, aba ginyah Ng'utamiida was ASEETA, dea mida ea dea bean gwanda ea dea jea ghwahidu, was ASEETA mideawa uurda.

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

Giidaheechta 16:5

Ak ghaayiinyi malaykajeanda ambal beega nea gwayi, “Ang'iing'i guwoosi doabiiwaat aba girgweaguutkaagu, ang'iing'eeda indi nea ghayi gindi, Ea Dea asagi Ghaydit.

Giidaheechta 2:12

“Heeda malaykajeanda ganiiseeda Bergamo ng'oara: ‘Suh ng'asheega dea mideawa ng'uta ng'aniip meadajeega duwaawi.

Giidaheechta 2:18

“Heeda malaykajeanda ganiiseeda Diyatira ng'oara: ‘Ng'asheega Orjeeda ASEETA, bea gheanyanga oar ng'ushapta beasta, ak geeshangaaschi gawuurji lagheaneeda mur sisiy muuchi.

Giidaheechta 2:8

“Heeda malaykajeanda ganiiseeda Smirna ng'oara, ‘Ng'asheega madeeda ea dea huuydean, was dea ghayi meah ak gabiikta gamajeegiit.

Giidaheechta 22:16

“Aniini Yesu, neajeagu malaykajeandeanyu headaang'u nea gweadu muwuunooni heeda ganiisajeega. Aniini geawooschi hawunyeanda ea jeata Dawdi, was miing'weandida aboong'u bea muchuunoodean.”

Giidaheechta 22:8

Aniini Yohana ghaayiinyi nea ghaadaayi ng'asheesu. Damandida aayiinyi nea ghaadaayiin, hean geabeedeaysi ng'eanyi ak ghaghadoawanyi aba madeeda malaykajeanda ahiimnaan ng'asheesuun;

Giidaheechta 3:1

“Heeda malaykajeanda ganiiseeda Sardi ng'oara: ‘Suh ng'asheega ninyeeda mideawa gurooruunat ispwa bea ASEETA ea miinga asispwaan gil. “‘Ghaanali gadiyoojigaagu; gideaba gindeawi gheawunga majeeknata, nea nimeawi.

Giidaheechta 3:14

“Heeda malaykajeanda ganiiseeda Laodikiya ng'oara: ‘Ng'asheega siida was Amin, was siida doabiiwaat was muushoocheanda huumwa, was giing'eeta haleanjeeda sean sin ASEETA.

Giidaheechta 3:7

“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.

Giidaheechta 4:5

Nea heeda hoorgeeda gheambalmeeda iissa gwarina dadamandeeda, nea ghuusiga ea nyeashta gighweendandeeda, nea madeeda hoorgeeda gheambalmeeda ghwayeat gheaboonyan ispwa bea beasta, nea gurooruunat ispwa bea ASEETA;

Giidaheechta 4:8

Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

Giidaheechta 5:6

Hean ghaadaayi aba dageascheeda hoorgeedida bea gheambalmeedean ea diyeangiga majeekcheewi asang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheata, nea gaba gujaw ispwa ea gheanyan ispwa, nea Gurooruunat ispwa bea ASEETA gil siicheakta gaweay ng'eanyiisean;

Giidaheechta 8:2

Ak ghaadaayi malaykajeandeaba ispwa nea ghamiinaada aba madeeda ASEETA, ak geataw saawa durumbeataji ispwa.